Рус Бел Eng 中文

Вопыт функцыянавання сістэмы аховы здароўя Магілёўскай вобласці зацікавіў медыкаў з кітайскай правінцыі Хэнань

Вопыт функцыянавання сістэмы аховы здароўя Магілёўскай вобласці зацікавіў медыкаў з кітайскай правінцыі Хэнань. Дэлегацыя з Паднябеснай сёння наведала Магілёўскую цэнтральную паліклініку і абласную дзіцячую бальніцу, дзе азнаёмілася з іх матэрыяльна-тэхнічнай базай, метадамі працы ўрачоў, дасягненнямі мясцовай медыцыны.

Госці прыехалі ў наш рэгіён невыпадкова. Дружба і партнёрскія ўзаемаадносіны паміж правінцыяй Хэнань і Прыдняпроўскі краем працягваюцца ўжо амаль 15 гадоў. З кожным годам супрацоўніцтва ў эканамічнай сферы мацнее. Удала развіваюцца культурныя сувязі. Прыйшоў час абмену вопытам і ў галіне аховы здароўя. Тым больш што прыклад ужо ёсць: сёлетняй вясной на базе Магілёўскай цэнтральнай паліклінікі пры ўдзеле партнёраў з кітайскага горада Нанкін (правінцыя Цзянсу) быў адкрыты Цэнтр традыцыйнай кітайскай медыцыны.

   

«Мы рады, што сістэма аховы здароўя Магілёўшчыны выклікае цікавасць у кітайскіх партнёраў, – адзначыў падчас афіцыйнай сустрэчы з прадстаўнікамі дэлегацыі намеснік старшыні аблвыканкама Андрэй Кунцэвіч. – Для нас ваш візіт – гэта магчымасць не толькі прадэманстраваць патэнцыял у медыцынскай сферы, але і завязаць больш цесныя кантакты з калегамі з Паднябеснай».

Тэма гігіены, прафілактыкі і лячэння розных захворванняў сярод дзяцей і дарослых для правінцыі Хэнань вельмі актуальная, паколькі гэтая частка Кітая займае першае месца ў краіне па колькасці насельніцтва: тут пражывае амаль 100 млн. чалавек. Начальнік упраўлення аховы здароўя Магілёўскага аблвыканкама Аляксандр Жылін і галоўны ўрач Магілёўскай абласной дзіцячай бальніцы Ігар Каско праінфармавалі гасцей аб тым, як выбудавана сістэма аховы здароўя ў рэгіёне, у тым ліку лячэнне дзяцей і падлеткаў, аб мерах, накіраваных на прафілактыку і ранняе выяўленне хвароб. Яны падкрэслілі важнасць галоўнай задачы, пераследуемай дзяржавай пры распрацоўцы і прыняцці спецыяльных праграм падтрымкі і развіцця медыцынскай дапамогі: зрабіць яе даступнай для ўсіх людзей у любым населеным пункце краіны. Таксама абодва бакі цікавіліся падыходамі да падрыхтоўкі медыцынскіх кадраў.

Намеснік дырэктара Камітэта па справах аховы здароўя і планавання сям’і правінцыі Хэнань Хуан Вэй, які ўзначальваў кітайскую дэлегацыю, выказаў упэўненасць, што цяперашні візіт стане адпраўным пунктам у доўгім і плённым супрацоўніцтве, якое прынясе вялікую карысць жыхарам абодвух рэгіёнаў.

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

19.02.2019 - 12:46 | Больш за Вг8,9 млн накіруюць у гэтым годзе на капрамонт і добраўпарадкаванне аб’ектаў інфраструктуры Магілёва

У Магілёве ў 2019 годзе плануецца правесці капрамонт і добраўпарадкаваць 20 аб’ектаў гарадской інфраструктуры. На гэтыя мэты з бюджэту накіруюць больш за Вг8,9 млн. Пра гэта паведаміў сёння на пасяджэнні гарвыканкама намеснік дырэктара па будаўніцтве ГП «Упраўленне камунальных прадпрыемстваў» Сяргей Зяцькоў.

19.02.2019 - 12:40 | У Магілёве з 1 сакавіка стартуе месячнік па навядзенні парадку на дваровых тэрыторыях

У Магілёве з 1 сакавіка стартуе месячнік па навядзенні парадку на дваровых тэрыторыях. Такое даручэнне даў сёння на пасяджэнні гарвыканкама яго старшыня Уладзімір Цумараў.

18.02.2019 - 10:31 | Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Кунцэвіч

Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

15.02.2019 - 14:06 | Урачысты прыём да 30-годдзя з дня вываду савецкіх войскаў з Афганістана адбыўся ў Магілёўскім аблвыканкаме

Урачыстая сустрэча старшыні Магілёўскага аблвыканкама Уладзіміра Даманеўскага з кіраўнікамі гарадскіх і раённых арганізацый ГА «Беларускі саюз ветэранаў вайны ў Афганістане» адбылася сёння ў Доме саветаў. Мерапрыемства было прымеркавана да 30-й гадавіны вываду савецкіх войскаў з далёкай краіны.

14.02.2019 - 11:34 | Магілёўская вобласць адзначае 30-годдзе вываду савецкіх войскаў з Афганістана

Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.