Вверх

Вы здесь

Клічаўскі раён робіць стаўку на турызм і земляробства

Клічаўскі раён больш за ўсё асацыюецца з лясамі, якія займаюць 60% яго плошчы. Тут распрацоўваецца ўнікальны экалагічны фестываль, які стартуе сёлета. А яшчэ гэты край адметны тым, што тут першымі сталі ўкараняць сучасны спосаб дакладнага земляробства, які з дапамогай ІT-тэхналогій дазваляе выраўноўваць глебавую ўрадлівасць поля. У свой час пры наведванні Прэзідэнтам раёна метад быў прадэманстраваны яму ў дзеянні і атрымаў адабрэнне. Пра тое, як у раёне вырашаюцца звязаныя з гэтымі кірункамі пытанні, наша размова са старшынёй Клічаўскага райвыканкама Францішкам Вашчылам.

- Летась на развіццё дакладнага земляробства Магілёўскай вобласці з інавацыйнага фонду было выдаткавана каля 10 мільярдаў рублёў. Але тры гады таму плюсы «касмічных» тэхналогій першымі ацанілі аграрыі Клічаўскага раёна ў гаспадарцы «Добраахвотнік». Можаце падзяліцца вынікамі?

- Вынікі ёсць, эканомія адбываецца ў асноўным за кошт мінеральных угнаенняў. Справа добрая, яе трэба развіваць, бо нашы землі вельмі стракатыя па ўрадлівасці. Наогул дакладнае земляробства можна прасоўваць па двух напрамках. Першы дае магчымасць атрымаць максімальную аддачу ад зямлі ўжо сёння. Іншымі словамі, уносіш пэўную колькасць угнаенняў, высяваеш дакладны аб'ём насення і збіраеш ураджай. Але, вырашаючы задачу сёння, мы пакідаем усю гэтую «стракатасць» земляў нашчадкам. А гэта не зусім рацыянальна. Калі мы засявалі першае поле, атрымалася, што зусім не трэба было ўносіць прадугледжаных па разліках калійных ўгнаенняў. Іх дастаткова ў глебе. Таму я прыхільнік іншага напрамку дакладнага земляробства — выраўноўваць урадлівасць глебы з дапамогай дакладнага ўнясення арганічных і мінеральных угнаенняў, вапнавых матэрыялаў і гэтак далей. Гэта будзе планамерная праца на перспектыву. Калі поле выраўнавана па ўрадлівасці, з ім прасцей працаваць і рабіць разлік.

- Што робіцца ў раёне для падрыхтоўкі будучых кадраў для сельскай гаспадаркі?

- Летась на базе раёна прайшоў выязны семінар Акадэміі кіравання пры Прэзідэнце Рэспублікі Беларусь, у якім прыняў удзел рэзерв кадраў першых намеснікаў старшынь райвыканкамаў, начальнікаў упраўленняў сельскай гаспадаркі і вытворчасці харчавання. Адным з пытанняў стала падрыхтоўка кадраў для сельскагаспадарчай галіны і сучасныя тэхналогіі. Удзельнікі семінара наведалі наш прафесійны аграрна-тэхнічны каледж, які з'яўляецца адной з самых сучасных сярэдніх спецыяльных навучальных устаноў сельскагаспадарчага профілю ў краіне. Яны азнаёміліся з матэрыяльнай базай, сістэмай падрыхтоўкі кадраў для сельскагаспадарчых прафесій. На базе саўгаса «Добраахвотнік» была адпрацавана практычная частка семінара. Была магчымасць наведаць МТК, сховішча агародніны, машынны двор, ферму, якая будуецца гаспадарчым спосабам. Акрамя гэтага, мы паказалі наш музей і Сялянскую сядзібу — яшчэ адзін музей пад адкрытым небам. Там можна пабачыць, як працуе млын, як паліць па-чорнаму ў лазні, пакаштаваць печаных бліноў. Гэта таксама дапамагае стварыць пазітыўнае ўражанне ад працы на зямлі.

- Як плануеце ў далейшым развіваць свае тэрыторыі?

- Агульная плошча земляў у сельскагаспадарчых арганізацыях раёна складае сёння каля 52 тысяч гектараў, з іх сельскагаспадарчых — крыху менш за 43 тысячы. Бал урадлівасці глеб — 27,2; ворных (а гэта 28,6 тысячы га) — 29,9.

Але лясы таксама наша багацце, яны займаюць 60% тэрыторыі. У нас знаходзіцца частка вялікага гідралагічнага заказніка рэспубліканскага значэння «Астравы Дулебы». У гэтым унікальным месцы налічваецца каля 130 відаў раслін і 35 відаў жывёл, занесеных у Чырвоную кнігу. Плануем сёлета распрацаваць для наведвальнікаў пазнавальныя маршруты для вывучэння фаўны і флоры.

Нашы лясы таксама вядомы гераічным ваенным мінулым. Існуе турыстычны маршрут пад назвай «У партызанскую зону», які прадугледжвае наведванне музея, гістарычную экскурсію па горадзе і месцах баёў часоў Вялікай Айчыннай вайны, а таксама падарожжа да мемарыяльнага комплексу партызанскай славы «Усакіна». На базе Усакінскай школы збіраемся адкрыць турыстычны візіт-цэнтр. Плануем задзейнічаць гасцініцу лясніцтва Усакіна. Добраўпарадкоўваем крынічку ў вёсцы Альхоўка. У рамках усяго гэтага збіраемся сёлета ўпершыню правесці экалагічны фестываль на астравах Дулебы. Спадзяёмся, што ён стане яркай адметнасцю нашага раёна.

«Звязда»

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «мнение»:

06.12.2017 - 15:27 | Кооперация позволяет предприятиям достичь высокой эффективности производства - Руслан Страхар

На современном этапе развития кооперация представляет собой действенный и современный метод, позволяющий предприятиям достичь высокой эффективности производства благодаря рациональному использованию установленных мощностей и имеющихся ресурсов. Такое мнение высказал сегодня на межрегиональной конференции «Кооперация производства, бизнеса и науки в промышленности: успехи, проблемы, перспективы» председатель комитета экономики Могилевского облисполкома Руслан Страхар.

13.11.2017 - 10:03 | Повышать престиж науки и образования нужно за счет экономического стимулирования ученых - мнение

Повышать престиж науки и образования нужно в том числе за счет экономического стимулирования ученых с учетом их эффективности. Такое мнение высказал корреспонденту делегат II Съезда ученых Беларуси, заведующий кафедрой «Безопасность жизнедеятельности» доцент Белорусско-Российского университета Александр Щур.

04.11.2017 - 09:26 | Приемы граждан министрами помогают действенно решать наболевшие вопросы - мнение

Приемы граждан министрами помогают действенно решать наболевшие вопросы. Такое мнение высказали супруги Непес и Ольга после приема, который провел в Совете Министров руководитель Министерства здравоохранения Валерий Малашко.

26.10.2017 - 09:17 | Фестиваль национальной драматургии им. В.Дунина-Марцинкевича будет содействовать открытию новых имен - Ирина Дрига

Республиканский фестиваль национальной драматургии им. В.Дунина-Марцинкевича будет содействовать открытию новых имен, сообщила на пресс-конференции первый заместитель министра культуры Беларуси Ирина Дрига.

25.10.2017 - 16:37 | Презентации регионов Беларуси в России способствуют росту товарооборота между странами - дипломат

Комплексные презентации регионов Беларуси в России способствуют росту товарооборота между странами.

Рубрики

Работа с обращениями граждан и юридических лиц
Электронные обращения