Рус Бел Eng 中文

Лепшым выхавальнікам Магілеўскай вобласці стала педагог з Асіповіччыны

У
Магілёве праходзіў абласны этап конкурсу “Лепшы выхавальнік-2011”. Сярод 25 удзельнікаў пераможцай вызначана прадстаўніца Асіповіччыны, педагог з ДУА “Яслі-сад № 8 “Чабурашка” Антаніна Нілава.

Конкурс складаўся з некалькіх тураў. Так, на завочны трэба было прад’явіць партфоліа і відэакліпы. Тут Антаніне Нілавай не было роўных. Няпростым заданнем было правесці заняткі ў прапанаванай арганізатарамі групе аднаго з магілёўскіх дзіцячых садоў. Апошні дзень педагагічных спаборніцтваў, які праходзіў на базе Магілёўскага дзяржаўнага ўніверсітэта імя А.Куляшова, уключаў сама-прэзентацыю дзейнасці выхавальнікаў, абранага імі крэда.

Незвычайным і крэатыўным быў конкурс “Пытанне на засыпку”, які складаўся з відэаролікаў са шматлікімі дзіцячымі “чаму?”. Канечне, перш чым даць адказ, трэба было добра і хутка — давалася ўсяго 30 секунд — падумаць, як можна растлумачыць малым, чаму ў макаронах ёсць дзірачкі, у вясёлцы шмат колераў, а з каменю не выціскаецца вада.

Антаніна Нілава пакарыла журы глыбокім веданнем псіхалогіі дашкалят, валоданнем таямніцамі свету маленства. Якраз апошняе і дапамагло стаць лепшай сярод дастойных сапернікаў.

”Асіповіцкі край”

При использовании материалов активная гиперссылка на mogilev-region.gov.by обязательна