Рус Бел Eng 中文

Званне заслужанага артыста Беларусі прысвоена акцёру Магілёўскага абласнога тэатра лялек Мікалаю Сцешыцу

Ганаровае званне “Заслужаны артыст Рэспублікі Беларусь” прысвоена вядучаму майстру сцэны Магілёўскага абласнога тэатра лялек Мікалаю Сцешыцу. Пра гэта карэспандэнту сайта паведамілі ва ўстанове культуры.

Мікалай Сцешыц – таленавіты, шматпланавы артыст з шырокім творчым аплуа, – заўважылі суразмоўцы. – Ён працуе ў магілёўскім тэатры з 1993 года. Вядучы майстар сцэны стварыў шэраг яркіх высокамастацкіх вобразаў у спектаклях, якія складаюць залаты фонд тэатра. Аб прызнанні яго таленту сведчаць прэстыжныя тэатральныя ўзнагароды, а таксама дыпломы розных фестываляў у намінацыі «Самая лепшая мужчынская роля».

У 2001 годзе артыст атрымаў дзяржаўную стыпендыю Міністэрства культуры Рэспублікі Беларусь, у 2009-м – узнагароджаны медалём Ф. Скарыны, найвышэйшым прызам Беларускага Саюза тэатральных дзеячаў «Крыштальны анёлак». У 2010 годзе імя артыста ўнесена ў энцыклапедыю “Найлепшыя людзі Беларусі”, а ў 2012-м – акцёр узнагароджаны Ганаровай граматай Савета міністраў Рэспублікі Беларусь.

Паводле слоў суразмоўцаў, аб грамадзянскай пазіцыі і аўтарытэце сярод калег прафесійнага круга, а таксама жыхароў Магілёўшчыны сведчыць той факт, што Мікалай Сцешыц з’яўляўся адзіным прадстаўніком сярод беларускіх акцёраў, які удзельнічаў у V Усебеларускім народным сходзе.

Двойчы Магілёўскі абласны тэатр лялек станавіўся саіскальнікам Фонду Прэзідэнта Рэспублікі Беларусь па падтрымцы культуры і мастацтва за спектаклі «На дне» М. Горкага (2015) і «Сіняя-сіняя» У. Караткевіча (2016). У гэтых спектаклях быў заняты Мікалай Сцешыц.

За час працы ў тэатры Мікалаем Сцешыцам створана больш за 80 роляў, многія з іх адлюстраваны ў публікацыях беларускіх і замежных СМІ. У арсенале акцёра ролі ў спектаклях для дзяцей і моладзі, а таксама ў пастаноўках для дарослых. «Глыбіня і шматграннасць, з якой працуе акцёр, уражваюць. У год ён заняты ў больш чым 350 спектаклях. У асобе Мікалая Сцешыца спалучаюцца выдатны акцёр тэатра лялек і выдатны драматычны артыст», – падкрэслілі суразмоўцы.

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

21.02.2019 - 16:27 | Кіраўнікі на месцах павінны ўдзельнічаць у перазагрузцы эканамічнай палітыкі рэгіёна – Уладзімір Даманеўскі

Старшыня Магілёўскага аблвыканкама Уладзімір Даманеўскі сёння падчас разгляду вынікаў сацыяльна-эканамічнага развіцця вобласці ў 2018 годзе засяродзіў увагу на неабходнасці перазагрузкі эканамічнай палітыкі рэгіёна.

21.02.2019 - 08:50 | Галоўная тэма АДІ ў лютым: магчымасці грамадзян для ажыццяўлення дзейнасці без рэгістрацыі ў якасці суб’екта прадпрымальніцтва

Адзіны дзень інфармавання, які пройдзе сёння ў гарадах і раёнах Магілёўскай вобласці, будзе прысвечаны магчымасцям грамадзян для ажыццяўлення дзейнасці без рэгістрацыі ў якасці суб’екта прадпрымальніцтва. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.

19.02.2019 - 12:46 | Больш за Вг8,9 млн накіруюць у гэтым годзе на капрамонт і добраўпарадкаванне аб’ектаў інфраструктуры Магілёва

У Магілёве ў 2019 годзе плануецца правесці капрамонт і добраўпарадкаваць 20 аб’ектаў гарадской інфраструктуры. На гэтыя мэты з бюджэту накіруюць больш за Вг8,9 млн. Пра гэта паведаміў сёння на пасяджэнні гарвыканкама намеснік дырэктара па будаўніцтве ГП «Упраўленне камунальных прадпрыемстваў» Сяргей Зяцькоў.

19.02.2019 - 12:40 | У Магілёве з 1 сакавіка стартуе месячнік па навядзенні парадку на дваровых тэрыторыях

У Магілёве з 1 сакавіка стартуе месячнік па навядзенні парадку на дваровых тэрыторыях. Такое даручэнне даў сёння на пасяджэнні гарвыканкама яго старшыня Уладзімір Цумараў.

18.02.2019 - 10:31 | Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Кунцэвіч

Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.