Рус Бел Eng 中文

V Форум рэгіёнаў: у Магілёве адкрылася выстава-кірмаш рамёстваў «Горад майстроў»

Грамадзяне Беларусі і Расіі вераць у поспех саюзнага будаўніцтва. Пра гэта сёння заявіў старшыня Савета Рэспублікі Міхаіл Мясніковіч на ўрачыстым адкрыцці выставы-кірмашу рамёстваў у Магілёве «Горад майстроў».

Міхаіл Мясніковіч звярнуў увагу, што для ўдзелу ў V Форуме рэгіёнаў Беларусі і Расіі прыбылі прадстаўнікі 35 расійскіх рэгіёнаў: ад Бранска да Далёкага Усходу, Ямала-Ненецкай нацыянальнай акругі. «Гэта сведчыць пра тое, што людзі вераць у наша саюзнае будаўніцтва, у поспех саюзнага дагавора і нашых саюзных адносін», – перакананы спікер. «Гэта дарагога варта, гэтага не вымераць грашыма і кантрактамі», – дадаў ён.

Парламенты дзвюх краін павінны рабіць усё для таго, каб апраўдаць гэты высокі давер расіян і беларусаў, падкрэсліў Міхаіл Мясніковіч.

Старшыня Савета Федэрацыі Расіі Валянціна Мацвіенка ў сваю чаргу падзякавала беларусам за выдатную праграму і гасціннасць. Яна таксама акцэнтавала ўвагу, што ўпершыню на Форум рэгіёнаў у Беларусь прыбыла такая прадстаўнічая расійская дэлегацыя, толькі афіцыйных асоб у ёй больш за сто чалавек. А праект «Горад майстроў», паводле слоў Валянціны Мацвіенка, – гэта выдатная магчымасць для беларусаў і расіян яшчэ бліжэй пазнаёміцца з культурнай спадчынай адзін аднаго.

На выставе-кірмашы прадстаўлена народная дэкаратыўна-прыкладная творчасць усіх рэгіёнаў нашай краіны, а таксама 16-і расійскіх рэгіёнаў. Экспазіцыя размясцілася на трох тэматычных вуліцах:«Беларуская», «Руская»,«Сябрына творчасці і майстэрства».

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

07.12.2018 - 10:34 | За невыкарыстанне зімовых шын на аўто супрацоўнікі ДАІ Магілёўскай вобласці ўжо аштрафавалі больш за 200 парушальнікаў

За невыкарыстанне зімовых шын на аўто супрацоўнікі ДАІ Магілёўскай вобласці ўжо аштрафавалі больш за 200 парушальнікаў. Пра гэта карэспандэнту сайта паведаміў начальнік УУС Магілёўскага аблвыканкама Ігар Шчарбачэня.

07.12.2018 - 10:30 | Названы пераможцы абласнога конкурсу аматарскага мастацтва сярод жыхароў дамоў-інтэрнатаў Магілёўшчыны

Абласны агляд-конкурс аматарскага мастацтва сярод жыхароў дамоў-інтэрнатаў рэгіёна прайшоў у Магілёве.

07.12.2018 - 09:48 | Больш за сто каткоў і хакейных каробак зальюць у Магілёўскай вобласці ў снежні

У Магілёўскай вобласці на наступным тыдні пачнуць масавае заліванне каткоў і хакейных каробак, паведамілі ва ўпраўленні спорту і турызму аблвыканкама.

06.12.2018 - 12:47 | Кітайскія школьнікі 11-14 снежня наведаюць Магілёўскую вобласць

Кітайскія школьнікі 11-14 снежня наведаюць Магілёўскую вобласць. Пра гэта карэспандэнту сайта паведамілі ў гарвыканкаме.

05.12.2018 - 11:55 | Дабрачынная акцыя «Цуды на Каляды» стартуе ў Магілёўскай вобласці 6 снежня

Дабрачынная акцыя «Цуды на Каляды» стартуе ў Магілёўскай вобласці 6 снежня. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».