Рус Бел Eng 中文

Дзе Лахва ўпадае ў Дняпро

Сёлетні, 2014 год, аб’яўлены ў Беларусі Годам гасціннасці з мэтаю выхавання ў грамадзян патрыятычнага гонару і павагі да Айчыны, яе прыродных, гістарычных і культурных багаццяў, выкарыстання турыстычных магчымасцей, павышэння іміджу і прывабнасці краіны.

У пэўнай ступені гэтаму, і далёка не толькі па назве, адпавядае дзейнасць аграсядзібы “Гасцінны двор”, што размешчана ў вёсцы Залахвенне нашага раёна. Слова “гасцінны” для яе гаспадара Міхаіла Дудзікава  азначае, у першую чаргу, стыль і дух ягонага прадпрымальніцтва, якое заснавана і грунтуецца менавіта на ветлівасці, дабразычлівасці, павазе да кліентаў.

— Мая сядзіба размешчана ў маляўнічым кутку Быхаўшчыны, паблізу ракі Днепр, дзе маюцца шматлікія магчымасці для арганізацыі сапраўднага вясковага ды экалагічнага турызму, — распавядае Міхаіл Уладзіміравіч. — Прыродныя ўмовы месца, матэрыяльная база сядзібы дазваляюць задаволіць патрэбы адпачываючых самага рознага кшталту і густу: паляўнічыя, рыбалоўныя, спартыўныя, гастранамічныя, баўлення вольнага часу ды гэтак далей.

На шматлікіх сучасных зручнасцях, што маюцца ў “Гасцінным двары”, як наяўнасць абсталяваных пакояў, спадарожнікавага тэлебачання, высакахуткаснага Інтэрнэта, забеспячэння бытавымі электрычнымі і газавымі прыборамі, спыняцца асабліва не буду, а вось пра прыродна-экалагічную складаемую бізнесу раскажу. Яна тычыцца арганізацыі ў максімальнай ступені адпачынку на вольным паветры, у прыватнасці, рыбалкі з прапанаваннем лодак, снасцей для летняй і зімовай лоўлі, палявання на жывёл і “ціхага палявання”, правядзення застолляў у альтанцы ў садзе і навясной альтанцы на крутым беразе Дняпра з магчымасцямі прыгатавання шашлыкоў, барбекю, печанай рыбы, карыстання іншымі паслугамі.

Для аматараў актыўнага адпачынку прапануюцца спартыўныя аб’екты: пляцоўкі для пляжнага валейболу і футболу, лядовы каток з прадастаўленнем неабходнай амуніцыі.

Адчуць сябе бліжэй да вясковага побыту і прыроды дазволяць паслугі рускай лазні, прадукцыя цяплічнай гаспадаркі (агуркі, памідоры, перац, радзіс, буракі, зеляніна, вінаград шасці гатункаў ды іншае), сядзібнага падворку (куры, гусі, трусы, індакачкі), якую адпачываючыя могуць па жаданню выкарыстоўваць для прыгатавання страў.

Аграэкалагічны акцэнт маюць таксама адпачынак у памяшканнях, засланых свежаскошаным сенам з лугавых траў і кветак, начлег на спецыяльных травяных матрацах ці сенніках.

Яшчэ адным істотным пазітыўным момантам для арганізацыі прыёму гасцей, ужо ў духоўным плане, з’яўляецца тое, што непадалёку з аграсядзібаю “Гасцінны двор” размешчаны Свята-Узнясенскі жаночы манастыр, дзе знаходзіцца знакамітая цудадзейная праваслаўная святыня — Баркалабаўская ікона Божай Маці. Шмат хто з паломнікаў пасля доўгіх вандраванняў аддае перавагу адпачынку менавіта ў нас.

Трэба сказаць, што гаспадар сядзібы Міхаіл Дудзікаў разам са сваёю сям’ёю стараецца ў поўнай меры скарыстаць неаспрэчныя перавагі геаграфічнага, гістарычнага і прыроднага размяшчэння аграсядзібы.

Знаходжанне яе паблізу аўтадарогі рэспубліканскага значэння Р97 (Магілёў-Рагачоў) прываблівае сюды аўтааматараў, асабліва прыхільнікаў турыстычных падарожжаў з аўтапрычэпамі альбо аўтадомікамі, бо тут прадастаўляюцца добраўпарадкаваныя месцы з вадою, злівам, электрычнасцю для паркоўкі і адпачынку.

Сёлетняю вясною, а дакладней, з 1 па 11 мая ў “Гасцінным двары” адбылася іхняя сустрэча пад назваю “Караванінг-2014”, якая адкрыла летні сезон для гэтых аўтааматараў з Беларусі, Расіі, краін Балтыі, Украіны.

