Вверх

Вы здесь

Дэпутат Яўген Драздоў: «Раней за справамі… людзей не заўважаў!»

Асноўнае месца працы Яўгена Драздова - дырэктар УКБ Магілёўскага райвыканкама. Гэта не без яго ўдзелу ў Магілёўскім раёне будуюцца дамы, паляпшаецца стан дарог і з’яўляюцца інжынерныя сеткі. А з нядаўніх часоў ён яшчэ і дэпутат Вяйнянскага сельскага Савета. Раней гадзін у сутках не хапала, а цяпер і наогул іх перастаў лічыць. Працоўны дзень пачынаецца а 7-й раніцы. А вось заканчваецца… як атрымаецца.

- Дапамагаць людзям - маё хобі. Я ўсё жыццё гэтым, па сутнасці, і займаюся, - смяецца ён.

Пра сябе расказвае неахвотна. Што ў яго лёсе цікавага? Нарадзіўся ў вёсцы Зароўцы Шклоўскага раёна. З двух братоў ён старэйшы. Розніца ў гадах невялікая, але ўжо з дзяцінства прывык несці адказнасць за іншых. Добры вопыт набыў, працуючы на гіганце хімічнай прамысловасці «Магілёўхімвалакно». Апошнія 14 гадоў кіруе УКБ Магілёўскага райвыканкама. І вельмі ганарыцца, што іх прадпрыемства ўваходзіць у шасцёрку тых з 27 абласных УКБ, якія маюць права выконваць дзяржзаказы.

Сямейным жыццём задаволены - у яго два сыны, 4 унукаў. Вось толькі са здароўем праблемы: год таму застаўся без нагі. Нават для такога моцнага духам чалавека, як Яўген Ягоравіч, гэта быў шок. Толькі людзі і не далі ўпасці ў адчай. Верылі, што ён мужны чалавек, справіцца. Ён і спраўляецца. Часам сцяўшы зубы. Выхадных, лічы, няма. Па буднях трэба выконваць прафесійныя абавязкі, а па выхадных дэпутацкія справы не даюць сумаваць.

А ўмовы, як у горадзе

Дэпутацкія і прафесійныя справы вельмі пераклікаюцца. Людзі звяртаюцца просяць падвесці газ, зрабіць дарогу, забяспечыць вадой. Гэтым Яўген Драздоў займаўся і да свайго дэпутацтва, але цяпер імкнецца арыентавацца на пажаданні грамадзян.

Магілёўскі раён - цэнтральны, праблем з ахвотнікамі будавацца тут няма. Некаторыя зямельныя ўчасткі каштуюць да 155-200 мільёнаў рублёў. У такіх населеных пунктах, як Усход, Вейна, Кадзіна, Раманавічы, Мяжысеткі, Палыкавічы поўным ходам узводзяцца шматпавярховыя дамы, развіваецца інфраструктура. Людзі ахвотна едуць сюды на пастаяннае месца жыхарства, бо тут ёсць не толькі жыллё, але і праца. Да таго ж, побач прырода.

- У нас распрацаваны вялікія кварталы забудовы ў Мікалаеўцы, Жукаве, Старым і Новым Пашкавых, Сумарокаве, - кажа Яўген Драздоў. - Гэтыя аграгарадкі з’яўляюцца так званымі спадарожнікамі абласнога цэнтра. Жыццё тут ідзе поўным ходам. У адрозненне ад іншых вёсак, дзе добра калі ёсць хоць адна ферма. Адтуль, наадварот, ідзе адток насельніцтва. Як, напрыклад, з вёскі Махава. У такіх зносім старыя дамы, якія гадамі стаяць пустыя. А ўчасткі аддаём гаспадаркам, якія вырошчваюць на іх ураджай…

Праца як стымул

- Без працы я сумую, - прызнаецца Яўген Ягоравіч. - Нехта чакае выхадных, а я сабе месца дома не знаходжу. Саджуся ў свой «фальксваген-пола» 1997 года выпуску з ручным кіраваннем і еду па аб’ектах. А іх у нас шмат. У снежні будзем здаваць у Вейне 40-кватэрны жылы дом. Мы тут ужо пабудавалі цэлую вуліцу чатырох- і пяціпавярховых дамоў пад назвай Вясенняя. Шмат чаго зроблена па добраўпарадкаванні. У пасёлку Губанава, напрыклад, раней без гумавых ботаў было не прайсці. А цяпер ніякіх праблем. Шмат чаго робім для таго, каб у насельніцтва раёна была «гарадская» вада. Ушчыльную працуем з Гарвадаканалам - гэта дазваляе абыходзіцца без паслуг жылкамгасаў і эканоміць бюджэтныя сродкі. Улік гарадской вады вядзецца цэнтралізавана, і яе якасць на парадак вышэйшая, бо тут іншая ступень ачысткі.

