Рус Бел Eng 中文

Да 70-годдзя гераічнай абароны Магілёва абласная бібліятэка падрыхтавала спецыяльныя метадычныя парады

У ліпені жыхары абласнога цэнтра будуць адзначаць 70-годдзе гераічнай абароны Магілёва. Гэтай знамянальнай даце ў гісторыі горада прысвечаны метадычныя парады "Абарона Магілёва – першы веснік Перамогі", складзеныя аддзелам маркетынгу і бібліятэказнаўчай работы абласной бібліятэкі ім. У.І.Леніна.

Выданне змяшчае метадычныя рэкамендацыі па арганізацыі нагляднай, масавай работы бібліятэк: план кніжнай выставы "Магілёўская бітва 1941", агляд літаратуры "Абарона Магілёва: старонкі гісторыі", матэрыялы да правядзення ваенна-гістарычнай віктарыны "Дняпроўскі бастыён", тэкставыя матэрыялы ў дапамогу правядзення мерапрыемстваў (звесткі пра ўдзельнікаў абароны, кіраўнікоў народнага апалчэння, выказванні).

Да метадычных парад маецца дадатак на DVD-дыску, які ўключае сцэнарыі масавых мерапрыемстваў з мультымедыйнымі прэзентацыямі да іх: гістарычны хранограф "Магілёў: дні абароны – гады памяці", віртуальная экскурсія "Дняпроўскі рубеж: па месцах гераічнай абароны", інфармацыйная гадзіна "Абарона Магілёва ў святле новых дакументальных крыніц", электронны альбом "Магілёў: дні абароны – гады памяці", падборку вершаў аб гераічнай абароне Магілёва.

“Час засыпае не толькі рвы і акопы мінулай вайны, на жаль, ён сцірае многае ў людской памяці, падвяргаючы забыццю здзейсненае старэйшымі пакаленнямі, - адзначылі супрацоўнікі бібліятэкі. - З кожным годам усё далей у мінулае сыходзяць падзеі таго трагічнага лета, забываюцца імёны арганізатараў і герояў абароны Магілёва. Метадычныя рэкамендацыі з электронным дадаткам дапамогуць дакладна і праўдзіва расказаць пра гераічную абарону ў ліпені 1941 года, будуць карысныя бібліятэчным работнікам, настаўнікам, педагогам-арганізатарам, выхавальнікам, работнікам устаноў культуры, усім зацікаўленым у правядзенні мерапрыемстваў па патрыятычнаму выхаванню падрастаючага пакалення”.

При использовании материалов активная гиперссылка на mogilev-region.gov.by обязательна