Рус Бел Eng 中文

У Бабруйскім раёне 16 мая перапахаваюць астанкі загінулага ў гады Вялікай Айчыннай вайны чырвонаармейца

У Бабруйскім раёне 16 мая перапахаваюць астанкі чырвонаармейца 73-га стралковага палка 33-й стралковай дывізіі Лявонція Кавалёва, які загінуў у гады Вялікай Айчыннай вайны. Пра гэта паведамілі ў аддзеле ідэалагічнай работы, культуры і па справах моладзі Бабруйскага райвыканкама.

Цырымонія адбудзецца на грамадзянскім могілкахв. Баранавічы-3 Гарбацэвіцкага сельскага Савета ў 11.00. У мітынгу-рэквіеме і перезахаванні прымуць удзел прадстаўнікі раённай выканаўчай улады, ваеннага камісарыята, царквы, сваякі загінулага чырвонаармейца, моладзь, мясцовыя жыхары.

Астанкі Лявонція Кавалёва, ураджэнца в. Бібкаўшчына Бабруйскага раёна, былі знойдзены 17 жніўня 2017 года расійскімі пошукавікамі зводнага атрада Іркуцкай вобласці і Наўгародскай абласной грамадскай арганізацыі «Пошукавая экспедыцыя «Даліна» памяці М. І. Арлова» каля в. Мураўёва Старарускага раёна Наўгародскай вобласці. Устанавіць асобу абаронцы Айчыны дапамог медальён.

Згодна з баявымі данясеннямі, Лявонцій Кавалёў быў забіты ў 1941 годзе і не вынесены з поля бою ў раёне н. п. Паддор’е-Холм. На самай справе салдат у сваім апошнім баі выжыў, але трапіў у лагер ваеннапалонных №150, дзе і загінуў ў 1944-м.

У музеі Паўночна-Заходняга фронту (г. Старая Руса) 3 мая 2018 года адбылася ўрачыстая цырымонія перадачы астанкаў загінулага воіна дэлегацыі Бабруйскага райвыканкама для наступнага вяртання на радзіму і перапахавання.

Пры выкарыстанні матэрыялаў актыўная гіперспасылка на mogilev-region.gov.by абавязковая