V ФОРУМ РЭГІЁНАЎ БЕЛАРУСІ І РАСІІ

Магілёў. 10-12 кастрычніка 2018 года.

Рус Бел Eng 中文

V Форум рэгіёнаў: Беларусь у 2019 годзе павялічыць пастаўкі мясной прадукцыі ў Расію на 11%

Беларусь у 2019 годзе плануе паставіць у Расію каля 320 тыс. т мясной прадукцыі, што на 11% больш за ўзровень 2018 года. Пра гэта паведаміў сёння журналістам міністр сельскай гаспадаркі і харчавання Леанід Заяц, які прымае ўдзел у працы секцыі «Аграрная палітыка Саюзнай дзяржавы: вопыт, праблемы і перспектывы» на V Форуме рэгіёнаў Беларусі і Расіі.

Аб’ёмы паставак малочнай прадукцыі таксама вырастуць – да 3,7 млн т, або на 2,6%. Такая дамоўленасць дасягнута паміж міністэрствамі сельскай гаспадаркі Беларусі і Расіі і будзе зацверджана вытворчымі балансамі, якія падпішуць бакі ў межах форума. Па просьбе расійскіх калег пазначаны тыя прадпрыемствы, якія будуць пастаўляць гэтую прадукцыю ў 2019 годзе, прадукцыю разбілі па асартыменце і відах, заўважыў міністр.

Леанід Заяц падкрэсліў, што ніякіх абмежаванняў па прасоўванні беларускай прадукцыі ў Расію і наадварот не павінна быць. «Не павінна быць і нейкіх надуманых прэтэнзій. Для ўрэгулявання ўсіх пытанняў ёсць адпаведнае заканадаўства, акрэдытаваныя лабараторыі і спецыялісты ветэрынарна-лабараторнага кантролю, чым і павінны кіравацца ў працы абодва бакі», – лічыць ён.

Паводле слоў міністра, да прадуктаў харчавання павінен быць роўны доступ і ў Беларусі і ў Расіі. «І паколькі мы інтэгруем эканомікі нашых краін, разумеем, што павінны сумесна дапаўняць той прадукт, які завозіцца па імпарце, на што абодва бакі марнуюць велізарныя валютныя сродкі. Таму, каб пазбегнуць такіх выдаткаў, прапануецца разгледзець магчымасць дапоўніць нашы харчовыя рынкі прадуктамі, вырабленымі ў Саюзнай дзяржаве. Для гэтага і будуць падпісаныя харчовыя балансы, каб 2019 год стаў пераломным у гандлёвых стасунках Беларусі і Расіі менавіта ў прадуктах харчавання і сельгаспрадукцыі», – рэзюмаваў Леанід Заяц.

 

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "эканоміка і бізнес":

18.10.2018 - 09:59 | У Беларусі зацверджана Стратэгія развіцця малога і сярэдняга прадпрымальніцтва да 2030 года

Стратэгія развіцця малога і сярэдняга прадпрымальніцтва «Беларусь – краіна паспяховага прадпрымальніцтва» на перыяд да 2030 года зацверджана пастановай Савета Міністраў ад 17 кастрычніка 2018 года №743, паведамілі ў прэс-службе ўрада.

17.10.2018 - 09:37 | У льняной галіне Магілёўскай вобласці маюцца шматлікія рэзервы для павышэння эфектыўнасці яе функцыянавання – КДК

Камітэтам дзяржкантролю Магілёўскай вобласці праведзены маніторынг стану льняной галіны ў рэгіёне. Пра гэта карэспандэнту сайта паведаміў першы намеснік старшыні камітэта Юрый Фралоў.

16.10.2018 - 11:00 | Больш за Br21 млн дадаткова ўнеслі ў бюджэт плацельшчыкі Магілёўскай вобласці пасля камеральнага кантролю падатковых дэкларацый

Плацельшчыкі Магілёўскай вобласці дадаткова заплацілі ў бюджэт Br21,4 млн па выніках камеральнага кантролю падатковых дэкларацый, праведзенага падатковымі інспекцыямі вобласці з пачатку 2018 года.

16.10.2018 - 10:05 | У магілёўскіх таксістаў-нелегалаў з пачатку года арыштавалі 13 машын

У магілёўскіх таксістаў-нелегалаў з пачатку года арыштавалі 13 машын агульным коштам больш за Br95 тыс. Пра гэта карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

15.10.2018 - 12:19 | У Магілёве абмяркуюць ўступленне Беларусі ў Сусветную гандлёвую арганізацыю

Круглы стол для бізнес-супольнасці па пытаннях уступлення Беларусі ў Сусветную гандлёвую арганізацыю (СГА) адбудзецца 17 кастрычніка ў канферэнц-зале гасцініцы «Магілёў» абласнога цэнтра.