V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

У Магілёўскай вобласці праходзіць спаборніцтва сярод маладзёжных экіпажаў камбайнаў і маладых вадзіцеляў

Абласное спаборніцтва за дасягненне высокіх паказчыкаў на ўборцы ўраджаю збожжавых і зернебабовых раслін у 2018 годзе сярод камбайнераў маладзёжных экіпажаў і маладых вадзіцеляў праходзіць на Магілёўшчыне. Пра гэта карэспандэнту сайта паведамілі ў абкаме ГА «БРСМ».

Паводле слоў суразмоўцаў, ужо з’явіліся лідары. Так, на ураджайнай Шклоўскай зямлі першымі тысячны рубеж пераадолелі вадзіцель ЗАТ «Амкадор-Шклоў» Павел Ціханаў і вадзіцель ААТ «Александрыйскае» Ігар Ерашоў.

«Маладыя людзі – актывісты ГА «БРСМ», з цвёрдай жыццёвай пазіцыяй, любоўю да зямлі і жаданнем працаваць на карысць сваёй краіны і малой радзімы, – адзначылі суразмоўцы. – Не адрываючы ад важнай і патрэбнай справы, проста ў полі маладых кіроўцаў сёння павіншуюць сябры і кіраўнік Магілёўскага абласнога камітэта ГА «БРСМ» Павел Алекса».

Дарэчы, у 2017 годзе Ігар Ерашоў стаў пераможцам аналагічнага конкурсу. У гэтым годзе малады чалавек вырашыў не змяншаць тэмпы і зноў стаць найлепшым кіроўцам у Магілёўскай вобласці.

Абласное спаборніцтва за дасягненне высокіх паказчыкаў на ўборцы ўраджаю збожжавых і зернебабовых культур у 2018 годзе сярод маладзёжных уборачных экіпажаў і сярод маладых вадзіцеляў транспартных сродкаў, занятых на адвозцы збожжа ад камбайнаў, праводзіцца з мэтай прыцягнення моладзі да актыўнага ўдзелу ў рэалізацыі аграрнай палітыкі дзяржавы.

У спаборніцтве прымаюць удзел старшыя камбайнеры і камбайнеры маладзёжных уборачных экіпажаў сельскагаспадарчых і іншых арганізацый (іх філіялаў), а таксама маладыя кіроўцы транспартных сродкаў, занятыя на адвозцы збожжа ад камбайнаў, ва ўзросце да 31 года ўключна.

Асноўная задача аграрнага першынства – павышэнне эфектыўнасці выкарыстання рабочага часу, тэхнікі і абсталявання для своечасовага і якаснага правядзення ўборкі збожжавых і зернебабовых культур.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

18.10.2018 - 14:12 | Васямнаццаць беларускіх мультфільмаў увайшлі ў конкурсную праграму «Анімаёўкі – 2018»

Васямнаццаць беларускіх мультфільмаў увайшлі ў конкурсную праграму ХХІ Міжнароднага фестывалю анімацыйных фільмаў «Анімаёўка – 2018», які пройдзе 26-28 кастрычніка ў Магілёве, паведамілі на прадпрыемстве «Магілёўкінавідэапракат».

17.10.2018 - 13:15 | Ордэн Маці ўручылі шасці шматдзетным жанчынам Магілёўскай вобласці

Урачысты прыём, прысвечаны Дню маці, адбыўся сёння ў Магілёўскім аблвыканкаме. У мерапрыемстве прынялі ўдзел 30 жанчын з гарадоў і раёнаў рэгіёна, якія выхавалі дастойных сыноў і дачок, перадае карэспандэнт сайта.

16.10.2018 - 11:27 | Галоўная тэма АДІ ў кастрычніку – захаванне і развіццё нацыянальнай культуры ў Рэспубліцы Беларусь

Адзіны дзень інфармавання, які пройдзе 18 кастрычніка ў гарадах і раёнах Магілёўскай вобласці, будзе прысвечаны традыцыям беларускага народа, захаванню і развіццю нацыянальнай культуры. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.

15.10.2018 - 11:02 | Агульная сума падпісаных на Форуме рэгіёнаў кантрактаў перавысіла $ 500 млн – Міхаіл Мясніковіч

На V Форуме рэгіёнаў Беларусі і Расіі падпісана кантрактаў на суму больш за $500 млн. Такія даныя ў праграме «Галоўны эфір» на тэлеканале «Беларусь 1» прывёў старшыня Савета Рэспублікі Міхаіл Мясніковіч.

15.10.2018 - 09:32 | Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Чыкіда

Прамую тэлефонную лінію правядзе 20 кастрычніка першы намеснік старшыні Магілёўскага аблвыканкама Алег Іванавіч Чыкіда. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.