Рус Бел Eng 中文

Уладзімір Даманеўскі прадставіў дэпутатам новага першага намесніка старшыні Магілёўскага аблвыканкама

Дэпутатам абласнога савета сёння на пазачарговай сесіі прадставілі Мікалая Кароціна на пасадзе першага намесніка старшыні Магілёўскага аблвыканкама, перадае карэспандэнт сайта.

Уручаючы пасведчанне, старшыня аблвыканкама Уладзімір Даманеўскі пажадаў Мікалаю Кароціну ўдумлівай працы, накіраванай на ўдасканаленне падыходаў у развіцці аграпрамысловага комплексу. Кіраўнік рэгіёна заўважыў, што Прыдняпроўскі край валодае дастатковай колькасцю кваліфікаваных кадраў у галіне сельскай гаспадаркі. Таму новы кіраўнік абавязаны максімальна эфектыўна выкарыстоўваць іх прафесіяналізм і вопыт.

Уладзімір Даманеўскі падкрэсліў, што Магілёўшчына выгадна адрозніваецца ад большасці рэгіёнаў Беларусі значнай колькасцю нявыкарыстаных зямель, якія яшчэ могуць быць задзейнічаны аграрыямі. Гэты патэнцыял вобласці прывабны і для інвестараў, працу з якімі неабходна выбудаваць больш выразна і вынікова.

Кіраўнік рэгіёна дадаў, што кандыдатура на пасаду першага намесніка старшыні падбіралася з улікам патрабаванняў апошніх указаў кіраўніка дзяржавы, накіраваных на аздараўленне галіны АПК. Сучасныя тэндэнцыі патрабуюць погляду на сельскую гаспадарку, у першую чаргу, праз эканамічную прызму, менавіта таму выбар упаў на эканаміста па адукацыі.  

Падчас пазачарговай сесіі спецыялісты рэгіёна атрымалі ўзнагароды Савета Рэспублікі за падрыхтоўку і правядзенне на высокім арганізацыйным узроўні V Форума рэгіёнаў Беларусі і Расіі, які праходзіў у Магілёве 10-12 кастрычніка.

Памятнага знака V Форума рэгіёнаў удастоеныя намеснік старшыні аблвыканкама Віктар Некрашэвіч, генеральны дырэктар ААТ «Будаўнічы трэст №12» Дзмітрый Марозаў, генеральны дырэктар ААТ «Булачна-кандытарская кампанія «Дамачай»» Наталля Падлесных. Падзякі Савета Рэспублікі атрымалі начальнік УУС Магілёўскага аблвыканкама Ігар Шчарбачэня і старшыня камітэта эканомікі аблвыканкама Руслан Страхар.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.12.2018 - 16:59 | Прамую тэлефонную лінію правядзе 15 снежня старшыня Магілёўскага аблвыканкама Уладзімір Даманеўскі

Прамую тэлефонную лінію правядзе 15 снежня старшыня Магілёўскага аблвыканкама Уладзімір Віктаравіч Даманеўскі. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

13.12.2018 - 09:23 | У Магілёве адкрылі першае ганаровае консульства Латвіі ў Беларусі

Ганаровае Консульства Латвійскай Рэспублікі па Магілёве і Магілёўскай вобласці адкрылі ў горадзе на Дняпры. Ва ўрачыстай цырымоніі прынялі ўдзел саветнік – намеснік пасла Латвіі ў Беларусі Даце Рутка, кіраўнік Дырэкцыі па эканамічных адносінах, гандлі і развіцці Міністэрства замежных спраў Латвіі Юрыс Шталмейстарс, старшыня Магілёўскага аблвыканкама Уладзімір Даманеўскі, старшыня Магілёўскага гарвыканкама Уладзімір Цумараў, перадае карэспандэнт сайта.

12.12.2018 - 10:46 | Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі»

Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі». Пра гэта карэспандэнту сайта паведамілі ў абкаме ГА «БРСМ».

11.12.2018 - 16:14 | У рэгіянальным адборы на конкурсы «Славянскага базару-2019» прынялі ўдзел 29 выканаўцаў з Магілёўскай вобласці

У Беларусі праходзіць першы этап адбору ўдзельнікаў Міжнароднага конкурсу выканаўцаў эстраднай песні «Віцебск-2019» і Міжнароднага дзіцячага музычнага конкурсу «Віцебск-2019». Старт быў дадзены 5 снежня ў Гродне, а сёння эстафету прымаў Магілёў. Праслухоўванне прэтэндэнтаў ад нашага рэгіёна адбылося ў абласным метадычным цэнтры культурна-народнай творчасці і асветнай працы, дзе працавала журы пад старшынствам заслужанай артысткі Рэспублікі Беларусь Алены Ланской.

07.12.2018 - 15:00 | Дабрачынны тэлемарафон «Нашы дзеці» пройдзе ў прамым эфіры на тэлеканале «Беларусь 4. Магілёў» 14 снежня

IV дабрачынны тэлемарафон «Нашы дзеці» пройдзе 14 снежня ў прамым эфіры тэлеканала «Беларусь 4. Магілёў» з 13:55 да 19:15. Ён праводзіцца ў межах абласнога дабрачыннага марафону «Сагрэем дзіцячыя сэрцы», які арганізуе абласное аддзяленне «Беларускага дзіцячага фонду».