Свята «Веснавы карагод Магілёўшчыны» адбудзецца 20 красавіка ў абласным центры. Мерапрыемства з’яўляецца працягам рэгіянальнага фестывалю фальклорнага мастацтва «Скарбніца Падняпроўя». Аб гэтым карэспандэнту сайта паведамілі ў Магілёўскім абласным метадычным цэнтры народнай творчасці і культурна-асветнай работы.

У свяце прымуць удзел выканаўцы, калектывы, майстры Дрыбінскага, Кіраўскага, Клічаўскага, Касцюковіцкага, Асіповіцкага раёнаў.

Распачнецца акцыя ў 17.00 гульнёва-забаўляльнай праграмай «Вясна-красна на ўвесь свет» на пляцоўцы каля будынка метадычнага цэнтра. У фае першага паверха гасцей будзе чакаць фальклорная экспазіцыя «Веснавы куфэрак», якая ўключае дэгустацыю-прэзентацыю традыцыйных страў пасхальнага тыдня, дэманстрацыю спектакляў аматарскіх батлеечных тэатраў, выставу вырабаў народных мастацкіх рамёстваў, майстар-класы па відах рамёстваў.

У 18.00 у канцэртнай зале «Магілёў» адбудзецца тэатралізаванае прадстаўленне «Веснавыя карункі народнай творчасці», дзе выступяць фальклорныя калектывы, выканаўцы раёнаў-удзельнікаў.