Рус Бел Eng 中文

Мікалай Чаргінец пра свае ўражанні аб паездках у рэгіёны: «Мы, пісьменнікі, нібыта прачынаемся»

"Мы, пісьменнікі, нібыта прачынаемся", — сказаў пра свае ўражанні аб паездках у рэгіёны старшыня Саюза пісьменнікаў Беларусі Мікалай Чаргінец. У складзе дэлегацыі, якая прыбыла 10 лістапада ў Бялыніцкі раён, больш за 30 прадстаўнікоў Саюза пісьменнікаў: вядомыя літаратары, крытыкі, галоўныя рэдактары часопісаў.

Пісьменнікаў гасцінна віталі ў гімназіі №1 раённага цэнтра. Творцаў уразілі дзеці і іх настаўнікі, якія зрабілі для гасцей прэзентацыю літаратурна-краязнаўчага музея "Спадчына". Гэта не проста музей, а цэнтр працы школьнікаў па захаванні і пашырэнні ведаў пра родны край і яго культуру.

Напрыклад, кожны лістапад у школе праходзіць конкурс на напісанне сваіх радаводаў. І тут жа, на стэндзе, можна было пабачыць, ад каго вядуць свой род маладыя жыхары Бялыніч — ад святароў, сялян, рабочых. У школе выдаецца газета юных карэспандэнтаў і літаратараў "Пралеска". А ў тэатральнай студыі пры музеі ставяцца творы беларускіх драматургаў: школьнікі з поспехам "пракацілі" па ўсім раёне купалаўскую "Паўлінку".

Для гасцей гімназісты паказалі "У гасцях у цёткі Акуліны". Дзяўчаты і хлопцы ў прыгожых беларускіх народных строях з такім імпэтам спявалі і танцавалі, што выклікалі цэлы шквал пісьменніцкіх апладысментаў. Маладым талентам сказалі, што дзеці — гэта, безумоўна, галоўны скарб нашай Беларусі, зычылі ім часцей усміхацца і "каб кожны дзень іх стаў святам, бо менавіта так задумана Богам".

У раённым цэнтры культуры дэлегацыя Саюза пісьменнікаў брала ўдзел у прэзентацыі праекта раённай газеты "Зара над Друццю" — краязнаўчага энцыклапедычнага даведніка "Бялыніччына", вельмі цікавай і карыснай кнігі, выдадзенай сіламі энтузіястаў і мясцовых прадпрыемстваў.

У мерапрыемстве бралі ўдзел таксама прадстаўнікі выканаўчай улады: намеснік старшыні Магілёўскага аблвыканкама Валерый Малашка і старшыня Бялыніцкага райвыканкама Аляксандр Варонін.

У зале была бялыніцкая моладзь, а на сцэне вядучыя з дапамогай электронных ілюстрацый і мастацкіх нумароў прайшліся віртуальным падарожжам па алфавіту бялыніцкай гісторыі, знакавых падзей і выдатных людзей. Ад цудатворнага абраза Бялыніцкай Божай Маці і вядомага мастака Вітольда Бялыніцкага-Бірулі да вызваліцеля Бялыніч у 1812 годзе Дзяніса Давыдава і бялыніцкіх каранёў першай жанчыны-касманаўта Валянціны Церашковай.

"Зямля Бялыніцкая пацалаваная Богам", — пахваліліся гасцям. Але на сустрэчы ў Бялынічах гаварылі не толькі пра гісторыю, але і пра дзень сённяшні. "Роля пісьменнікаў — падтрымаць у няпросты час дзяржаву і чалавека", — прызналі літаратары. Дык пра каго ж цяпер трэба пісаць, каб выклікаць інтарэс беларускага грамадства да айчыннай літаратуры? Вось што на гэты конт мяркуе Мікалай Чаргінец. «Мы спускаліся на глыбіню тысячу метраў у шахту ў Салігорску і бачылі там, у шахце, герояў нашага часу, якія ў саляным пыле здабываюць эканамічную магутнасць нашай радзімы. Мы сустракаліся з артыстамі і выкладчыкамі, і сярод іх таксама шмат герояў. А сёння ў Бялынічах галоўнымі героямі сталі дзеці. Пісьменнікі абавязаны шукаць такіх герояў і, вядома, паказваць іх у сваіх творах. Размова ідзе пра герояў сённяшняга дня: і працаўнікоў, і салдат, і выхавацеляў, і вучняў, і спартсменаў. Гэта вялікая справа, і пісьменнікі павінны надаць больш увагі сучаснаму жыццю і паказваць тых людзей, якія ўмацоўваюць нашу краіну — і ў палітычным, і ў эканамічным, і ў сацыяльным плане».

Далей у СВК "Калгас "Радзіма" кіраўнік Аляксандр Лапацентаў паказаў гасцям сучасны мехдвор і праваслаўную царкву, якую ўзвялі ў аграгарадку Вішова на сродкі гаспадаркі. А ў доме жывёлавода адбылася сустрэча з працоўным калектывам. Завяршыўся працоўны дзень пісьменнікаў у Шклоўскім раёне знаёмствам з сацыяльнай сферай аграгарадка Александрыя.

«Звязда», фотаздымкі - уласныя

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

20.07.2018 - 09:24 | Уровень воды в Чигиринском водохранилище понизят на полметра из-за ремонта дамбы ГЭС

Уровень воды в Чигиринском водохранилище в августе понизят на полметра из-за ремонта дамбы возле местной гидроэлектростанции в д.Чигиринка Кировского района.

19.07.2018 - 11:33 | Подсобное хозяйство Климовичского ЛВЗ получило в подарок трактор «Беларус МТЗ-3522»

Трактор «Беларус МТЗ-3522» получило в подарок подсобное хозяйство Климовичского ЛВЗ от ОАО «Минск кристалл» - управляющая компания холдинга «МИНСК КРИСТАЛЛ ГРУПП».

19.07.2018 - 11:25 | Кабинет по основам безопасности открылся на базе Центра дополнительного образования детей и молодежи в Климовичах

Кабинет по основам безопасности открылся на базе Центра дополнительного образования детей и молодежи в Климовичах. Об этом сообщили в  Могилевском областном управлении МЧС.

19.07.2018 - 11:06 | В Дрибине 23 июля проведет прием граждан первый заместитель председателя Могилевского облисполкома Олег Чикида

Личный прием граждан приведет 23 июля в Дрибинском районном исполнительном комитете (г.п. Дрибин, ул. Ленина, д.35, 3-й этаж, каб.

17.07.2018 - 10:39 | В Хотимском районе объявлен ежегодный смотр-конкурс на лучшее благоустройство территорий

В Хотимском районе объявлен ежегодный смотр-конкурс на лучшее благоустройство территорий. Об этом сообщили в райисполкоме.