Рус Бел Eng 中文

У Крычаве адкрылі мемарыяльную дошку ў памяць аб загінулым у Афганістане радавым Уладзіміру Карпаву

У Крычаве адкрылі мемарыяльную дошку ў памяць аб радавым Уладзіміру Карпаву, які загінуў пры выкананні інтэрнацыянальнага абавязку ў Афганістане. Яна размясцілася на будынку сярэдняй школы №3, выпускніком якой калісьці быў салдат.

Ва ўрачыстым мерапрыемстве прынялі ўдзел сястра і сям’я Уладзіміра Карпава, яго аднакласнікі, воіны-інтэрнацыяналісты, прадстаўнікі мясцовай выканаўчай улады, навучэнцы.

Уладзімір Карпаў узнагароджаны ордэнам Чырвонай Зоркі пасмяротна. Ініцыятыва па ўшанаванні памяці аб радавым належала Крычаўскай раённай арганізацыі ГА «Беларускі саюз ветэранаў вайны ў Афганістане» і была падтрымана старшынёй райвыканкама Дзмітрыем Бачковым. Дарэчы, гэта не першая ў раёне падобная акцыя, прымеркаваная да святкавання гадавіны вываду савецкіх войскаў з Афганістана. У 2017 годзе на будынку СШ №1 Крычава ўстанавілі мемарыяльную дошку ў памяць аб выпускніку, малодшым сяржанту Віктару Ваўчкову.

Праз горан афганскай вайны прайшлі 102 крычаўляніны. За бездакорную службу і мужнасць многія ўзнагароджаны ордэнам Чырвонай Зоркі (шасцёра – пасмяротна), медалямі «За адвагу», «За баявыя заслугі».

У Магілёўскай вобласці пражывае больш за 3,6 тыс. воінаў-інтэрнацыяналістаў.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

14.06.2018 - 13:45 | У Дрыбінскім раёне двое мужчын атруціліся невядомым рэчывам ў склепе

У Дрыбінскім раёне двое мужчын атруціліся невядомым рэчывам ў склепе. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

13.06.2018 - 10:37 | Удзельнікі прафсаюзнай акцыі «Мы – разам!» 25 чэрвеня наведаюць Чавусы

Прафсаюзная акцыя «Мы – разам!» працягвае шэсце па краіне. У чэрвені яе ўдзельнікі наведаюць Наваполацк, Стоўбцы, Чавусы. У 2018 годзе праект праходзіць пад лозунгам «З вялікай любоўю да малой радзімы». Дарэчы, гэта адзіная акцыя такога роду і ахопу ў Беларусі.

13.06.2018 - 10:21 | Інспектар па Магілёўскай вобласці апарату Савета Міністраў Беларусі Анатоль Юрастаў правядзе асабісты прыём грамадзян у Горках

Інспектар па Магілёўскай вобласці ўпраўлення рэгіянальнага развіцця галоўнага ўпраўлення па справах дзяржаўных органаў апарату Савета Міністраў Беларусі Анатоль Віктаравіч Юрастаў правядзе выязны асабісты прыём грамадзян, юрыдычных асоб і іх прадстаўнікоў у Горках.

11.06.2018 - 11:29 | Аматарскія тэатры з чатырох краін прадставяць пастаноўкі на VII рэгіянальным фэсце «Тэатральны вечарыны» ў Краснаполлі

VII рэгіянальны фестываль аматарскіх тэатраў «Тэатральныя вечарыны» адбудзецца 15-17 чэрвеня ў Краснаполлі. Пра гэта карэспандэнту сайта паведамілі ў райвыканкаме.

11.06.2018 - 09:39 | Начальнік Акадэмічнага ансамбля песні і танца Узброеных Сіл Беларусі ўраджэнец Круглага Уладзімір Варапаеў стане Ганаровым грамадзянінам Круглянскага раёна

Начальнік Акадэмічнага ансамбля песні і танца Узброеных Сіл Беларусі ураджэнец Круглага Уладзімір Варапаеў стане Ганаровым грамадзянінам Круглянскага раёна.