Рус Бел Eng

Сям’я Антух стала найлепшай маладой сям’ёй Магілёва

Сям’я Антух з Магілёва заваявала тытул «Маладая сям’я – 2018» у аднайменным гарадскім конкурсе. Мерапрыемства адбылося сёння ў ДУДА «Цэнтр творчасці «Эверэст».

Перш чым трапіць у фінал, 49 прэтэндэнтаў на ганаровае званне змагаліся за перамогу ў адборачным туры. Па яго выніках змагацца за вікторыю ў заключным этапе атрымалі права 5 сем’яў: Анікіны (прадстаўлялі яслі-сад №57), Любянковы (яслі-сад №47), Антух (яслі-сад №66), Шыцікавы (сярэдняя школа №11), Гурковы (вучэбна-педагагічны комплекс яслі-сад – сярэдняя школа №44). Яны праявілі свае здольнасці і ўменні ў чатырох конкурсах: «Ты памятаеш, як усё пачыналася?», «Я – гэта ты, а ты – гэта я!», «Сямейны каравай», «Сям’я на таленты багатая».

У выніку найлепшымі сталі Ганна і Дзяніс Антух з дочкамі Сафіяй (6 гадоў) і Стэфаніяй (1 год). Бацька працуе інспектарам ДПС у Дзяржаўтаінспекцыі Магілёўскага аблвыканкама, мама – настаўнікам у сярэдняй школе №9, але цяпер знаходзіцца ў дэкрэтным адпачынку. Сям’я ў любой справе прывыкла дамагацца высокіх вынікаў. «Мы пастаянна рассоўваем межы: імкнёмся рабіць тое, чаго яшчэ не ўмеем, каб гэтаму навучыцца!» – расказалі пераможцы.

Усе ўдзельнікі фінальнага спаборніцтва атрымалі прыемныя падарункі ад арганізатараў і спонсараў конкурсу.

Арганізатарамі мерапрыемства выступілі: аддзел адукацыі, спорту і турызму, упраўленне па працы, занятасці і сацыяльнай абароне Магілёўскага гарвыканкама, ДУДА «Цэнтр творчасці «Эверэст»» г. Магілёва», магілёўскія гарадскія арганізацыі ГА «Беларускі саюз жанчын» і ГА «Беларускі рэспубліканскі саюз моладзі», Ленінская і Кастрычніцкая раённыя г. Магілёва арганізацыі РГА «Белая Русь» і ГА «Беларускі фонд міру».

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

17.05.2018 - 15:21 | Дырэктарам тэлерадыёкампаніі «Магілёў» прызначана Таццяна Ларына

Дырэктарам тэлерадыёкампаніі «Магілёў» прызначана Таццяна Ларына. На магілёўскім тэлебачанні яна працуе амаль два дзясяткі гадоў. Знаёмая тэлегледачам як вядучая праграм на каналах «Беларусь 1» і «Беларусь 4. Магілёў»: «Ранехонько», «Деревенька», «Есть интерес», «Дача» і інш.

17.05.2018 - 15:11 | Акцыя «Увага – дзеці!»: з 25 мая па 5 чэрвеня ў светлы час сутак вадзіцелі павінны ўключаць блізкае святло фар аўтатранспарту

З 25 мая па 5 чэрвеня ў светлы час сутак вадзіцелі павінны ўключаць блізкае святло фар аўтатранспарту.

17.05.2018 - 12:50 | У Магілёве каля стадыёна «Спартак» 19 мая перакрыюць рух транспарту на час правядзення фіналу Кубка Беларусі па футболе

У Магілёве каля стадыёна «Спартак» 19 мая перакрыюць рух транспарту на час правядзення фіналу Кубка Беларусі па футболе. Пра гэта паведамілі ў гарвыканкаме.

17.05.2018 - 11:37 | Мерапрыемствы да 100-годдзя Магілёўскай міліцыі адбудуцца ў абласным цэнтры 18 мая

Мерапрыемствы да 100-годдзя Магілёўскай міліцыі адбудуцца ў горадзе на Дняпры 18 мая.

16.05.2018 - 14:42 | Фестывалі водных ліхтарыкаў, чароўных шароў і фарбаў ColorFest пройдуць у Магілёве

Фестывалі водных ліхтарыкаў, чароўных шароў і фарбаў ColorFest пройдуць у Магілёве. Мерапрыемствы арганізаваныя ў рамках арт-праекта «Разам Запальваем», паведамілі арганізатары форумаў.