Вверх

Вы здесь

Андрэй Кунцэвіч: Музей Алеся Адамовіча - справа агульная

Сёлета пры Бабруйскім райвыканкаме быў адкрыты разліковы рахунак на збор сродкаў для вырабу праектна-каштарыснай дакументацыі і рэканструкцыі будынка ў пасёлку Глуша пад музей Алеся Адамовіча. І першым, хто пералічыў на яго грошы, было галоўнае ўпраўленне ідэалагічнай работы, культуры і па справах моладзі Магілёўскага аблвыканкама. Пра тое, што рабіцца ў вобласці для таго, каб музей пісьменніка з'явіўся, - у нашай размове з начальнікам гэтага ўпраўлення Андрэем Кунцэвічам.

- Ідэя стварэння музея нашага славутага земляка абмяркоўваецца даўно. Таму сімвалічна, што менавіта ў Год культуры прынята канчатковае рашэнне зрабіць у Глушы музей, прысвечаны гэтаму геніяльнаму пісьменніку. Рахунак створаны, мы выкарыстоўваем любую нагоду, каб давесці да людзей інфармацыю на гэты конт. На сайтах Магілёўскага аблвыканкама і Бабруйскага райвыканкама размешчаны банеры з заклікам падтрымаць агульную справу.

- Наколькі актыўна адгукаюцца на прапанову папоўніць рахунак? Хто яго асноўныя ўкладчыкі?

- Адразу ж пасля адкрыцця разліковага рахунку работнікі культуры Магілёўскай вобласці рэалізавалі некалькі ініцыятыў з мэтай папоўніць агульную скарбонку. Пэўную суму пералічыла на яго Цэнтралізаваная бібліятэчная сетка Бабруйскага раёна. Сюды ж накіраваны ўсе сродкі ад рэалізацыі білетаў на канцэрт творчых калектываў Бабруйскага раёна, які адбыўся ў рамках фестывалю «Народныя таленты Магілёўшчыны». Такія ініцыятывы, я ўпэўнены, будуць рэалізоўвацца і далей. У вобласці шмат чаго робіцца для прапаганды спадчыны славутых ураджэнцаў. Неўзабаве ўбачыць свет альбом «Спірыдон Собаль і вытокі магілёўскага кнігадруку». Нядаўна ў Магілёве ўспаміналі творчасць вядомага нашага земляка кінарэжысёра Віктара Турава, у кінатэатрах ішлі паказы яго фільмаў, адбываліся творчыя сустрэчы. Дарэчы, менавіта Віктар Тураў экранізаваў знакамітую дылогію Алеся Адамовіча «Вайна пад стрэхамі» і «Сыны ідуць у бой». Разам з Магілёўскім кінавідэапракатам мы абгаворым магчымасць правядзення тыдня фільмаў па творах Алеся Адамовіча. Актыўна прапагандуе творчасць пісьменніка абласная бібліятэка імя Леніна. У наступным годзе мы будзем адзначаць 90-гадовы юбілей пісьменніка, і там рыхтуецца шэраг звязаных з гэтай датай мерапрыемстваў.

- На сённяшні дзень на стварэнне музея сабрана ўсяго каля 900 рублёў новымі грашыма. Калі справа і далей так пойдзе, то яго адкрыццё можа зацягнуцца на гады.

- З самага пачатку гэты праект быў заяўлены, як прыклад дзяржаўна-прыватнага партнёрства. Грамадства таксама павінна паказаць, што зацікаўлена ў стварэнні гэтага музея. У свой час было шмат размоў вакол адкрыцця разліковага рахунку. Маўляў, вы толькі адкрыйце - і спонсары знойдуцца. Аднак, калі з'явіўся шанц на справе здзейсніць свае абяцанні, некаторыя «ініцыятары» паспяшаліся сысці ў цень. У гэтай справе не мае значэння, хто колькі пералічыў грошай. Галоўнае, не застацца ўбаку. Зараз ёсць рэальная магчымасць даказаць, што гэты музей усім нам патрэбны.

