На сайте проводятся технические работы. Возможны перебои в работе сайта.

Приносим извинения за доставленные неудобства.

Рус Бел Eng 中文

У Магілёве 23 студзеня дадуць старт рэспубліканскаму месячніку ДТСААФ абаронна-спартыўнай і патрыятычнай работы

У Магілёве 23 студзеня дадуць старт рэспубліканскаму месячніку ДТСААФ абаронна-спартыўнай і патрыятычнай работы, прысвечанаму 100-годдзю Узброеных Сіл Рэспублікі Беларусь. Падчас месячніка ў рэгіёне адбудуцца Дні ДТСААФ і адчыненых дзвярэй, аўтапрабегі па месцах баявой славы, тэматычныя вечары і ўрокі мужнасці, сустрэчы і ўшанаванні ветэранаў вайны і Узброеных Сіл, воінаў-інтэрнацыяналістаў і спартыўныя спаборніцтвы.

Мерапрыемства адкрыецца ў 13.00 на базе Магілёўскага абласнога кадэцкага вучылішча (вул. К. Маркса, 2/18). На пляцоўцы перад установай адукацыі разгорнуцца выставы спартыўнай і вучэбнай тэхнікі ДТСААФ, а ў фае – экспазіцыя авія- і ракетамадэляў, пейнтбольнай і страйкбольнай зброі. У актавай зале адбудзецца дэманстрацыя відэафільма «90 гадоў ДТСААФ».

Падчас адкрыцця месячніка за значны асабісты ўклад у грамадзянска-патрыятычнае і духоўна-маральнае выхаванне грамадзян, дапамогу і садзеянне ў выкананні дзяржаўна-значных задач ДТСААФ прадстаўнікам органаў дзяржкіравання, грамадскіх аб’яднанняў, ваеннаслужачым і святарам Магілёўскай вобласці ўручаць юбілейныя медалі «90 гадоў ДТСААФ». За дасягненні ў вучобе маладыя людзі атрымаюць членскія білеты і значкі ДТСААФ, а юныя кадэты – пагоны. Таксама кіраўніцтва Цэнтральнага савета ДТСААФ узнагародзіць абласную аб’яднаную аргструктуру пнеўматычнай вінтоўкай для выкарыстання ў спартыўнай секцыі па стральбе. Акрамя таго, старшыня спартыўнай секцыі Аляксандр Мазур уручыць граматы і пнеўматычныя вінтоўкі старшыням новых першасных арганізацый абароннага таварыства. У святочным канцэрце прымуць удзел лаўрэаты абласнога адборачнага тура фестывалю-конкурсу песні ДТСААФ «Любоў да Айчыны захоўваючы» і самадзейныя калектывы кадэцкага вучылішча.
У 12.00, напярэдадні адкрыцця месячніка, ля помніка палкоўніку Сямёну Куцепаву адбудзецца ўскладанне вянкоў і мітынг. Сюды прыбудуць дэлегацыі Магілёўскага абласнога і гарадскога выканаўчых камітэтаў, Цэнтральнага савета і аргструктур ДТСААФ Магілёўскай вобласці, ГА «Беларускі саюз афіцэраў», «Беларускі саюз ваенных маракоў», а таксама навучэнцы Магілёўскага прафесійнага ліцэя №7, ваенна-патрыятычнага класа СШ №12, вайскоўцы Магілёўскага гарнізона і Ганаровай варты вайсковай часці 6713.

Выхаванцы ДТСААФ сваімі гераічнымі подзвігамі ўнеслі велізарны ўклад у станаўленне і развіццё Узброеных Сіл, падрыхтоўку будучых абаронцаў Айчыны. Толькі ў абаронных арганізацыях БССР у перадваенныя гады былі падрыхтаваны сотні лётчыкаў і дзясяткі тысяч парашутыстаў, стралкоў-снайпераў, радыстаў, вадзіцеляў з ліку дапрызыўнай моладзі. 72 выхаванцы ДТСААФ Беларусі ўдастоены высокага звання Герой Савецкага Саюза.

Сёння аснову ДТСААФ складае шматлікі атрад афіцэраў запасу, большасць з якіх праслужылі больш за 30 гадоў у розных сілавых структурах. Яны прысвяцілі сваё жыццё служэнню Айчыне ў радах Узброеных Сіл Савецкага Саюза і Рэспублікі Беларусь. Ім атрымліваецца прывіваць моладзі шчырую любоў да Радзімы, з высокай якасцю рыхтаваць юнакоў да службы ў войску, выхоўваць маладое пакаленне абаронцаў краіны на гераічных традыцыях нашага народа.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

18.02.2019 - 13:40 | У Магілёўскай вобласці за тры дні 470 пешаходаў прыцягнута да адказнасці

У Магілёўскай вобласці 15-17 лютага падчас прафілактычнай акцыі «Зробім дарогу бяспечнай!» 470 пешаходаў прыцягнута да адміністрацыйнай адказнасці за парушэнне правілаў, паведамілі ва ўпраўленні ДАІ УУС аблвыканкама.

18.02.2019 - 13:33 | Будаўніцтва галоўнага каналізацыйнага калектара Магілёва ўступіла ў завяршальную стадыю

Будаўніцтва галоўнага каналізацыйнага калектара Магілёва ўступіла ў завяршальную стадыю. Гатоўнасць аб’екта складае ўжо 93%. Яго маюць намер увесці ў 2019 годзе, паведаміла намеснік дырэктара прадпрыемства «Магілёўаблводаканал» Ірына Красуцкая.

15.02.2019 - 15:51 | Мітынг у Магілёве: афганская вайна застанецца сведчаннем найвышэйшай доблесці і гонару – Дзмітрый Харытончык

Афганская вайна ніколі не будзе выкраслена з народнай памяці і застанецца сведчаннем найвышэйшай доблесці і гонару. На гэта звярнуў увагу, выступаючы сёння на мітынгу, прысвечаным 30-годдзю вываду савецкіх войскаў з Афганістана, старшыня Магілёўскага абласнога Савета дэпутатаў Дзмітрый Харытончык.

15.02.2019 - 09:44 | Заслужаным работнікам АПК Магілёўскай вобласці ўручылі юбілейныя медалі і падарункі

У Магілёўскім аблвыканкаме сёння адбылося ўрачыстае ўшанаванне заслужаных работнікаў АПК рэгіёна.

14.02.2019 - 14:09 | У Магілёўскай вобласці пражывае больш за 3 тыс. ветэранаў баявых дзеянняў у Афганістане

У Магілёўскай вобласці пражывае больш за 3 тыс. ветэранаў баявых дзеянняў у Афганістане, у тым ліку 48 інвалідаў вайны і 51 член сем’яў вайскоўцаў, якія загінулі пры выкананні воінскага і службовага абавязку ў далёкай краіне.