Рус Бел Eng 中文

Выязны семінар-нарада з удзелам членаў Савета Рэспублікі і дэпутатаў Палаты прадстаўнікоў Нацыянальнага сходу праходзіць у Магілёве

Выязны семінар-нарада з удзелам членаў Савета Рэспублікі і дэпутатаў Палаты прадстаўнікоў Нацыянальнага сходу Рэспублікі Беларусь ад Магілёўскай вобласці праходзіць сёння ў горадзе на Дняпры, перадае карэспандэнт сайта.

Такія сустрэчы сталі традыцыйнымі і штоквартальнымі, бо падобная форма сумеснай працы выканаўчай і заканадаўчай уладаў вельмі карысная. Дэпутаты знаёмяцца з дзейнасцю прадпрыемстваў, арганізацый, значнымі аб’ектамі розных сфер не толькі сваіх выбарчых акругаў, але і іншых рэгіёнаў. Народныя абраннікі і кіраўніцтва вобласці дзеляцца праблемамі, якія хвалююць насельніцтва, сумесна абмяркоўваюць набалелыя пытанні і шукаюць аптымальна прымальныя шляхі іх рашэння. Канчатковая мэта такіх мерапрыемстваў – сфарміраваць канкрэтныя прапановы па паляпшэнні жыцця людзей, павышэнні іх дабрабыту, якія парламентарыі змогуць вынесці на ўзровень урада.

Адкрыў семінар старшыня Магілёўскага аблвыканкама Уладзімір Даманеўскі. Кіраўнік рэгіёна падзякаваў дэпутатам за працу, дадаўшы, што да вырашэння некаторых пытанняў прадстаўнікам народа, магчыма, варта было б падысці больш актыўна.

Асаблівую ўвагу Уладзімір Даманеўскі надаў тэме маючага адбыцца V Форуму рэгіёнаў Беларусі і Расіі. Гаворачы аб рабоце тэматычных секцый, старшыня аблвыканкама падкрэсліў неабходнасць і важнасць агучвання прадстаўнікам расійскага боку праблемных пытанняў, з якімі сутыкаліся дэпутаты Магілёўшчыны ў сваёй працы з насельніцтвам. У прыватнасці, нямала такіх пунктаў, у аснове якіх – канкурэнцыяў памежных з Расіяй раёнах Прыдняпроўскага краю. Спрэчныя моманты датычацца збыту прадукцыі, аздараўлення, кадравай палітыкі. І тут важна прыйсці да кансенсусу, выпрацаваць сумесную лінію далейшых дзеянняў, якія прынясуць карысць і будуць выгадны абодвум бакам.

Магілёў напярэдадні Форуму рэгіёнаў прыкметна змяніўся. На гэта звярнуў увагу і Уладзімір Даманеўскі. Прыведзены ў парадак дарогі, фасады будынкаў, капітальна адрамантаваны Палац культуры вобласці, актыўна вядзецца будаўніцтва новага вучэбна-лабараторнага корпуса Беларуска-Расійскага ўніверсітэта. На думку кіраўніка рэгіёна, вельмі важна, каб гэты аб’ект стаў моцнай навуковай базай і інавацыйнай пляцоўкай, дзе маладыя навукоўцы маглі б займацца распрацоўкамі, укараненне якіх у вытворчую сферу Магілёўшчыны прынясе карысць і прыбытак.

Старшыня Магілёўскага аблвыканкама таксама праінфармаваў парламентарыяў аб выніках сацыяльна-эканамічнага развіцця рэгіёна за 8 месяцаў бягучага года, аддаўшы нямала часу аграпрамысловаму комплексу. Акрамя таго, Уладзімір Даманеўскі расказаў удзельнікам семінара-нарады пра аб’екты сацыяльнай сферы (а іх нямала), будаўніцтва і рамонт якіх ужо вядзецца або запланаваны ў найбліжэйшыя гады ў рэгіёне. Так, у Магілёве ўжо закладзены падмурак новай школы ў мікрараёне Казіміраўка, а Бабруйск папоўніць яшчэ адзін дзіцячы сад. Уключана ў інвестыцыйную праграму аблвыканкама 2018 года рэканструкцыя Бабруйскай гарадской дзіцячай бальніцы. У Асіповічах скончаны работы па будаўніцтве новага корпуса раённай бальніцы, засталося напоўніць яго абсталяваннем. Завяршаецца рэканструкцыя чавускага Дома культуры, і неўзабаве плануюць прыступіць да рамонту Дома культуры і кінатэатра «Арыён» у Глуску. Працягнуцца працы па аднаўленні Пустынак, Жыліцкага палаца і інш.

