V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

Свята «Засеўкі» правядуць у Магілёўскім раёне

Афіцыйны старт пасяўной кампаніі ў Магілёўскай вобласці будзе дадзены сёння на свяце «Засеўкі», паведамілі ў абласным камітэце Беларускага прафсаюза работнікаў АПК.

Мерапрыемства адбудзецца ў аграгарадку Севасцьянавічы (ААТ «Цішоўка») Магілёўскага раёна. Удзельнікамі штогадовага традыцыйнага рытуалу хлебаробаў, які, паводле павер’яў, закладвае аснову будучага ўраджаю, стануць работнікі сельскай гаспадаркі, прадстаўнікі Магілёўскага аблвыканкама, прафсаюзаў, старшыні раённых выканаўчых камітэтаў.

Так, падчас свята будзе закапаны гаршчок кашы ва ўзараную зямлю – на роўныя і моцныя ўсходы. Хлебаробы паклоняцца першай баразне і пакінуць у полі кавалачак хлеба – на багаты ўраджай. Каб пасевы былі чыстымі, без пустазелля, а ўраджай абышлі стыхійныя бедствы, галоўныя дзеючыя асобы тэатралізаванага дзейства – «гаспадары поля» – надзенуць чырвоныя саматканыя паясы і саламяныя капялюшы.

Завершацца «Засеўкі» выступленнем творчых калектываў Магілёўскага раёна.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

25.09.2018 - 10:33 | Магілёў 27 верасня прыме Беларуска-кітайскі бізнес-форум

Беларуска-кітайскі бізнес-форум «Адзін пояс – адзін шлях: Магілёўская вобласць і правінцыя Цзянсу разам у будучыню» пройдзе 27 верасня ў горадзе на Дняпры, паведамілі ў камітэце эканомікі Магілёўскага аблвыканкама.

24.09.2018 - 09:14 | Прамую тэлефонную лінію правядзе 29 верасня кіраўнік спраў Магілёўскага аблвыканкама Рыгор Варонін

Прамую тэлефонную лінію правядзе 29 верасня кіраўнік спраў Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

21.09.2018 - 12:43 | Пагадненне аб супрацоўніцтве падпісалі моладзевыя арганізацыі Бранскай і Магілёўскай абласцей

Магілёўская абласная арганізацыя грамадскага аб’яднання «Беларускі рэспубліканскі саюз моладзі» і Бранскае рэгіянальнае аддзяленне моладзевай агульнарасійскай грамадскай арганізацыі «Расійскія студэнцкія атрады» падпісалі пагадненне аб супрацоўніцтве. Зацвярджэнне дакумента адбылося на Форуме моладзі Бранскай і Магілёўскай абласцей.

21.09.2018 - 11:40 | Старшыня Магілёўскага аблвыканкама Уладзімір Даманеўскі 26 верасня правядзе асабісты прыём грамадзян у Хоцімску

Старшыня Магілёўскага аблвыканкама Уладзімір Віктаравіч Даманеўскі 26 верасня з 10.00 да 12.00 правядзе асабісты прыём грамадзян і прадстаўнікоў юрыдычных асоб у Хоцімскім райвыканкаме (пл. Леніна, д. 2).

20.09.2018 - 11:33 | Форум моладзі Бранскай і Магілёўскай абласцей пройдзе ў Магілёве 21 верасня

Форум моладзі Бранскай і Магілёўскай абласцей пройдзе ў горадзе на Дняпры 21 верасня. Мерапрыемства адбудзецца ў межах Тыдня інтэграцыі і супрацоўніцтва. Пра гэта карэспандэнту сайта паведамілі ў галоўным упраўленні ідэалагічнай працы Магілёўскага аблвыканкама.