Вверх

Вы здесь

Клічаўскія “Куры” і паломніцтва да Блакітнай крыніцы папоўняць Дзяржаўны спіс гісторыка-культурных каштоўнасцей

Яшчэ два аб’екты ад Магілёўшчыны могуць атрымаць статус нематэрыяльнай гісторыка-культурнай каштоўнасці і ўвайсці ў Дзяржаўны спіс гісторыка-культурных каштоўнасцей Беларусі.

У канцы верасня адбудзецца рэспубліканская навукова-метадычная Рада па пытаннях гісторыка-культурнай спадчыны пры Міністэрстве культуры Рэспублікі Беларусь. Яна разгледзіць заяўкі на наданне статусу нематэрыяльнай гісторыка-культурнай спадчыны і прыме рашэнне аб уключэнні ў Дзяржаўны спіс гісторыка-культурных каштоўнасцей Рэспублікі Беларусь новых аб’ектаў ад розных рэгіёнаў краіны. Будуць разгледжаны дзве заяўкі ад Магілёўскай вобласці.

Гэта дзіцячы калядны абрад “Куры” Клічаўскага раёна і традыцыя ўшанававання Блакітнай крыніцы (свята Макавей) у вёсцы Кліны Слаўгарадскага раёна.

У выпадку станоўчага рашэння камісіі ў нашай вобласці будзе налічвацца ўжо 11 аб’ектаў нематэрыяльнай гісторыка-культурнай спадчыны. Гэта традыцыйныя рамесныя тэхналогіі, абрады, фальклор. Дарэчы, па колькасці такіх аб’ектаў, уключаных у спіс, наша вобласць на сённяшні дзень апярэджвае іншыя рэгіёны рэспублікі.

Паломніцтва да Блакітнай крыніцы дасюль застаецца актуальным, бытуе ў актыўнай форме і з’яўляецца самым масавым на Магілёўшчыне. Традыцыя ўшанавання гэтай крыніцы звязана са святам Мядовы Спас, які называюць у народзе Макаўе ці Макавей. Рытуальныя дзеянні вяскоўцы захавалі і перадаюць сваім дзецям і ўнукам у тым выглядзе, у якім перанялі ад сваіх продкаў.

Штогод 14 жніўня ля Блакітнай крыніцы збіраюцца шматлікія паломнікі, каб прыняць удзел у святкаванні. Сярод іх – практычна ўсе жыхары в. Кліны, навакольных вёсак, Слаўгарада, суседніх раёнаў і нават прымежных тэрыторый Расіі і Украіны. Паломнікі ідуць Хросным ходам да крыніцы, слухаюць святочны вадасвятны малебен, запальваюць свечы, а пасля акунаюцца ў гаючую ваду, набіраюць яе з сабой. У гэты дзень на Блакітнай крыніцы святары таксама праводзяць абрад хрышчэння дзяцей.

А яшчэ многія людзі наведваюць асвечаныя камяні, што размяшчаюцца паблізу, на невялікай палянцы. Лічыцца, што калі дакрануцца да тых валуноў і папрасіць поспеху, здароўя і дабрабыту сабе і родным – жаданае абавязкова здзейсніцца.

У Клічаўскім раёне дагэтуль актыўна праводзіцца традыцыйны абрад “Куры”. Ён звязаны з так званымі “Святкамі” – зімовымі святамі ад Раства Хрыстова да Вадохрышча. Абрад цікавы тым, што ў ім удзельнічаюць толькі дзеці ад 6 да 14 год, і гэта адзіны дзіцячы калядны абрад, які захаваўся на Беларусі.

Абрадавыя дзеянні дзеці перанялі ад сваіх бабуль, мам, старэйшых братоў і сясцёр. Калядоўшчыкі выкарыстоўваюць традыцыйныя прадметы: касцюмы, калядную зорку, свячу, што гарыць у каляднай зорцы побач з абразом Божай Маці. Штогод 13 студзеня яны ўпрыгожваюць калядную зорку, апранаюць традыцыйнае каляднае адзенне і ідуць з песнямі па вуліцах вёсак Дзмітраўка, Віркаў і Нясета. Падыходзячы да хаты, спяваюць адмыловую песню “Куры”, а затым гаспадары частуюць калядоўшчыкаў блінамі і цукеркамі. Цікава, што пры гэтым дзеці-“куры” ніколі не заходзяць у хату. Адметна, што юныя калядоўшчыкі не водзяць казу, мядведзя, бусла і іншых рытуальных жывёл, якія звычайна ўдзельнічаюць у традыцыйным калядным абрадзе беларусаў.

Вольга Семчанка, вядучы рэдактар Магілёўскага абласнога метадычнага цэнтра народнай творчасці і культурна-асветнай работы

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «культура»:

08.12.2017 - 12:44 | В Могилеве 11 декабря пройдут отборочные туры конкурсов фестиваля искусств «Славянский базар в Витебске»

В Могилеве 11 декабря пройдут отборочные туры конкурсов Международного фестиваля искусств «Славянский базар в Витебске».  Об этом корреспонденту сайта сообщили в  главном управлении идеологической работы, культуры и по делам молодежи облисполкома.

08.12.2017 - 11:33 | Латвийская делегация посетит Могилев 12-14 декабря

Латвийская делегация посетит Могилев 12-14 декабря.

06.12.2017 - 16:00 | Выставка «Георгий Конисский: Судьба. Философия. Святость. К 300-летию со дня рождения» работает в Могилеве

Выставка «Георгий Конисский: Судьба. Философия. Святость. К 300-летию со дня рождения» работает в Могилевском музее этнографии (ул. Первомайская, д.8).

05.12.2017 - 11:13 | Региональные рождественские образовательные чтения состоятся в Бобруйске 12 декабря

Региональные рождественские образовательные чтения «Нравственные ценности и будущее человечества» состоятся в Бобруйске 12 декабря. Об этом сообщили в Бобруйской епархии.

05.12.2017 - 10:52 | Народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы

Выдающийся музыкант, народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы.

Рубрики

Работа с обращениями граждан и юридических лиц
Электронные обращения