…І крыху псіхолаг

- Сёлета жыхары Вейна скардзіліся ў аблвыканкам на дрэнны экалагічны стан. Маўляў, прадпрыемствы СЭЗ «Магілёў» парушаюць нормы, забруджваюць паветра і вадаём.

- Было такое. На прадпрыемстве ўзніклі праблемы з тэхналагічным абсталяваннем. Але зараз усё знаходзіцца пад кантролем. Абстаноўку адсочваюць экалагічная і санітарная службы. А ўсё адбылося таму, што, калі будавалі прадпрыемства, «пад сякеру» пайшлі дрэвы санітарна-ахоўнай зоны. Цяпер гэтая паласа аднаўляецца, высаджваюцца новыя дрэвы. Сёння скаргаў не паступае.

- Што для вас быць дэпутатам?

- Гэта сувязь з людзьмі. Я ад гэтага атрымліваю асалоду. Вось прыехаў я, напрыклад, на будоўлю, зрабіў, што трэба, і паехаў. З рабочымі мне не абавязкова было б сустракацца. Я не ведаў бы іх думак, пажаданняў. А гэта таксама важна, гэта дае магчымасць паглядзець на жыццё і на тое, што ты робіш, збоку.

- Некаторыя дэпутаты пры першых цяжкасцях апускаюць рукі.

- Калі цябе выбралі, ты павінен людзям служыць. Зразумела, не ўсё так проста. Але трэба сказаць чалавеку: я зрабіў тое і гэта, адны адмовілі, а іншыя прапанавалі вось што. Трэба пакруціцца. Галоўнае - быць сумленным. І пра сітуацыю ў краіне трэба расказваць, і пра цяжкасці. Некаторыя людзі не разумеюць, што мы ўжо не ў Савецкім Саюзе жывём, што трэба нешта рабіць і самім, а не патрабаваць ад дзяржавы. У любым выпадку чалавек павінен пайсці ад цябе, усвядоміўшы, што ты для яго ўжо нешта зрабіў. Трэба быць крыху псіхолагам.

Да дэпутацтва ў мяне была задача дапамагаць прадпрыемствам, калгасам. А цяпер хочацца дапамагаць канкрэтным людзям, прымаць удзел у вырашэнні іх праблем. Мне гэта падабаецца. Я з працы еду, пад’язджаю да сельсавета, цікаўлюся, як справы, як дзень прайшоў, якія праблемы, пытанні. Са старшынёй Вяйнянскага сельсавета Святланай Сцішанковай працуем рука аб руку ў вырашэнні ўсіх пытанняў - і па навядзенні парадку, і па могілках, і па дарогах. І нам ёсць што паказаць, ёсць чаму ў нас павучыцца.

“Звязда”

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

06.12.2017 - 15:27 | Кооперация позволяет предприятиям достичь высокой эффективности производства - Руслан Страхар

На современном этапе развития кооперация представляет собой действенный и современный метод, позволяющий предприятиям достичь высокой эффективности производства благодаря рациональному использованию установленных мощностей и имеющихся ресурсов. Такое мнение высказал сегодня на межрегиональной конференции «Кооперация производства, бизнеса и науки в промышленности: успехи, проблемы, перспективы» председатель комитета экономики Могилевского облисполкома Руслан Страхар.

13.11.2017 - 10:03 | Повышать престиж науки и образования нужно за счет экономического стимулирования ученых - мнение

Повышать престиж науки и образования нужно в том числе за счет экономического стимулирования ученых с учетом их эффективности. Такое мнение высказал корреспонденту делегат II Съезда ученых Беларуси, заведующий кафедрой «Безопасность жизнедеятельности» доцент Белорусско-Российского университета Александр Щур.

04.11.2017 - 09:26 | Приемы граждан министрами помогают действенно решать наболевшие вопросы - мнение

Приемы граждан министрами помогают действенно решать наболевшие вопросы. Такое мнение высказали супруги Непес и Ольга после приема, который провел в Совете Министров руководитель Министерства здравоохранения Валерий Малашко.

26.10.2017 - 09:17 | Фестиваль национальной драматургии им. В.Дунина-Марцинкевича будет содействовать открытию новых имен - Ирина Дрига

Республиканский фестиваль национальной драматургии им. В.Дунина-Марцинкевича будет содействовать открытию новых имен, сообщила на пресс-конференции первый заместитель министра культуры Беларуси Ирина Дрига.

25.10.2017 - 16:37 | Презентации регионов Беларуси в России способствуют росту товарооборота между странами - дипломат

Комплексные презентации регионов Беларуси в России способствуют росту товарооборота между странами.

Рубрики

Работа с обращениями граждан и юридических лиц
Электронные обращения