Сёння члены Савета Рэспублікі і дэпутаты Палаты прадстаўнікоў Нацыянальнага сходу Рэспублікі Беларусь ад Магілёўскай вобласці наведалі яслі-сад №117, дзе азнаёміліся з адукацыйным працэсам у дашкольнай установе. У гімназіі №2 яны ацанілі эфектыўнасць работы педагагічнага калектыву па павышэнні якасці адукацыі. Для парламентарыяў арганізавалі экскурсію па музеі В.К. Бялыніцкага-Бірулі. Апошнім аб’ектам выязнога семінара-нарады стаў Магілёўскі абласны анкалагічны дыспансер, дзе дэпутатаў праінфармавалі аб дапамозе, якая тут аказваецца хворым. Тут жа адбыўся «круглы стол», дзе ўдзельнікі падвялі вынікі мерапрыемства.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

14.12.2018 - 16:59 | Прамую тэлефонную лінію правядзе 15 снежня старшыня Магілёўскага аблвыканкама Уладзімір Даманеўскі

Прамую тэлефонную лінію правядзе 15 снежня старшыня Магілёўскага аблвыканкама Уладзімір Віктаравіч Даманеўскі. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

13.12.2018 - 09:23 | У Магілёве адкрылі першае ганаровае консульства Латвіі ў Беларусі

Ганаровае Консульства Латвійскай Рэспублікі па Магілёве і Магілёўскай вобласці адкрылі ў горадзе на Дняпры. Ва ўрачыстай цырымоніі прынялі ўдзел саветнік – намеснік пасла Латвіі ў Беларусі Даце Рутка, кіраўнік Дырэкцыі па эканамічных адносінах, гандлі і развіцці Міністэрства замежных спраў Латвіі Юрыс Шталмейстарс, старшыня Магілёўскага аблвыканкама Уладзімір Даманеўскі, старшыня Магілёўскага гарвыканкама Уладзімір Цумараў, перадае карэспандэнт сайта.

12.12.2018 - 10:46 | Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі»

Больш за 30 праектаў прадставяць у Крычаве ўдзельнікі абласнога этапу рэспубліканскага моладзевага конкурсу «100 ідэй для Беларусі». Пра гэта карэспандэнту сайта паведамілі ў абкаме ГА «БРСМ».

11.12.2018 - 16:14 | У рэгіянальным адборы на конкурсы «Славянскага базару-2019» прынялі ўдзел 29 выканаўцаў з Магілёўскай вобласці

У Беларусі праходзіць першы этап адбору ўдзельнікаў Міжнароднага конкурсу выканаўцаў эстраднай песні «Віцебск-2019» і Міжнароднага дзіцячага музычнага конкурсу «Віцебск-2019». Старт быў дадзены 5 снежня ў Гродне, а сёння эстафету прымаў Магілёў. Праслухоўванне прэтэндэнтаў ад нашага рэгіёна адбылося ў абласным метадычным цэнтры культурна-народнай творчасці і асветнай працы, дзе працавала журы пад старшынствам заслужанай артысткі Рэспублікі Беларусь Алены Ланской.

07.12.2018 - 15:00 | Дабрачынны тэлемарафон «Нашы дзеці» пройдзе ў прамым эфіры на тэлеканале «Беларусь 4. Магілёў» 14 снежня

IV дабрачынны тэлемарафон «Нашы дзеці» пройдзе 14 снежня ў прамым эфіры тэлеканала «Беларусь 4. Магілёў» з 13:55 да 19:15. Ён праводзіцца ў межах абласнога дабрачыннага марафону «Сагрэем дзіцячыя сэрцы», які арганізуе абласное аддзяленне «Беларускага дзіцячага фонду».