V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

У Магілёўскай вобласці з незаконнага абароту за студзень-верасень канфіскавана больш за 34 кг наркотыкаў

У Магілёўскай вобласці пры правядзенні аператыўна-вышуковых мерапрыемстваў за студзень-верасень 2017 года з незаконнага абароту канфіскавана 34,4 кг наркатычных сродкаў і псіхатропных рэчываў. Пра гэта паведаміў намеснік начальніка ўпраўлення па наркакантролі і супрацьдзеянні гандлю людзьмі УУС аблвыканкама Юрый Грабенчыкаў.

Праведзены параўнальны аналіз канфіскавання наркотыкаў паказаў тэндэнцыю зніжэння агульнай колькасці канфіскаванняў з незаконнага абароту наркатычных сродкаў і псіхатропных рэчываў, у тым ліку сінтэтычнага паходжання, а таксама зніжэння колькасці канфіскаванняў традыцыйных відаў наркотыкаў. У той жа час адзначаецца з’яўленне новых відаў наркатычных сродкаў, такіх, як какаін.

За ўчыненне злачынстваў, звязаных з незаконным абаротам наркотыкаў, у парадку арт. 108 КПК затрымана 259 асоб. З іх 192 злачынцы арыштаваны. «Гэта не дазволіла ім зрабіць паўторных злачынстваў, а таксама далучаць да ўжывання наркотыкаў новых асоб», – адзначыў суразмоўца.

У выніку рэалізацыі матэрыялаў, атрыманых у ходзе аператыўна-вышуковай дзейнасці, перакрыты тры каналы пастаўкі наркатычных сродкаў і псіхатропных рэчываў з Расійскай Федэрацыі ў Беларусь. Распачаты чатыры крымінальныя справы за незаконнае перамяшчэнне праз дзяржмяжу псіхатропных рэчываў. Выяўлены два памяшканні, спецыяльна прыстасаваныя для вырошчвання канопляў.

З незаконнага абароту канфіскавана 17 кг насення маку. У дачыненні да 4 жыхароў Бабруйска распачата 8 крымінальных спраў па ч. 1 і 2 арт. 328 КК, што дазволіла стрымаць рост опіумнай наркаманіі ў дадзеным рэгіёне. Як вынік: па лініі 102 пра выраб наркотыкаў або пах растваральніку паступіла толькі 6 паведамленняў (за 9 месяцаў 2016 года – 179), з іх 2 не знайшлі свайго пацверджання. Пры гэтым колькасць злачынстваў, звязаных з вырабам опію з выкарыстаннем насення маку, скарацілася ў 6,8 раза.

«У выніку прынятых мер амаль у 2 разы скарацілася колькасць перадазіровак наркатычнымі сродкамі і псіхатропнымі рэчывамі. У медустановы вобласці дастаўлена 13 асоб з дадзеным дыягназам. Пры гэтым перадазіровак непаўналетнімі не зафіксавана. У 2,3 раза знізілася колькасць выпадкаў перадазіровак наркотыкамі са смяротным зыходам», – дадаў Юрый Грабенчыкаў.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

20.09.2018 - 15:18 | У Магілёўскай вобласці працуе 10 дамоў сезоннага пражывання

У Магілёўскай вобласці працуе 10 дамоў сумеснага сезоннага пражывання для людзей сталага ўзросту, якія трапілі ў цяжкую жыццёвую сітуацыю.

19.09.2018 - 15:38 | Паветраныя шары з выявай галубоў міру і імён абаронцаў Айчыны запусцяць 21 верасня ў неба над Магілёвам

Паветраныя шары з выявай галубоў і імён абаронцаў Айчыны запусцяць у неба над Магілёвам.

19.09.2018 - 09:39 | За 8 месяцаў 2018 гадоў ў Магілёўскай вобласці адбылося 483 пажары, якія забралі жыцці 44 чалавек

За 8 месяцаў 2018 гадоў ў Магілёўскай вобласці адбылося 483 пажары, якія забралі жыцці 44 чалавек, у тым ліку 3 дзяцей.

18.09.2018 - 11:09 | Комплекс мерапрыемстваў па прапагандзе выкарыстання флікераў праводзіць 21-30 верасня Дзяржаўтаінспекцыя Магілёўскай вобласці

Комплекс прафілактычных мерапрыемстваў па прапагандзе выкарыстання флікераў сярод пешаходаў, веласіпедыстаў і возчыкаў праводзіць 21-30 верасня Дзяржаўтаінспекцыя рэгіёна. Пра гэта паведаміла інспектар ААіП ДАІ УУС Магілёўскага аблвыканкама Юлія Халамеева.

18.09.2018 - 10:51 | За выхадныя ў лясах вобласці заблудзіліся 4 чалавекі: грыбнік з Магілёва знойдзены мёртвым, а 72-гадовую пенсіянерку з Горацкага раёна працягваюць шукаць

У выхадныя дні ў Магілёўскай вобласці сталі значна больш частымі паведамленні пра грыбнікоў і ягаднікаў, якія заблукалі ў лесе. Усяго з пятніцы зарэгістраваны 4 такія факты, якія мелі месца ў Чавускім, Горацкім і Шклоўскім раёнах.