Рус Бел Eng 中文

У Магілёўскай вобласці больш за ўсё абітурыентаў зарэгістравалася на ЦТ па рускай мове і матэматыцы

У Магілёўскай вобласці больш за ўсё абітурыентаў зарэгістравалася на ЦТ па рускай мове і матэматыцы. Пра гэта карэспандэнту сайта паведаміў начальнік рэгіянальнага цэнтра тэставання Беларуска-Расійскага ўніверсітэта Аляксандр Доўгалеў.

«З улікам таго, што дазволена здаваць чатыры прадметы, чалавека-тэстаў, якія з’яўляюцца адным з асноўных паказчыкаў, зафіксавана 32 524», – удакладніў суразмоўца. – Больш за ўсё жадаючых здаваць рускую мову і матэматыку – 8390 і 4928 абітурыентаў адпаведна. На трэцім месцы біялогія – 3697 чалавек».

Веданне беларускай мовы будзе правяраць 2409 хлопцаў і дзяўчат, англійскай – 2848, нямецкай– 395, французскай– 98, іспанскай– 20, кітайскай– 1. На фізіку зарэгістравалася 2865 хлопцаў і дзяўчат, гісторыю Беларусі – 2453, хімію – 2077, грамадазнаўства – 1965, геаграфію – 194, сусветную гісторыю – 184.

Аляксандр Доўгалеў адзначыў, што парадак правядзення цэнтралізаванага тэставання ў гэтым годзе застаецца ранейшым. Абітурыентам трэба своечасова прыйсці – за 30 хвілін да пачатку тэставання. Пры сабе неабходна мець пропуск на ЦТ, які выдаецца пры рэгістрацыі, пашпарт або іншы дакумент, які сведчыць асобу (від на жыхарства, пасведчанне бежанца), гелевую або капілярную ручку з чорным чарнілам. На ЦТ па фізіцы і хіміі можна ўзяць з сабой калькулятар.

Цэнтралізаванае тэставанне стартуе ў Беларусі 12 чэрвеня з ЦТ па беларускай мове.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.01.2019 - 10:31 | Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

11.01.2019 - 17:15 | Дамы самастойнага пражывання плануюць адкрыць у Чавускім і Каменскім псіханеўралагічных дамах-інтэрнатах

Дамы самастойнага пражывання плануюць адкрыць у Чавускім і Каменскім псіханеўралагічных дамах-інтэрнатах. Пра гэта паведаміла старшыня камітэта па працы, занятасці і сацыяльнай абароне Магілёўскага аблвыканкама Святлана Тарасенка, выступаючы на мерапрыемстве, прысвечаным 100-годдзю ўтварэння органаў па працы, занятасці і сацыяльнай абароне Рэспублікі Беларусь.

10.01.2019 - 16:21 | «M.@rt.кантакт-2019». У праграме заяўлена 23 спектаклі 23 тэатраў з 10 краін свету. Продаж білетаў стартуе 15 студзеня

У Магілёўскім абласным драматычным тэатры адбылася першая прэс-канферэнцыя, прысвечаная ХIV Міжнароднаму моладзеваму тэатральнаму форуму «M.@rt.кантакт». Пра падрыхтоўку да фестывалю і афішы мерапрыемства расказалі намеснік старшыні Магілёўскага аблвыканкама Андрэй Кунцэвіч і дырэктар Магілёўскага абласнога драматычнага тэатра Андрэй Новікаў.

10.01.2019 - 12:53 | У Магілёве адкрылі абноўлены адміністрацыйны будынак аддзела ўнутраных спраў адміністрацыі Ленінскага раёна

У абласным цэнтры сёння ўрачыста адкрылі абноўлены адміністрацыйны будынак аддзела ўнутраных спраў адміністрацыі Ленінскага раёна горада Магілёва. З гэтага моманту ўсе службы райаддзела будуць знаходзіцца ў адным месцы, што створана, у першую чаргу, для зручнасці грамадзян, перадае карэспандэнт сайта.

09.01.2019 - 10:24 | Пажарныя-ратавальнікі з пяці краін пазмагаюцца за Кубак старшыні Бабруйскага гарвыканкама

Пажарныя-ратавальнікі разыграюць Кубак старшыні Бабруйскага гарадскога выканаўчага камітэта. Штогадовы адкрыты турнір стартуе 16 студзеня ў горадзе на Бярэзіне, паведамілі ў гарвыканкаме.