Рус Бел Eng 中文

Больш за 500 дзяцей плануецца аздаравіць на базе адпачынку “Космас” у Шклоўскім раёне

У пяцідзесяты раз гасцінна расчыніла свае дзверы база адпачынку “Космас” у Шклоўскім раёне. Больш за 100 дзяўчынак і хлопчыкаў у першую змену будуць аздараўляцца ў наваколлі вёскі Уланава.

Падчас урачыстага адкрыцця юбілейнага сезона на флагштоку пад гукі Дзяржанага гімна быў падняты Дзяржаўны флаг Рэспублікі Беларусь. Камандзіры чатырох атрадаў здалі рапарты і далажылі аб гатоўнасці. Дзяцей, іх бацькоў і абслуговы персанал базы павіншаваў з пачаткам аздараўленчага сезона начальнік аддзела ідэалагічнай работы райвыканкама Аляксандр Давыдовіч і пажадаў ім добрага і змястоўнага адпачынку.

Пасля лінейкі адбыўся святочны канцэрт, які падрыхтавалі хлопчыкі і дзяўчынкі разам са сваімі выхавальнікамі. А ўвечары дзеці і дарослыя сабраліся вакол вогнішча, каб разам павадзіць карагоды і паспяваць.

Сёлета ў “Космасе” запланавана правесці чатыры змены і аздаравіць больш за 500 дзяцей.

Па матэрыяле раёнай газеты «Ударны фронт»

При использовании материалов активная гиперссылка на mogilev-region.gov.by обязательна