Рус Бел Eng 中文

У Круглянскім раёне выратавалі заціснутую пад будаўнічымі канструкцыямі пенсіянерку

У Круглянскім раёне выратавалі заціснутую пад будаўнічымі канструкцыямі пенсіянерку. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

Так, вечарам 12 лютага выратавальнікам паступіла паведамленне аб абрушэнні ў вёсцы Прыгані-2сцяны аднапавярховага драўлянага будынка склада ААТ «Камсенічы», які не эксплуатуецца. Калі да месца выкліку прыбылі падраздзяленні МНС, высветлілася, што пад канструкцыямі заціснуты ногі жыхаркі суседняй вёскі 1957 года нараджэння.

Ратавальнікі пры дапамозе адмысловай прылады правялі работы па выманні ног жанчыны і перадалі яе брыгадзе хуткай медыцынскай дапамогі. Пасля агляду пацярпелая была шпіталізавана ў раённую бальніцу з папярэднім дыягназам «чэрапна-мазгавая траўма, закрыты пералом абедзвюх ног».

Як мяркуецца, абвальванне сцяны адбылося пры самавольнай разборцы будынка.

Пры выкарыстанні матэрыялаў актыўная гіперспасылка на mogilev-region.gov.by абавязковая