Рус Бел Eng 中文

Быхаўская газета «Маяк Прыдняпроўя» атрымала Грамату Міністэрства абароны Рэспублікі Беларусь

Намесніку старшыні райвыканкама Вадзіму Рагавому, які ўзначальвае раённую прызыўную камісію, на мінулым тыдні двойчы даводзілася сустракацца з Міністрам абароны Рэспублікі Беларусь, генерал-лейтэнантам Юрыем Жадобіным.

Першы раз — на Палескім палігоне, дзе праходзіла тактыка-спецыяльнае вучэнне асабовага саставу дывізіёна 456-й ракетнай брыгады, дзе паспяхова служаць і юнакі з Быхаўшчыны. Другі —у Калоннай зале Дома афіцэраў Узброеных Сіл краіны, дзе, па традыцыі, напярэдадні Дня абаронцаў Айчыны падводзілі вынікі штогадовага творчага конкурсу на лепшае асвятленне ў СМІ пытанняў будаўніцтва і развіцця беларускай арміі, патрыятычнага выхавання насельніцтва. Сюды на ўганараванне пераможцаў ён прыехаў з галоўным рэдактарам раённай газеты «Маяк Прыдняпроўя» Міколам Леўчанкам, каб атрымаць Грамату за праробленную работу па вызначынымі ўмовамі конкурсу напрамках, прадстаўлены на яго аб’ёмны цыкл публікацый.

Уручаючы Грамату генерал-лейтэнант Юрый Жадобін выказаў падзяку кіраўніцтву Быхаўскага раёна, журналістам за цеснае, плённае супрацоўніцтва з вайскоўцамі, органамі тэрытарыяльнай абароны, актыўнае асвятленне гэтых працэсаў у друку.

«Маяк Прыдняпроўя»

При использовании материалов активная гиперссылка на mogilev-region.gov.by обязательна