Рус Бел Eng 中文

У аграэкасядзібе «Усохі» Клічаўскага раёна адкрылі музей дрэва

У аграэкасядзібе «Усохі» Клічаўскага раёна адкрылі музей дрэва. Пра гэта паведамілі ў райвыканкаме.

Экспазіцыя музея, які размясціўся пасля рамонту ў былой сельскай школе, уключае ў сябе больш за пяцьдзясят адзінак розных старадаўніх вырабаў з дрэва. Яны адлюстроўваюць дух свайго часу і знаёмяць з традыцыйным рамесніцтвам і побытам людзей, якія пражываюць у Клічаўскім раёне. У мясцовых жыхароў сабраны вырабы, кожны з якіх мае сваю ўнікальную гісторыю.

У склад музея, акрамя дэманстрацыйнай залы, таксама ўваходзіць домік персаналу і шырокая тэрыторыя для правядзення вольнага часу і адпачынку моладзі і насельніцтва. «Адкрыццё музея дрэва створыць умовы для развіцця аграэкатурызму ў Клічаўскім раёне і дапаможа прыцягнуць дадатковы паток людзей, якія жадаюць азнаёміцца з найлепшымі мясцінамі нашага дзіўнага і багатага краю», – адзначылі ў райвыканкаме.

Ініцыятыва «Сельскі музей дрэва ў аграэкасядзібе «Усохі»» рэалізавана па праекце «Садзеянне развіццю на мясцовым узроўні ў Рэспубліцы Беларусь», які фінансуецца Еўрапейскім саюзам і рэалізуецца Праграмай развіцця ААН. Сума гранта ЕС на рэалізацыю ініцыятывы склала больш за 25 тыс. еўра.

У рамках ініцыятывы дадаткова прадугледжана навучанне мясцовых жыхароў майстраваць вырабы з дрэва, якія выкарыстоўваюцца ў побыце, стварэнне экалагічнага маршрута ў в. Усохі і правядзенне экскурсій для дзяцей і моладзі.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

19.02.2019 - 11:05 | У Магілёўскай вобласці за мінулыя суткі пад вогненную хвалю трапілі жылы дом і гараж

У Магілёўскай вобласці за мінулыя суткі адбылося два пажары. Пра гэта карэспандэнту сайта паведаміла в. а. старшага інспектара Цэнтра бяспекі жыццядзейнасці і ўзаемадзеяння з грамадскасцю рэгіянальнага ўпраўлення МНС Ганна Сташкевіч.

14.02.2019 - 14:48 | У Магілёўскай вобласці за мінулыя суткі адбылося два пажары

У Магілёўскай вобласці за мінулыя суткі адбылося два пажары. Пра гэта паведамілі ў цэнтры бяспекі жыццядзейнасці і ўзаемадзеяння з грамадскасцю абласнога ўпраўлення МНС.

12.02.2019 - 13:56 | Прэзідэнт Беларусі Аляксандр Лукашэнка даў згоду на прызначэнне старшынёй Клічаўскага райвыканкама Віктара Рабкаўца

Прэзідэнт Беларусі Аляксандр Лукашэнка 12 лютага разгледзеў кадравыя пытанні.

12.02.2019 - 08:07 | Спартыўная тэма набірае папулярнасць: у Антонаўцы гуляюць у валейбол, у Касцюковічах – у хакей

Зноў адкрылася днямі спартыўная зала ў сацыяльным цэнтры аграгарадка Антонаўка Чавускага раёна. Адкрыццё адзначылася таварыскім валейбольным матчам паміж камандамі жыхароў Антонаўкі і суседняга аграгарадка Каменка. Падчас гульні не пуставалі і глядацкія месцы – 40 балельшчыкаў прыйшлі падтрымаць мясцовых валейбалістаў-аматараў.

07.02.2019 - 09:45 | Увесь люты на пляцоўцы палігона «Асіповіцкі» праводзяцца планавыя падрыўныя работы

Увесь люты ў рабочыя дні з 9.00 да 16.00 на падрыўной пляцоўцы палігона «Асіповіцкі» вайсковай часці 12147 праводзяцца планавыя падрыўныя працы.