Рус Бел Eng 中文

Аб мерах, якія прымаюцца па рэалізацыі Указа Прэзідэнта Рэспублікі Беларусь ад 7 лютага 2006 г. № 87 «Аб некаторых мерах па скарачэнні не завершаных будаўніцтвам незакансерваваных жылых дамоў, дач»

У мэтах скарачэння колькасці не завершаных будаўніцтвам незакансерваваных жылых дамоў, дач, эфектыўнага выкарыстання зямельных участкаў, прыняты Указ Прэзідэнта Рэспублікі Беларусь ад 07.02.2006 № 87 «Аб некаторых мерах па скарачэнні не завершаных будаўніцтвам незакансерваваных жылых дамоў, дач» (далей – Указ).

У межах праводзімай у рэспубліцы зацікаўленымі дзяржаўнымі органамі мэтанакіраванай работы па навядзенні належнага парадку на падведамасных тэрыторыях, рэалізацыя гэтага Указа мае асаблівую актуальнасць.

Галоўным упраўленнем землеўпарадкавання аблвыканкама і структурнымі падраздзяленнямі землеўпарадкавання гаррайвыканкамаў, якія ажыццяўляюць на падведамных тэрыторыях дзяржаўна-ўладныя паўнамоцтвы ў галіне зямельных адносін, у межах паўнамоцтваў праводзіцца пэўная праца па рэалізацыі гэтага Указа.

У адпаведнасці з даручэннем Савета Міністраў Рэспублікі Беларусь ад 20.09.2018 № 02/307-358/10656р адказнымі за ажыццяўленне кантролю за рэалізацыяй Указа № 87 у частцы кантролю за тэрмінамі пачатку асваення зямельных участкаў, вызначаны структурныя падраздзяленні мясцовых выканкамаў землеўпарадкавання.

У 2019 годзе ў вобласці ўстаноўлена 192 факты нясвоечасовага заняцця і асваення грамадзянамі зямельных участкаў, прадастаўленых для будаўніцтва і абслугоўвання аднакватэрных, блакіраваных жылых дамоў, на агульнай плошчы 31,8 га (у 2018 – 180 на плошчы 30,5 га). Да адміністрацыйнай адказнасці за невыкарыстанне зямельных участкаў ва ўстаноўлены заканадаўствам тэрмін прыцягнута 144 парушальнікі (у 2018 –164). У выніку прынятых мер 131 землекарыстальнік прыступіў да выкарыстання зямельнага ўчастка ў адпаведнасці з мэтай і ўмовамі яго прадастаўлення (у 2018 – 138).

У цяперашні час у працы па ажыццяўленні кантролю за тэрмінамі пачатку асваення зямельных участкаў у вобласці маецца тэндэнцыя да зрушэння акцэнтаў, накіраваных ад карных мер да прафілактыкі правапарушэнняў. Колькасць выяўленых фактаў невыкарыстання зямельных участкаў ва ўстаноўлены заканадаўствам тэрмін у 2019 годзе на 7 % большая ў параўнанні з 2018 годам, разам з тым, колькасць прыцягнутых да адміністрацыйнай адказнасці была меншай.

На працягу 2019 года ў Магілёўскай вобласці выканаўчымі камітэтамі першаснага і базавага ўзроўняў было прынята 45 рашэнняў аб канфіскацыі зямельных участкаў, раней прадастаўленых фізічным асобам для будаўніцтва і абслугоўвання аднакватэрных, блакіраваных жылых дамоў, з іх Магілёўскім гарвыканкамам – 11, Магілёўскім і Слаўгарадскім райвыканкамамі па 6 адпаведна, Бялыніцкім і Чэрыкаўскім па – 4, (у 2018 было прынята 47 рашэнняў аб канфіскацыі, з іх – 12 у Бялыніцкім раёне, 11 – у Магілёўскім і 6 – у г. Магілёве).

Акрамя таго, у суды Магілёўскай вобласці сельгаррайвыканкамамі у 2019 годзе было пададзена 12 іскавых заяў аб спыненні права прыватнай уласнасці на зямельныя ўчасткі, прадастаўленыя для вышэйзгаданых мэтаў, з якіх 6 іскаў былі задаволеныя, адзін іск адкліканы, 5 іскавых заяў на канец 2019 года знаходзіліся на разглядзе ў судах. У 2018 годзе было пададзена 9 іскаў, якія былі задаволеныя.

У святле актывізацыі гаррайвыканкамамі прафілактычнай працы, накіраванай на прадухіленне парушэнняў зямельнага заканадаўства, правапарушэнняў у галіне зямельных адносін, у цяперашні час надаецца большая ўвага прафілактычным мерапрыемствам. Акцэнт робіцца на тлумачальную і вялікую працу па растлумачэнні ў сродках масавай інфармацыі наступстваў парушэння зямельнага заканадаўства.

На сайце аблвыканкама апублікаваныя адказы на найбольш частыя пытанні, якія тычацца тэрмінаў асваення прадастаўленых зямельных участкаў. Растлумачаны прававыя наступствы невыканання патрабаванняў заканадаўства.

Работа па рэалізацыі на тэрыторыі Магілёўскай вобласці Указа Прэзідэнта Рэспублікі Беларусь № 87 будзе працягнутая.