Ужо шмат год некалькі разоў за сезон на тэрыторыі аграсядзібы сустракаюцца аматары падарожжаў на матацыклах з розных краін СНД і Балтыі, якія бяруць удзел ў байк-фестывалях у Беларусі. Тады можна сустрэць байкераў, да прыкладу, з Вільнюса, Каўнаса, Адэсы, Масквы і нават… з Уладзівастока і Сахаліна.

Па меркаваннях Міхаіла Уладзіміравіча, будзе далей шырэй выкарыстоўвацца для прываблівання турыстаў такая акалічнасць, як размяшчэнне паблізу сядзібы рыбнай гаспадаркі “Лахва” і магчымасць частавання іх стравамі са свежай фарэлі, першы вопыт па чаму ўжо маецца. За годы свайго існавання “Гасцінны двор” прыняў у сябе ўжо тысячы турыстаў і адпачываючых, сярод якіх былі госці з Далёкага замежжа (ЗША, Іспанія, Італія, Венгрыя, іншыя краіны), суседніх краін (Польшча, Латвія, Літва, Эстонія, Расія, Украіна і г. д.).

Увогуле ў сям’і Дудзікавых, а сын Міхаіла Уладзіміравіча Яўген таксама адкрыў агратэрыторыю пад назваю “Сядзіба Дудзіка”, маюцца значныя планы на далейшае, і яны ўжо падмацаваны крэдытамі Аграпрамбанка, па павелічэнню напрамкаў і відаў дзейнасці, аб’ёмаў паслуг, удасканаленню матэрыяльнай базы сядзіб. Яны ўключаюць у сябе павелічэнне колькасці спальных месцаў шляхам будаўніцтва гасцінічнага дома на самым беразе Дняпра, абсталяванне залы для правядзення масавых мерапрыемстваў, новыя паслугі для навучання правілам рыбалкі рыбакоў-аматараў, стварэнне яшчэ лепшых умоў для актыўнага адпачынку самым шматлікім іхнім кліентам з ліку рыбаловаў і паляўнічых, закладка новага фруктовага садка, пашырэнне падсобнай гаспадаркі і шмат што іншае.

Ёсць, да прыкладу, у іх і такі, на першы погляд, зусім экзатычны праект, як арганізацыя паходаў за грыбамі і ягадамі на… ролікавых каньках, бо часткі падарожжаў да лесу і назад, а яны мусяць адбывацца па нядаўна пабудаванай шашы на вёску Касічы з выдатным асфальтавым пакрыццём, можна пераадолець такім чынам, уключаючым і элементы спецыяльнай спартыўнай падрыхтоўкі.

Як сказалі на развітанне гаспадары, аграэкасядзібы “Гасцінны двор” і “Сядзіба Дудзіка” гасцінна сустрэнуць, прытуляць ды абслужаць любога годнага госця з самымі рознымі інтарэсамі і запатрабаваннямі.

Мікалай Іваноў,”Маяк Прыдняпроўя”

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

26.04.2018 - 10:25 | Дмитрий Янков: консолидация общества - залог поступательного движения вперед во всех сферах

Консолидировать общество и все отрасли экономики, чтобы добиться поступательного и положительного движения вперед - один из основных посылов Послания Президента белорусскому народу и Национальному собранию.

28.03.2018 - 08:24 | Могилеву нужно активней работать по привлечению инвестиций – Михаил Мясникович

Могилеву нужно активней работать по привлечению инвестиций. Такое мнение высказал по итогам совещания членов Президиума Совета Республики, которое прошло в ОАО «Моготекс», председатель Совета Республики Михаил Мясникович.

21.03.2018 - 23:34 | Театральный форум «М@rt. контакт» стал символом творческого поиска - Василий Черник

Международный молодежный театральный форум «М@rt. контакт» стал символом настоящего творческого поиска и смелого художественного эксперимента. Об этом заявил сегодня на торжественном открытии мероприятия начальник главного управления культуры и аналитической работы Министерства культуры Беларуси Василий Черник.

05.03.2018 - 08:40 | Перспективы развития Могилевской области в наращивании инвестиционной активности – Виктор Некрашевич

Перспективы развития Могилевской области в наращивании инвестиционной активности, создании новых и модернизации действующих производств. Такое мнение высказал заместитель председателя Могилевского облисполкома Виктор Некрашевич, комментируя отчет правительства, Национального банка, облисполкомов и Минского горисполкома об итогах работы экономики за 2017 год и задачах по обеспечению устойчивого экономического роста.

23.02.2018 - 08:56 | Динара Алимбекова: мы готовились к этой эстафете и доказали, что лучшие

Спортсменка из Могилевской области Динара Алимбекова поделилась впечатлениями от выступления в эстафете, которая стала золотой для отечественных биатлонисток.