Рус Бел Eng 中文

Юныя шахматысты з Бабруйска выйгралі рэспубліканскія спаборніцтвы «Белая Ладдзя»

Юныя шахматысты з Бабруйска выйгралі рэспубліканскія спаборніцтвы «Белая Ладдзя», паведамілі ў прэс-службе Прэзідэнцкага спартыўнага клуба.

Пераможцы святкавалі поспех у шасці матчавых сустрэчах і адну звялі да нічыёй. Другое месца заняла каманда мінскай гімназіі №29, а замкнулі тройку найлепшых шахматысты з Пінска. Згодна з рэгламентам, у камандзе з чатырох чалавек павінна быць заяўлена хоць бы адна дзяўчынка. За шахматнымі баталіямі можна было сачыць з дапамогай анлайн-трансляцый партый.

Пяцідзённы турнір «Белая Ладдзя» быў арганізаваны на базе рэспубліканскага цэнтра алімпійскай падрыхтоўкі па конным спорце «Ратамка», дзе створаны выдатныя ўмовы для спаборніцтваў і адпачынку спартсменаў.

Найлепшая каманда турніру, дзякуючы падтрымцы Прэзідэнцкага спартыўнага клуба, адправіцца на міжнародны фінал «Белай Ладдзі» ў Дагамыс (Сочы, Расія).

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая