Рус Бел Eng 中文

Чым сёння ганарыцца Глускі раён

Глускі край славуты сваімі лясамі - яны тут займаюць больш за палову тэрыторыі. А тутэйшыя землі багатыя выкапнямі ў выглядзе нафты, сапрапеляў, торфу, гліны. Ды і людзі тут жывуць руплівыя і адказныя, могуць працаваць якасна і творча. Як выкарыстоўваецца ўвесь гэты патэнцыял і чым сёння ганарыцца раён, «Звязда» пацікавілася ў старшыні Глускага райвыканкама Уладзіміра Царыкава.

- Сёння аднымі з прыярытэтных кірункаў нашай эканомікі з'яўляюцца мадэрнізацыя вытворчасці і стварэнне новых працоўных месцаў. Наколькі гэтым задачам адпавядаюць мясцовыя прадпрыемствы?

- Адно з прадпрыемстваў, якія стабільна працуюць, - Глускі лясгас, дзе працуе 424 чалавекі. За першае паўгоддзе лясгас выканаў усе даведзеныя вытворчыя паказчыкі і спрацаваў з прыбыткам, рэнтабельнасць рэалізаванай прадукцыі склала 10,4%. Болей за 40% ад агульнага аб'ёму прадукцыі было адпраўлена на экспарт. Мадэрнізуецца лесапільная вытворчасць. Ужо гатова памяшканне пад лесапільны цэх, пабудаваны навес для складавання піламатэрыялаў, вядзецца мантаж лініі лесапілавання. На новай вытворчасці будзе створана 10 новых працоўных месцаў. Яе запуск плануецца ўжо сёлета ў кастрычніку. З увядзеннем у дзеянне новай лініі лесапілавання прадпрыемства дадаткова зможа атрымліваць больш за Br230 тыс. экспартнай выручкі ў месяц.

Гэта ж прадпрыемства развівае экатурызм і распрацоўвае экамаршруты. Сёлета на тэрыторыі Глускага лясгаса іх было створана 3 - веласіпедна-пешаходны «Дакольскія краявіды» і 2 аўтамабільна-пешаходныя па паляўнічых угоддзях з магчымасцю пражывання ў паляўнічым доміку ў вёсцы Даколь. Плюс маршрут «Старажытная гісторыя і сучаснасць Глускага раёна».

Лясгас надае вялікую ўвагу не толькі абнаўленню матэрыяльнай базы, а яшчэ вучобе і абнаўленню кадраў. Сёлета ён выдаў тры мэтавыя накіраванні ў вышэйшыя навучальныя ўстановы і два - на вучобу ў тэхнікумы ляснога профілю.

- Напэўна, ёсць і прыклады паспяховай інвестыцыйнай дзейнасці? Як бізнес супрацоўнічае ў такіх выпадках з уладай?

- Тры гады таму таварыству з абмежаванай адказнасцю «Свінакомплекс «Поблінскі» былі бязвыплатна перададзены напаўразбураныя будынкі былога свінарніка ў вёсцы Поблін для рэалізацыі інвестыцыйнага праекта па арганізацыі вытворчасці мяса. На працягу года будынкі былі адноўлены, з Даніі завезены 60 свінаматак. У цяперашні час тут размешчаныя 2 тыс. галоў свіней.

Для пашырэння вытворчасці летась таварыству быў перададзены яшчэ адзін паўразбураны будынак. У ліпені завершаны работы па яго аднаўленні і мантажы аўтаматызаванай лініі для кармлення жывёлы. У жніўні там ужо размясцілі 600 галоў свіней. Завяршаецца мантаж другой камбікормавай устаноўкі для падрыхтоўкі корму.

Штомесяц на мясакамбінаты Беларусі таварыства адгружае да 30 т свіней у жывой вазе.

Мэта таварыства - зрабіць поўны цыкл вытворчасці свініны, ад вырошчвання да перапрацоўкі.

- А ёсць прыклады супрацоўніцтва з іншымі краінамі? Як бы вы ахарактарызавалі экспартную дзейнасць?

- Наша сялянска-фермерская гаспадарка «Даколь-Агра» адгружае сваю агароднінную прадукцыю і на расійскі рынак. Яе ахвотна бяруць крамы «Еўраопта», Глускай і Бабруйскай райспажыўкааперацыі. Гаспадарка створана пяць гадоў таму і за час свайго існавання павялічыла пасяўныя плошчы з 10 гектараў да 215, а аб'ёмы вытворчасці агародніннай прадукцыі - з 300 т да 3 тыс. т. У 2013 і 2014 гадах фермер пабудаваў два сховішчы для агародніны на 2,1 тыс. т і 1 тыс. т. А ў сувязі з планамі па росце аб'ёмаў вытворчасці агародніны да 5200 тон плануе пабудаваць і трэцяе сховішча для агародніны з устаноўкай холадазабеспячэння. У перспектывах таксама будаўніцтва цэха перапрацоўкі, закупка перапрацоўчага і пакавальнага абсталявання. Бізнесмен бярэ на ўзбраенне вопыт вядучых еўрапейскіх вытворцаў. Калі купляў камбайн «Аса Ліфт» для ўборкі, спецыяльна з'ездзіў у Данію, дзе вырабляюць тэхніку, і папрасіў унесці карэктывы ў канструкцыю некаторых вузлоў для таго, каб можна было прыстасаваць тэхніку пад глускія землі. Фірма ўсё ўлічыла, і вось ужо пяты сезон гэта тэхніка працуе на палях фермера.

Нэлі Зігуля, «Звязда»

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

11.10.2018 - 17:02 | V Форуме регионов: Стратегию инновационного развития необходимо разработать в Союзном государстве – Александр Шумилин

Необходимо разработать и реализовать стратегию инновационного развития Союзного государства, чтобы противостоять глобальным экономическим вызовам и занять достойное место на мировом рынке.

11.10.2018 - 12:49 | Владимир Пантюхов: перевод экономики Беларуси и России в «цифру» - вопрос экономической безопасности

Перевод экономики Беларуси и России в «цифру» не просто модный тренд - это вопрос экономической безопасности.

11.10.2018 - 12:45 | V Форум регионов: Развитие инноваций в животноводстве укрепит продбезопасность СГ - Леонид Заяц

Развитие инноваций в животноводстве укрепит экономическую и продовольственную безопасность Союзного государства.

11.10.2018 - 08:30 | Замгенсекретаря ООН Владимир Воронков побывал на малой родине в Шкловском районе

Беларусь - исключительно красивая часть земного шара. Такое мнение в интервью телеканалу «Беларусь 1» высказал заместитель Генерального секретаря - глава контртеррористического управления ООН Владимир Воронков.

28.09.2018 - 13:47 | Сотрудничество союзов женщин Могилевской и Тульской областей способствует укреплению Союзного государства - Лидия Ермошина

Сотрудничество союзов женщин Могилевской и Тульской областей способствует укреплению Союзного государства. На это обратила внимание член Президиума ОО «Белорусский союз женщин», председатель Центральной комиссии Беларуси по выборам и проведению республиканских референдумов Лидия Ермошина, выступая сегодня на совместном заседании союзов женщин Могилевской и Тульской областей в Могилеве.