- Магчыма, справе перашкаджае тое, што няма так званага назіральнага савета? Ці магчыма стварэнне яго пры галоўным упраўленні ідэалагічнай работы, культуры і па справах моладзі Магілёўскага аблвыканкама?

- Тое, што такі грамадскі орган патрэбны, лічу добрай ідэяй, але наўрад ці ён павінен быць пры нашым упраўленні. Мы гатовы дэлегаваць у гэты савет свайго супрацоўніка. Я таксама буду дапамагаць савету, удзельнічаць у яго рабоце.

- На думку спецыялістаў, на праектна-каштарысную дакументацыю спатрэбіцца каля 12 000 сучасных рублёў. Што будзе зроблена, калі гэта сума акумулюецца на рахунку?

- Як толькі гэтыя сродкі паступяць на разліковы рахунак, Бабруйскі райвыканкам будзе мець усе падставы, каб аб'явіць конкурс на правядзенне гэтых работ. Напэўна, распрацоўка праектна-каштарыснай дакументацыі і будзе той самай першай канкрэтнай справай, вакол якой згуртуюцца ўсе тыя, хто зацікаўлены ў стварэнні музея.

А мы нагадваем: дабрачынны рахунак для збору сродкаў на рэканструкцыю будынка пад музей Алеся Адамовіча адкрыты пры аддзеле ідэалагічнай работы, культуры і па справах моладзі Бабруйскага райвыканкама, р/р 3642129272326 у філіяле 703 ААТ «ААБ Беларусбанк», код 760 г. Бабруйск, УНП 701226324. Прызначэнне плацяжу «Для вырабу праектна-каштарыснай дакументацыі і рэканструкцыі будынка ў пасёлку Глуша пад музей А. Адамовіча».

«Звязда»

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

20.02.2017 - 08:33 | Мнение: «Поднять «Могилевдрев»

Первое, что бросилось в глаза на «Могилевдреве» , — идеальный порядок на территории и в цехах. Все на своих местах, все заняты делом — ни одного праздношатающегося в коридорах и укромных цеховых «закоулках». Чувствовалось, что предприятие работало в строгом и четком ритме.

17.02.2017 - 15:35 | Снопков: по декрету №3 решения должны приниматься с максимальным учетом жизненной ситуации каждого

По декрету №3 решения должны приниматься с максимальным учетом жизненной ситуации каждого.

16.02.2017 - 12:16 | Бабруйскія ратавальнікі і іх прафесійны прывід

Бабруйск — горад асаблівы, гэта адзначалі яшчэ ў сваім славутым «Залатым цяляці» Ільф і Пятроў. Нават ратавальнікі тут не зусім падобныя на іншых — кіно здымаюць, карціны збіраюць і нават маюць свой прафесійны прывід. Кажуць, што як толькі ён з'явіўся, парадку стала больш.

15.02.2017 - 09:00 | Каго ў Магілёве вызваляюць ад падатку на ўтрыманства?

Да 20 лютага грамадзяне, якія пазалетась адпрацавалі меней за 183 дні, павінны кампенсаваць дзяржаве фінансавыя выдаткі. Гэта дата агаворваецца ў змяненнях да Дэкрэта №3 «Аб папярэджанні сацыяльнага ўтрыманства», якія ўступілі ў дзеянне сёлета 12 студзеня.

10.02.2017 - 18:05 | Андрей Кунцевич: новые вызовы требуют от идеологического актива нестандартных решений

Приоритетом в совершенствовании идеологической работы в Могилевской области должна быть системная работа по подготовке и повышению квалификации идеологических кадров, заявил сегодня на итоговой коллегии главного управления идеологической работы, культуры и по делам молодежи Могилевского облисполк

 
Работа с обращениями граждан и юридических лиц
Электронные обращения