Рус Бел Eng 中文

20-гадовы юбілей адзначае сёлета этнаграфічны музей вёскі Любонічы Кіраўскага раёна

20-гадовы юбілей адзначае сёлета этнаграфічны музей вёскі Любонічы Кіраўскага раёна. Стваральнікамі вядомай этнаграфічнай экспазіцыі з'яўляюцца мясцовыя жыхары Іван і Марыя Саланевічы.

Сямейная пара пенсіянераў на працягу дзесяцігоддзяў рупліва збірала прадметы традыцыйнага побыту беларусаў. Сёння іх калекцыя вядомая па ўсёй рэспубліцы: больш за 700 экспанатаў крывіцкай даўніны налічаюць фонды музея. Тут знаходзіцца старадаўняя мэбля, сабраная ў розных раёнах Магілёўшчыны: ложкі, сталы, куфары, люлькі. Наведвальнікі могуць убачыць прылады сялянскай працы і шматлікія прадметы побыту: калаўроты, посуд, карыты, санкі. Тут жа кошыкі, вырабы з бяросты, ільняныя клункі, чугунки, гарлачыкі, ручнікі, кілімкі.

Музей Саланевічаў у Кіраўскім раёне завуць і краязнаўчым, і этнаграфічным. Але самі гаспадары мянуюць яго проста сялянскай хатай і маюць на гэта поўнае права, бо тут сапраўды жыве неўміручая крыўская традыцыя.

Па матэрыяле Радио Могилев

При использовании материалов активная гиперссылка на mogilev-region.gov.by обязательна