Рус Бел Eng 中文

Раёнай газеце «Асiповiцкi край» - 80 год

Раёнай газеце «Асiповiцкi край» - 80 год. По словах галоўнага рэдактара Віталя Кулакова, ў жыцці выдання за мінулую пяцігодку шмат чаго адбылося. Найперш газета двойчы “патаўсцела”: з ліпеня 2006 года рэдакцыя павялічыла тыднёвы аб’ём газетнай плошчы з 12 да 16, а са студзеня 2009 года і да 20 палос. Прычым падпісчыкі і тыя, хто набывае “раёнку” ў кіёсках “Магілёўсаюздруку”, практычна не адчулі розніцы ў цане ранейшага і цяперашняга выдання.

«У жніўні 2008 года калектыў выйшаў на поўную самаакупнасць і з таго часу не бярэ ні капейкі з мясцовага бюджэту, зарабляючы на жыццё самастойна, - адзначыў Віталь Кулакоў. - Нашы фінансава-гаспадарчыя паказчыкі і зараз адны з лепшых сярод калег Магілёўшчыны, і наяўнасць свабодных грашовых сродкаў дазволіла мэтанакіравана развівацца, абнавіць матэрыяльна-тэхнічную базу рэдакцыі: набылі спецаўтамабіль, прыдбалі новыя камп’ютары, колькі “лічбавікоў”, дыктафонаў і ламінатар, стварылі і ўласнымі сіламі абслугоўваем сайт газеты”.

Прыемна і тое, што супрацоўнікі “АК” паралельна растуць і як творчыя асобы: рэгулярныя станоўчыя вынікі ў розных абласных і рэспубліканскіх конкурсах СМІ — пераканаўчае таму пацвярджэнне.

Адзін у полі не воін, і рост тыражу выдання — важны шлях далейшага развіцця ўстановы. За пяцігодку газету стала чытаць амаль на паўтары тысячы чалавек больш. “Сёння “Асіповіцкі край” — гэта грамадска-палітычная газета, на старонках якой - паўсядзённае жыццё рэгіёна, надзейны партнёр органаў дзяржкіравання і адкрытая трыбуна для агучвання грамадскай думкі, верны сябар чытача, здольны і гатовы прыйсці на дапамогу як асобнаму чалавеку, так і наогул суб’екту гаспадарання, - падкрэсліў Віталь Кулакоў. - Пра гэта мы пастаянна памятаем і гэтым кіруемся ў сваёй дзейнасці”.

При использовании материалов активная гиперссылка на mogilev-region.gov.by обязательна