Вверх

Вы здесь

Асіповіцкая чыгунка: праз прызму часу

Ідэя стварэння макета Астовіцкага чыгуначнага вузла ўзнікла даўно, але да яе рэалізацьп прыступілі толькі летась. Творчая каманда іфармацыйна-вылічальнага цэнтра вузла ў складзе вядучага іжынера-электроніка Алега Савіна, іжынера-праграміста Наталлі Доўнар, спецыяліста Віталія Савіна i электрамеханіка Уладзіміра Гідуляна, працуючы ў свабодны ад асноўнай работы час, да Дня чыгуначніка стварыла ўнікальны твор. Пасля вялікай папярэдняй работы (вывучэнне спадарожжкавай здымкі, дакладных вымярэнняў, падбору адпаведнага маштабу) быў падрыхтаваны макет, які здзіўляе ўcix наведвальнікаў пакоя гісторыі чыгуначнага вузла.

На стэндавым стале размешчаны не толью дакладныя копіі ўcix пабудоў вузла, але i перададзена правільнае размяшчэнне чыгуначных пуцей са стрэлачнымі переводамі, апор ліній электраперадачы, газонаў, перона, дрэў, агароджы i г.д. Як належыць інжынерам, канкрэтна размеркавалі абавязкі. Напрыклад, Наталля на час ператварылася ў «ландшафтнага дызайнера» - яна стварала макеты дрэў i іншай расліннасці, імкнучыся перадаць асаблівасці пароды, канфігурацыю кроны, - усё, як у рэчаіснасці.

Мужчынская частка творчай трупы, выкарыстоўваючы інтэрактыўныя тэхналогіі, выконвала макеты будынкаў, якія таксама ад сапраўдных не адрозніш: той жа колер, колькасць акон i дзвярэй, адпаведнае месца знаходжання.

Стэндавы стол для макета выраблены па індывідуальным заказе ў прыватным унітарным прадпрыемстве «Тандэм», друкам камплектуючых займаўся індывідуальны прадпрымальнік Дзмітрый Каляда. «Прадукт цалкам асіповіцкі, адзначае кіраўнік праекта Алег Савін, - прычым аналагінага ў краіне няма».

Мадэлісты вырашылі «ўдыхнуць жыццё» ў сваё тварэнне. Яны пусцілі па пуцях амаль што сапраўдны чыгуначны састаў, толькі ўсё з тым жа маштабам 1: 120-ТТ. Улічылі i тое, што Асіповіцкі вузел не мае ніводнага кальца, а цягнічок неабходна вярнуць на станцыю. Таму кальцо давялося зымітаваць: унутры стала абсталявалі тунэль, які дазваляе саставу пасля кожнага «рэйса» прыбываць назад.

Трэба адзначыць, што ў пакоі гісторыі нямала i іншых цікавых экспанатаў. Мадэль паравоза Чарапанавых, прылады працы i форменнае адзенне чыгуначнікаў розных гадоў, ліхтары, сродкі сігналізацыі i сувязі. Сабраны багаты дакументальны матэрыял, захоўваюцца рапарты, дакладныя запіскі, працоўныя кніжкі, першы зборнік правіл тэхнічнай эксплуатацыі, калекцыя медалёў i чыгуначных знакаў...

Кожнаму чыгуначнаму прадпрыемству прысвечана тут асобная экспазіцыя. Экспанаты, фотаматэрыялы, інфармацыю збіралі па крупінках, каб затым прадставіць наведвальнікам - вось яна, чыгунка, праз прызму часу.

Адсочваюцца ў музейных залах усе этапы гісторыі: дарэвалюцыйны час, першыя гады новай дзяржавы, удзел чыгуначнікаў у Вялікай Айчыннай вайне - iм прысвечана Зорка памяці, - i ўзнаўлення народнай гаспадаркі, расказваецца пра жыццё вузла пасля набыцця краінай незалежнасці.

Удасканальвалася канструкцыя вагонаў i лакаматываў, змяняўся ix вонкавы выгляд. Mногіх ужо няма i ў паміне, а вось шыльдачкі з назвамі заводаў-вытворцаў захаваліся. Вялікія Лукі, Крукаў, Ленінград, Днепра- дзяржынск, вытворцы з Венгрыі, Польшчы, Германіі...

Побач з экспанатамі мінулага арганічна ўпісалася i сучасная прылада: шматфункцыянальны мультымедыйны інфармацыйна-даведачны тэрмінал, з дапамогай якога можна атрымаць любую інфармацыю аб дзейнасці чыгуначных прадпрыемстваў на працягу ўсёй гісторыі, пачынаючы з 1872 года i па сённяшні дзень.

Пакой гісторыі карыстаецца попытам не толью сярод мясцовых чыгуначнкаў i ветэранаў працы, часта наведваюцца сюды школьнікі i моладзь, якая толькі выбірае будучую прафесію. Можа хтосьці захоча стаць прадаўжальнікам слаўнай справы?

Газеты “Асіповіцкі край”, Іна Заскевіч

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «история»:

18.01.2017 - 10:07 | Студенты и преподаватели МГУ имени Кулешова сняли документальный фильм о концлагере

Документальный фильм «Танго жизни» студенты и преподаватели Могилевского университета имени Кулешова снимали почти 10 лет. Идея родилась еще раньше - 25 лет назад, когда руководитель работающей при вузе творческой студии «Взгляд» Михаил Ганин в одном из советских журналов прочел о загадочном преступлении в Аргентине.

17.01.2017 - 11:34 | У «Музеі гісторыі Магілёва» 25 студзеня адкрыецца ўнікальная экспазіцыя «Невядомы Магілёў. Выстава фотаздымкаў 1941- 44 гг.»

У музеі гісторыі Магілёва 25 студзеня ў 17.00 адкрыецца ўнікальная экспазіцыя «Невядомы Магілёў. Выстава фотаздымкаў 1941-44 гг.». Пра гэта карэспандэнту сайта паведаміў дырэктар установы культуры Аляксей Бацюкоў.

13.01.2017 - 14:43 | Святитель Георгий Конисский: за веру и Отечество

В 2017 году отмечается 300-летие со дня рождения Георгия Конисского. Эта знаменательная дата привлекает повышенное внимание к жизни и деятельности Святителя, его научным и литературным трудам.

11.01.2017 - 09:43 | В деревне Глухи Быховского района восстанавливают историю храма

О том, что когда-то село Глухи имело свою деревянную церковь, мы узнали из фото в нашем школьном музее. Храм стоял на улице Мельникова, старики до сих пор называют ее - Церковище.

06.01.2017 - 10:53 | Православные верующие 7 января отмечают великий христианский праздник - Рождество Христово

Православные верующие сегодня отмечают великий христианский праздник - Рождество Христово. Святые отцы в своих писаниях именуют Рождество Иисуса Христа началом и основанием для прочих праздников.

 
Работа с обращениями граждан и юридических лиц
Электронные обращения