Рус Бел Eng 中文

Імкнёмся зрабіць горад утульным для кожнага

Сёлета споўніўся год, як Бабруйскі гарвыканкам узначаліў Андрэй Каваленка. Людзі неаднойчы адзначалі, што твар горада змяніўся ў лепшы бок. Бабруйск стаў больш чыстым, прыгожым, утульным. А калі мэр сеў на веласіпед, каб разам з інвалідамі-калясачнікамі праінспектаваць стан гарадскіх дарог, у інтэрнэце разгарнулася цэлая палеміка на гэты конт. Жыхарам імпануе, што іх граданачальнік дэманструе сваю адкрытасць для стасункаў і заклапочаны паляпшэннем умоў для пражывання гараджан. У тым ліку і з абмежаванымі магчымасцямі.

- Калі рабіць нейкія высновы, што найбольш значнае зроблена для бабруйчан за час вашага кіраўніцтва?

- Нядаўна справіла наваселле гарадская станцыя хуткай і неадкладнай медыцынскай дапамогі, адкрыта водалячэбніца ў гарадской паліклініцы №1, касметалагічны кабінет у цэнтральнай бальніцы, усталявана сучаснае абсталяванне ў шэрагу іншых медыцынскіх устаноў. Дзякуючы ўдасканаленню матэрыяльна-тэхнічнай базы, укараняюцца сучасныя метады дыягностыкі, лячэння і рэабілітацыі. Вядома, што найлепшы спосаб пазбегнуць захворвання - гэта яго прафілактыка. Сёлета пасля рэканструкцыі ўведзены ў дзеянне стадыён імя Пракапенкі, зала барацьбы ў дзіцячай юнацкай школе алімпійскага рэзерву №3. На вуліцы Лынькова пабудавана пляцоўка з вулічнымі трэнажорамі, а ў раёне Зорнага праезду створаны ўмовы для заняткаў варкаўтам. Жыллёвымі арганізацыямі адрамантавана звыш 700 дзіцячых, спартыўных і гаспадарчых пляцовак, зроблены рамонт некалькіх тысяч квадратных метраў асфальтабетоннага пакрыцця.

Мы імкнёмся зрабіць горад утульным для жыхароў, у тым ліку і для людзей з абмежаванымі магчымасцямі. І той самы веласіпедны аб’езд рабіўся дзеля таго, каб высветліць, якія існуюць недахопы. Наогул працы па паляпшэнні стану дарог, праездаў, аб’ектаў вонкавага добраўпарадкавання надаецца шмат увагі. Зроблены капрамонт вуліцы Чырвонаармейскай, часткова вуліц Ванцэці і Арджанікідзе. Паступова знешні выгляд горада мяняецца ў лепшы бок.

- Нельга не заўважыць узорную чысціню на вуліцах горада. Але смецце мала сабраць, яго яшчэ трэба перабраць, перапрацаваць. Што робіцца ў гэтым кірунку?

- Для паляпшэння экалагічнага стану і павелічэння аб’ёму здабывання другасных матэрыялаў на палігоне «Бабіна» ўведзена ў эксплуатацыю лінія сартавання адходаў магутнасцю 20 тысяч тон смецця ў год. Лінія набыта за сродкі ДУ «Аператар другасных матэрыяльных рэсурсаў» і каштуе болей чым 1,4 мільярда рублёў. Гэта абсталяванне дазволіла павялічыць колькасць здабывання матэрыяльных рэсурсаў на 80 тон у месяц. За кошт бюджэтных і ўласных сродкаў «Аператар» абнавіў свой аўтапарк для вывазу цвёрдых адходаў і набыў вялікую колькасць кантэйнераў для збору цвёрдых камунальных адходаў і другасных матэрыяльных рэсурсаў.

- Бабруйск, як гаворыцца ў бессмяротнай кнізе Ільфа і Пятрова «Залатое цяля», горад высокай культуры, куды імкнуліся «дзеці» лейтэнанта Шміта. Якія поспехі назіраюцца ў культурным плане?

- На шчасце, з той катэгорыяй насельніцтва, якая згадваецца ў рамане, у нас вялікай праблемы няма. У горадзе паспяхова працуе каардынацыйны савет па барацьбе са злачыннасцю, карупцыяй і наркаманіяй. А што датычыцца нашых поспехаў у культурным жыцці, то тут ёсць чым ганарыцца. Фестываль народнага мастацтва «Вянок дружбы», які з’яўляецца візітнай карткай горада, сабраў сёлета 18 краін-удзельніц. Гэта вельмі добры паказчык. Унікальны праект для прафесіяналаў - пленэр «Арт-Жыжаль» - дазволіў папоўніць фонды мастацкага музея работамі майстроў 18 краін. Мы ганарымся тым, што ў нашым горадзе працуе больш за 70 калектываў самадзейнай аматарскай творчасці са званнем «заслужаны», «народны», «узорны». Іх удзельнікі дэманструюць высокі ўзровень выканаўчага майстэрства і годна прадстаўляюць культуру горада на галоўных абласных і рэспубліканскіх мерапрыемствах. Дастаткова адзначыць, што аматарскі калектыў «Юнацтва» быў запрошаны для ўдзелу ў святочным канцэрце ў гонар інаўгурацыі Прэзідэнта Беларусі.

“Звязда”

 

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

26.04.2018 - 10:25 | Дмитрий Янков: консолидация общества - залог поступательного движения вперед во всех сферах

Консолидировать общество и все отрасли экономики, чтобы добиться поступательного и положительного движения вперед - один из основных посылов Послания Президента белорусскому народу и Национальному собранию.

28.03.2018 - 08:24 | Могилеву нужно активней работать по привлечению инвестиций – Михаил Мясникович

Могилеву нужно активней работать по привлечению инвестиций. Такое мнение высказал по итогам совещания членов Президиума Совета Республики, которое прошло в ОАО «Моготекс», председатель Совета Республики Михаил Мясникович.

21.03.2018 - 23:34 | Театральный форум «М@rt. контакт» стал символом творческого поиска - Василий Черник

Международный молодежный театральный форум «М@rt. контакт» стал символом настоящего творческого поиска и смелого художественного эксперимента. Об этом заявил сегодня на торжественном открытии мероприятия начальник главного управления культуры и аналитической работы Министерства культуры Беларуси Василий Черник.

05.03.2018 - 08:40 | Перспективы развития Могилевской области в наращивании инвестиционной активности – Виктор Некрашевич

Перспективы развития Могилевской области в наращивании инвестиционной активности, создании новых и модернизации действующих производств. Такое мнение высказал заместитель председателя Могилевского облисполкома Виктор Некрашевич, комментируя отчет правительства, Национального банка, облисполкомов и Минского горисполкома об итогах работы экономики за 2017 год и задачах по обеспечению устойчивого экономического роста.

23.02.2018 - 08:56 | Динара Алимбекова: мы готовились к этой эстафете и доказали, что лучшие

Спортсменка из Могилевской области Динара Алимбекова поделилась впечатлениями от выступления в эстафете, которая стала золотой для отечественных биатлонисток.