Рус Бел Eng 中文

Удзельнікі прафсаюзнай акцыі «Мы – разам!» 25 чэрвеня наведаюць Чавусы

Прафсаюзная акцыя «Мы – разам!» працягвае шэсце па краіне. У чэрвені яе ўдзельнікі наведаюць Наваполацк, Стоўбцы, Чавусы. У 2018 годзе праект праходзіць пад лозунгам «З вялікай любоўю да малой радзімы». Дарэчы, гэта адзіная акцыя такога роду і ахопу ў Беларусі.

«Падчас правядзення акцыі мы хочам асаблівую ўвагу надаць людзям, якімі ганарыцца раён. Гэта і працоўныя дынастыі, і спартсмены, і творчыя дзеячы, і таленавітыя дзеці. Мы будзем не толькі ўшаноўваць, такіх людзей, дарыць падарункі, але і разам з імі ўносіць свой невялікі ўклад у развіццё іх малой радзімы. Гэта можа быць пасадка дрэў, удзел у добраўпарадкаванні раёна, наведванне дзіцячага дома або дома састарэлых. Такім чынам, у гэтым годзе наш праект, акрамя культурнага складніка, набудзе яшчэ і сацыяльную значнасць. Бо менавіта з маленькіх гарадкоў, раённых цэнтраў складаецца ўся Беларусь – такая, якая ёсць», – адзначыў начальнік галоўнага ўпраўлення па культуры і грамадскай рабоце Федэрацыі прафсаюзаў Беларусі Глеб Лапіцкі.

Усяго ў 2018 годзе запланавана 25 канцэртаў, 5 з іх – у гарадах Магілёўскай вобласці: Чавусы (25 чэрвеня), Чэрыкаў (17 ліпеня), Бабруйск (10 жніўня), Глуск (24 жніўня), Клічаў (15 верасня). Ацэнкай канцэртнай праграмы ў гэтым годзе стане яшчэ і яркая анімацыйная частка, якая будзе праходзіць паралельна з канцэртам. Гэта і спартыўныя спаборніцтвы, і актыўныя зоны ад сацыяльных партнёраў.

Таксама да ўдзелу ў акцыі плануецца запрашаць і знакамітых гасцей – ураджэнцаў наведваемага раёна –спартсменаў, дэпутатаў або спевакоў. На мерапрыемстве яны будуць дзяліцца з гледачамі сваімі ўспамінамі з дзяцінства, юнацтва і, вядома, пагутараць з землякамі і прыўнясуць свой уклад у развіццё роднага горада. Па традыцыі на сцэне будуць выступаць аматарскія творчыя калектывы, фіналісты Рэспубліканскага прафсаюзнага конкурсу працоўных калектываў «Новыя імёны Беларусі», зоркі беларускай эстрады.

Нагадаем: з 2015 года народна-патрыятычная акцыя Федэрацыі прафсаюзаў Беларусі калясіць па гарадах і раёнах краіны, ушаноўвае працоўныя дынастыі, маладых спецыялістаў прадпрыемстваў і іх настаўнікаў. За 3 гады ў 151 канцэрце акцыі «Мы – разам!» прыняло ўдзел звыш 250 тыс. чалавек.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "рэгіёны":

17.01.2019 - 08:38 | Новы малочна-таварны комплекс у Кіраўскім раёне будзе ацяпляцца біягазам

У ААТ «Рассвет ім. К. П. Арлоўскага» Кіраўскага раёна Магілёўскай вобласці ў сакавіку бягучага года ўвядуць у эксплуатацыю буйны малочна-таварны комплекс. Пра гэта паведаміў дырэктар гаспадаркі Аляксандр Багель.

16.01.2019 - 14:27 | У Магілёўскай вобласці ў рэжыме нон-стоп працуе 300 «лясных сталовых»

Тры сотні «лясных сталовых» працуе ў рэжыме нон-стоп на Магілёўшчыне. Каб дапамагчы дзікім жывёлам перажыць зіму, у лясгасах загадзя паклапаціліся аб «меню»: нарыхтавалі зерне, сілас і гародніну. «Накрываюць паляну» ў месцах найбольшага скаплення звяроў.

16.01.2019 - 10:29 | БЧ дапамагла адрамантаваць чыгуначнае палатно ў заасадзе ў Буйнічах

Беларуская чыгунка дапамагла адрамантаваць чыгуначнае палатно ў заасадзе ў Буйнічах. Аднаўленчыя работы вяліся 12 дзён, паведамляецца на сайце ТРК «Магілёў».

14.01.2019 - 08:41 | NEFCO прафінансуе закупку шчапарубільнай машыны для Чэрыкаўскага лясгаса

Паўночная экалагічная фінансавая карпарацыя (NEFCO) прафінансуе Чэрыкаўскаму лясгасу закупку мабільнай шчапарубільнай машыны. Гэта вынікае з пастановы Савета Міністраў ад 11 студзеня 2019 года №14, апублікаванай на Нацыянальным прававым інтэрнэт-партале.

11.01.2019 - 12:42 | Яслі-сад пасля капрамонту адкрылі ў Крычаве

У Крычаве сёння адбылося адкрыццё пасля капітальнага рамонту ясляў-сада №4 па вуліцы Карла Маркса, 19А.