Рус Бел Eng 中文

У праграме V Форуму рэгіёнаў Беларусі і Расіі будзе нямала навін – Марыяна Шчоткіна

У праграме V Форуму рэгіёнаў Беларусі і Расіі будзе нямала навін. Пра гэта паведаміла сёння журналістам намеснік старшыні Савета Рэспублікі Марыяна Шчоткіна напярэдадні пасяджэння беларускага і расійскага аргкамітэтаў па падрыхтоўцы і правядзенні форуму.

Упершыню напярэдадні форуму пройдзе Тыдзень інтэграцыі, падчас якога раёны і гарады Магілёўскай вобласці будуць прымаць дэлегацыі з расійскіх гарадоў-пабрацімаў і партнёраў. Запланавана правядзенне паседжання Савета дзелавога супрацоўніцтва, шматлікія мерапрыемствы з удзелам моладзі – злёт студэнцкіх атрадаў, спартакіяда Саюзнай дзяржавы для дзяцей і юнацтва і інш.

«У форуме рэгіёнаў будзе ўдзельнічаць шмат моладзі, – паведаміла намеснік старшыні Савета Рэспублікі. – Маладых людзей задзейнічаюць абсалютна ва ўсіх секцыях, пройдзе цікавы маладзёжны форум, адкрыты дыялог паміж моладдзю нашых дзяржаў. Асабліва важна, каб яны не засталіся ў баку ад абмеркавання прыярытэтаў, напрамкаў саюзнага будаўніцтва, паколькі моцнае сяброўства Беларусі і Расіі немагчыма без уключэння ў гэты працэс моладзі».

Марыяна Шчоткіна падкрэсліла, што сёння на пасяджэнні ўдакладняюцца апошнія штрыхі да правядзення форуму. Сярод найважнейшых – удзел якіх рэгіёнаў Расіі і губернатараў плануецца ў мерапрыемстве, бо рыхтуецца падпісанне вялікай колькасці кантрактаў, пагадненняў і дагавораў аб партнёрстве і развіцці супрацоўніцтва. Без узгаднення пазіцый усё гэта арганізаваць і правесці дастойна немагчыма. «Форум рэгіёнаў сумесны. І незалежна ад таго, дзе ён праходзіць: на тэрыторыі Расіі ці Беларусі, мы заўсёды рыхтуем яго разам, – адзначыла намеснік старшыні Савета Рэспублікі. – І зладжаная праца яшчэ раз паказвае, што мы былі, ёсць і будзем стратэгічнымі партнёрамі».

Паводле слоў Марыяны Шчоткінай, праграма форуму шырокая і ў Магілёў прыедзе вялізная колькасць гасцей і ўдзельнікаў. Можа адбыцца так, што ў абласным цэнтры не хопіць месцаў у гасцініцах для размяшчэння ўсіх жадаючых прыехаць у горад на Дняпры. Таму для пражывання будуць задзейнічаны магчымасці суседніх раёнаў: Шклоўскага, Чавускага і іншых.
 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

17.01.2019 - 17:49 | Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў»

Сучасную сістэму аўтаматычнага кантролю прамысловых выкідаў усталююць на ЗТАА «Омск Карбон Магілёў». Пра гэта паведамілі сёння падчас прэс-канферэнцыі, прысвечанай экалагічнай абстаноўцы на тэрыторыі вобласці, у тым ліку, яе маніторынгу на ўчастку №4 СЭЗ «Магілёў».

16.01.2019 - 16:06 | РЭПАРТАЖ: Вясноўскі дом-інтэрнат: перадавы вопыт індывідуальнага развіцця і адаптацыі дзяцей-інвалідаў

Уключэнне дзяцей з абмежаванымі магчымасцямі здароўя і дзяцей-інвалідаў у жыццё грамадства паступова становіцца магістральнай лініяй сацыяльнага развіцця Беларусі. Распрацавана спецыяльная праграма, галоўная ўвага ў якой надаецца жыццёвай кампетэнцыі такіх дзяцей, здольнасці жыць у нармальных умовах. Значных вынікаў у гэтай працы дамогся Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця.

15.01.2019 - 19:37 | У Палацы культуры вобласці прайшло мерапрыемства, прысвечанае 100-годдзю ўтварэння БССР

Урачыстае мерапрыемства, прысвечанае 100-годдзю ўтварэння Беларускай Савецкай Сацыялістычнай Рэспублікі, адбылося сёння ў Палацы культуры вобласці.

15.01.2019 - 10:32 | Галоўная тэма АДІ ў студзені: «Вялікія справы Года малой радзімы: знакавыя падзеі 2018 года»

Адзіны дзень інфармавання, які пройдзе 17 студзеня ў гарадах і раёнах Магілёўшчыны, будзе прысвечаны Году малой радзімы і знакавым падзеям 2018 года. Пра гэта паведамілі ў Галоўным упраўленні ідэалагічнай работы і па справах моладзі аблвыканкама.

14.01.2019 - 10:31 | Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Варонін

Прамую тэлефонную лінію правядзе 19 студзеня кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.