Рус Бел Eng 中文

Больш за 50 вернікаў прынялі ўдзел ў традыцыйным хрэсным ходзе ў гонар іконы Маці Божай Бялыніцкай

Раніцою 24 красавіка, у светлае свята Вялікадня і напярэдадні святкавання 135-годдзя з дня вяртання іконы Маці Божай Бялыніцкай праваслаўнай царкве, у Магілёўскім храме іконы Божай Маці “Усецарыца” прайшоў малебен. Пасля яго па бласлаўленні епіскапа Магілёўскага і Мсціслаўскага, уладыкі Сафронія распачаўся традыцыйны хрэсны ход у гонар іконы Маці Божай Бялыніцкай.

Сёлета ўдзел у ім прынялі больш за 50 вернікаў. Яны наведалі царкву святых апосталаў Пятра і Паўла ў аграгарадку Вішоў і ноччу прыбылі ў райцэнтр. Назаўтра ў мясцовым храме а дзявятай гадзіне раніцы распачалася святочная літургія. Вернікі паўдзельнічалі ў водасвятым малебне і хрэсным ходзе вакол царквы.

На здымку: епіскап Магілёўскі і Мсціслаўскі, уладыка Сафроній праводзіць святочную літургію ў храме ў гонар іконы Маці Божай Бялыніцкай. Удзел у літургіі прыняў і Веніямін, епіскап Барысаўскі; удзельнікі хрэснага ходу накіроўваюцца да царквы святых апосталаў Пятра і Паўла.

zara.by

При использовании материалов активная гиперссылка на mogilev-region.gov.by обязательна