Рус Бел Eng 中文

У Магілёўскай вобласці з пачатку года атруцілася грыбамі 29 чалавек

У Магілёўскай вобласці з пачатку года зафіксавана 23 выпадкі атручванняў грыбамі, у якіх пацярпела 29 чалавек. Пра гэта паведаміў загадчык аддзела гігіены Магілёўскага абласнога цэнтра гігіены, эпідэміялогіі і грамадскага здароўя Аляксандр Бузюк.

Сярод пацярпелых 26 дарослых і 3 дзіцяці. Адзін з выпадкаў скончыўся смярцю пацярпелага. У маі загінула маладая дзяўчына ў Магілёўскім раёне пасля ўжывання ў ежу радовак. Больш за ўсё выпадкаў атручвання грыбамі прыпадае на Магілёў і Магілёўскі раён, 12 і 6 адпаведна. У Круглым зафіксавана 4 выпадкі, у Клічаўскім раёне – 3, Кіраўску – 2 і па адным выпадку ў Чавускім і Шклоўскім раёнах. У ходзе іх расследавання, пры апытанні пацярпелых, устаноўлена, што яны збіралі ядомыя грыбы, у асноўным баравікі, масляты, чырвонагаловікі, апенькі, падбярозавікі.

«У вобласці назіраецца рост колькасці людзей, якія атруціліся грыбамі. Так, за ўвесь 2016 год было зафіксавана 19 выпадкаў і 27 пацярпелых, а ў 2015 годзе – 16 выпадкаў і 22 пацярпелых. Паколькі грыбны сезон яшчэ не завершаны, статыстыка атручванняў можа прырасці, таму мы звяртаемся да грамадзян, каб яны ўважліва ставіліся да збору грыбоў, праводзілі іх належную кулінарную апрацоўку», – звярнуў увагу Александ Бузюк.

Паводле яго слоў, асноўная прычына грыбных атручэнняў – няўменне распазнаваць ядомыя і атрутныя грыбы, няправільная падрыхтоўка страў. Асаблівую ўвагу трэба звярнуць на тое, што і ядомыя грыбы пры неспрыяльных экалагічных умовах (уздоўж аўтадарог, побач са шкоднымі прамысловымі прадпрыемствамі, хімічнымі камбінатамі і г.д.) назапашваюць у высокіх канцэнтрацыях ртуць, свінец, кадмій, іншыя цяжкія металы і тады становяцца небяспечнымі для здароўя. У старых грыбах разам з карыснымі рэчывамі часта маюцца прадукты раскладання бялкоў, якія згубна ўплываюць на арганізм чалавека. Таму прыдатнымі для ежы з’яўляюцца толькі параўнальна маладыя грыбы.

Ва ўсіх выпадках атручванняў пасля ўжывання грыбоў трэба тэрмінова звярнуцца да ўрача, чым раней будзе шпіталізаваны пацярпелы, тым больш шанцаў на спрыяльны зыход.

БЕЛТА
 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "здароўе":

19.07.2018 - 12:18 | Адкрыты дабрачынны рахунак для ахвяраванняў на рамонт старога лячэбнага корпуса Крычаўскай раённай бальніцы

Адкрыты дабрачынны рахунак для ахвяраванняў на рамонт старога лячэбнага корпуса Крычаўскай раённай бальніцы. Пра гэта паведамілі ў райвыканкаме.

18.07.2018 - 12:43 | Больш за 40 арганізацый аховы здароўя Магілёўскай вобласці выкарыстоўваюць сістэму звароту электронных рэцэптаў

Сістэму звароту электронных рэцэптаў выкарыстоўвае 41 арганізацыя аховы здароўя Магілёўскай вобласці, яшчэ 15 знаходзяцца ў стадыі падключэння. Пра гэта паведамілі ў галоўным упраўленні па ахове здароўя аблвыканкама.

18.07.2018 - 11:49 | Грамадскае абмеркаванне законапраекта па пытаннях донарства крыві і яе кампанентаў пройдзе 20 ліпеня ў Магілёве

Грамадскае абмеркаванне законапраекта «Аб змяненні законаў па пытаннях донарства крыві і яе кампанентаў» адбудзецца 20 ліпеня ў 15.00 у актавай зале Магілёўскай цэнтральнай паліклінікі (вул. Піянерская, 15).

12.07.2018 - 12:07 | З пачатку сезона ў медыцынскія арганізацыі Магілёўскай вобласці звярнулася больш за 2,5 тыс. пацярпелых ад укусаў кляшчоў

Паводле дадзеных маніторынгу з пачатку сезона ў медыцынскія арганізацыі Магілёўскай вобласці звярнулася больш за 2,5 тыс.

09.07.2018 - 09:37 | Мадэльны цэнтр па навучанні бацькоў асновам бяспечнай жыццядзейнасці дзяцей створаны на базе Магілёўскай абласной дзіцячай бальніцы

Мадэльны цэнтр па навучанні бацькоў асновам бяспечнай жыццядзейнасці дзяцей створаны на базе Магілёўскай абласной дзіцячай бальніцы.