Рус Бел Eng 中文

Праект Еўрапейскага Саюза і ПРААН праводзіць конкурс бізнес-ідэй

Праект «Падтрымка эканамічнага развіцця на мясцовым узроўні ў Рэспубліцы Беларусь», які фінансуецца Еўрапейскім Саюзам і рэалізуецца Праграмай развіцця ААН (ПРААН) у партнёрстве з Міністэрствам эканомікі Рэспублікі Беларусь, аб’яўляе аб прыёме заявак на «Конкурс ініцыятыў, накіраваных на развіццё інфраструктуры падтрымкі прадпрымальніцтва» (далей Конкурс) з агульным індыкатыўным бюджэтам фінансавання ў памеры 1,320 млн. долараў ЗША (110,000 долараў ЗША на раён).

На Конкурс прымаюцца заяўкі па названай тэматыцы для далейшай рэалізацыі ініцыятыў на тэрыторыі 12 пілотных раёнаў краіны:

* Бярозоўскі і Кобрынскі раёны Брэсцкай вобласці;

* Браслаўскі і Аршанскі раёны Віцебскай вобласці;

* Брагінскі, Жлобінскі і Хойніцкі раёны Гомельскай вобласці;

* Лідскі раён Гродзенскай вобласці;

* Барысаўскі і Маладзечанскі раёны Мінскай вобласці;

* Быхаўскі і Клічаўскі раёны Магілёўскай вобласці.

Для ўдзелу ў конкурсе неабходна:

Азнаёміцца з Палажэннем і формай заяўкі, размешчанымі па спасылцы: http://www.by.undp.org/content/belarus/ru/home/operations/projects/pover...

Там жа можна спампаваць і запоўніць заяўку з дадаткамі.

Тэрмін прыёму заявак на конкурс – з 20 жніўня па 30 верасня 2019 года ўключна, да 18:00 па мінскім часе.