Рус Бел Eng 中文

ААТ “Новая Друць” пачало вырошчваюць жэньшэнь

Сёлета працаўнікі ААТ “Новая Друць”, у адрозненне ад мінулых гадоў, вырошчваюць не толькі зерневыя культуры, бульбу ды кукурузу, але і такую экзатычную для Рэспублікі Беларусь лячэбную расліну, як жэньшэнь.

Кіраўнік адкрытага акцыянернага таварыства Уладзімір Канавалаў з уласцівай яму прадпрымальнасцю першым у краіне адклікнуўся на ўнікальную распрацоўку расійскіх навукоўцаў, і на эканамічным савеце сельгасарганізацыі было прынята рашэнне наладзіць вытворчасць экзатычнага кораню на полі паблізу аграгарадка Цяхцін, дзе хіміка-фізічныя ўласцівасці глебы максімальна набліжаюцца да ўмоў Усурыйскай тайгі.

Намеснік дырэктара па эканоміцы Марына Цуцол асабіста распрацавала адпаведны бізнес-план на пяцігадовую перспектыву. “Сёлета жэньшэнь зойме толькі 0,33 гектара, — расказвае Марына Юр’еўна. – Затраты на закладку плантацыі складуць 530 мільёнаў рублёў. На наступны год плошчу яе падвоім, а ў 2013 годзе жэньшэневая плантацыя стабілізуецца на 1,16 гектара. Ужо сёння заключаем пагадненні на рэалізацыю сыравіны, якая, дарэчы, карыстаецца вялікім попытам”.

Для сельгасарганізацыі з плошчай сельгасугоддзяў у дванаццаць тысяч гектараў гэта, на першы погляд, мізэр, але ў даным канкрэтным выпадку справа тут не ў маштабе вытворчасці, а ў яе эфектыўнасці. Сёлета, напрыклад, прадпрыемства павінна атрымаць ад рэалізацыі ўсіх відаў прадукцыі 36 мільярдаў рублёў, а за наступныя чатыры гады прагназуецца падвоіць даход. Таму паступленні ў агульную скарбонку ад рэалізацыі кораня жэньшэню чакаюцца даволі істотнымі – не менш за два мільярды рублёў пры рэнтабельнасці ў восем працэнтаў. Але для гэтага неабходна яшчэ сабраць ураджай.

Плантацыя жэньшэню нагадвае велізарную цяпліцу, будаўніцтва якой працягваецца. “Адной з умоў праекта з’яўляецца як мага больш поўная імітацыя прыродных умоў, дзе “корань жыцця” расце ў дзікіх умовах, — тлумачыць галоўны тэхнолаг жэньшэневай плантацыі Сяргей Лапацентаў. – Таму цяпліцу, напрыклад, пакрываем поліэтыленавай плёнкай блакітна-зялёнага колеру тайгі” .

Глеба экзатычнай плантацыі атрымала збалансаваны комплекс мікраўгнаенняў. Пасевы рупліва даглядаюць лепшыя паляводы сельгаспрадпрыемства. А гэта з’яўляецца залогам паспяховага ажыццяўлення інавацыйнага бізнес-праекта.

zara.by

При использовании материалов активная гиперссылка на mogilev-region.gov.by обязательна