Рус Бел Eng 中文

V Форум рэгіёнаў Беларусі і Расіі адкрываецца ў Магілёве

У Магілёве сёння адкрываецца V Форум рэгіёнаў Беларусі і Расіі. Ён працягнецца да 12 кастрычніка.

Галоўнай падзеяй стане пленарнае пасяджэнне на тэму «Прыярытэтныя напрамкі развіцця рэгіянальнага супрацоўніцтва як ключавога фактару інтэграцыі і саюзнага будаўніцтва» з удзелам кіраўнікоў дзяржаў Аляксандра Лукашэнкі і Уладзіміра Пуціна.

Секцыі пройдуць па пяці асноўных напрамках: аграрная палітыка, уніфікацыя і гарманізацыя заканадаўстваў, лічбавая эканоміка, маладзёжная палітыка, міжнародная дзейнасць і эканамічная бяспека.

Падчас форума пройдзе пасяджэнне Міжпарламенцкай камісіі Савета Рэспублікі i Савета Федэрацыі па міжрэгіянальным супрацоўніцтве, дзе будуць абмеркаваны перспектывы ўмацавання міжпарламенцкіх сувязяў, а таксама роля парламенцкага вымярэння ў развіцці беларуска-расійскіх адносін. У праграме форума сустрэча Старшыні Савета Рэспублікі Міхаіла Мясніковіча і спікера Савета Федэрацыі Федэральнага Сходу Валянціны Мацвіенка з кіраўнікамі рэгіёнаў дзвюх краін.

Упершыню падчас форума пройдзе Савет дзелавога супрацоўніцтва, дзе асноўныя кірункі ўзаемадзеяння і сумесныя праекты абмяркуюць кіраўнікі кампаній і прадпрыемстваў Беларусі і Расіі.

На форум збярэцца больш за 20 губернатараў рэгіёнаў Расіі. Заяўкі на ўдзел падалі таксама 17 кіраўнікоў прадстаўнічых органаў улады расійскіх рэгіёнаў.

Будзе падпісана больш за 70 дакументаў аб супрацоўніцтве – на міжурадавым, абласным і раённым узроўнях. Традыцыйна дзелавыя колы заключаць шматмільённыя экспартныя кантракты. У гэтым годзе іх агульная сума плануецца ў памеры не менш як $ 500 млн.

Галоўнай асаблівасцю форума стане выстава-кірмаш рамёстваў, дзе сваю прадукцыю прадставяць майстры дэкаратыўна-прыкладнога мастацтва і фальклорныя аматарскія калектывы Беларусі і Расіі. На нацыянальных святочных экспазіцыях пройдуць майстар-класы, выставы-продажы вырабаў мастацкіх рамёстваў, народныя гульнявыя атракцыёны, фальклорныя гульнявыя праграмы з удзелам аматарскіх калектываў, дэгустацыя нацыянальных страў, спаборніцтвы і іншыя мерапрыемствы. На працягу ўсіх дзён працы выставы-кірмашу будзе арганізавана канцэртная праграма «Садружнасць культур – Садружнасць народаў» з удзелам аматарскіх калектываў Беларусі і Расіі.
Будуць адкрыты таксама пляцоўкі, дзе рэгіёны Беларусі прадставяць свой гандлёва-эканамічны, гісторыка-культурны і турыстычны патэнцыял.

Усяго ў асноўных і спадарожных мерапрыемствах V Форума рэгіёнаў Беларусі і Расіі чакаецца ўдзел каля 2 тыс. чалавек. Форум праводзіцца пад эгідай Савета Рэспублікі і Савета Федэрацыі.

БЕЛТА
 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

06.12.2018 - 13:18 | Каля 150 тыс. юных жыхароў Магілёўшчыны стануць удзельнікамі навагодніх мерапрыемстваў

Каля 150 тыс. юных жыхароў Магілёўшчыны стануць удзельнікамі навагодніх мерапрыемстваў, арганізаваных установамі адукацыі, арганізацыямі і грамадскімі аб’яднаннямі. Пра гэта карэспандэнту сайта паведамілі ў галоўным упраўленні па адукацыі аблвыканкама.

05.12.2018 - 15:16 | Больш за 100 мерапрыемстваў запланавана ў Магілёве да Новага года і Каляд

Больш за 100 мерапрыемстваў запланавана ў Магілёве да Новага года і Каляд. У чарадзе святочных забаў знайшлося месца як для ўпадабаных жыхарам абласнога цэнтра мерапрыемстваў, так і для новых. Многія традыцыйныя дзействы памяняюць фармат. Нязменнымі застануцца іх душэўная атмасфера, маляўнічасць і запал.

04.12.2018 - 10:10 | У Магілёве на плошчы Леніна ідзе ўстаноўка галоўнай навагодняй ёлкі вобласці

У Магілёве на плошчы Леніна ідзе ўстаноўка галоўнай навагодняй ёлкі вобласці. Сямнаццаты год запар яе асновай становіцца 27-метровая металічная канструкцыя, якая складаецца са зборных модуляў.

03.12.2018 - 12:56 | Прамую тэлефонную лінію правядзе 8 снежня намеснік старшыні Магілёўскага аблвыканкама Руслан Пархамовіч

Прамую тэлефонную лінію правядзе 8 снежня намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

03.12.2018 - 10:06 | У Магілёўскай вобласці на ўліку ў органах па працы, занятасці і сацыяльнай абароне знаходзіцца больш за 61 тыс. чалавек з інваліднасцю

У Магілёўскай вобласці на ўліку ў органах па працы, занятасці і сацыяльнай абароне знаходзіцца больш за 61 тыс. чалавек з інваліднасцю, у тым ліку 10,7 тыс. інвалідаў I групы, 27,4 тыс. – II групы, 20 тыс. –III групы, 3,2 тыс. дзяцей-інвалідаў ва ўзросце да 18 гадоў. Пра гэта карэспандэнту сайта паведамілі ў камітэце па працы, занятасці і сацыяльнай абароне аблвыканкама.