Вверх

Вы здесь

Магілёў і Баку: наладжана супрацоўніцтва ў галіне традыцыйнай культуры

Магілёў у 2013 годзе абвешчаны культурнай сталіцай не толькі Беларусі, але і СНД. І гэта зусім невыпадкова – горад на Дняпры стаў месцам правядзення яскравых і маштабных культурных падзей, вядомых не толькі ў нашай рэспубліцы, але і далёка за яе межамі, ён падтрымлівае культурныя сувязі з многімі краінамі. У апошні час значна актывізавалася ўзаемадзеянне з Азербайджанскай Рэспублікай, адным з ініцыятараў якога стаў Магілёўскі абласны метадычны цэнтр народнай творчасці і культурна-асветнай работы.

Штуршком да культурнага дыялогу паміж Магілёвам і Баку стаў Міжнародны форум “Традыцыйная культура як стратэгічны рэсурс устойлівага развіцця грамадства”, які летась упершыню праводзіўся Магілёўскім абласным метадычным цэнтрам. Форум сабраў удзельнікаў з 6 краін, у тым ліку з Азербайджана. Традыцыйную культуру гэтай краіны прадстаўляў вучоны сакратар, галоўны спецыяліст па статыстыцы і сацыялагічным даследванням Навукова-метадычнага цэнтра па культуразнаўству Міністэрства культуры і турызму Азербайджанскай Рэспублікі, рэдактар навуковага, метадычнага і публіцыстычнага часопіса “Сучаснае культуразнаўства”, культуролаг-японазнаўца Абульфаз Бабазадэ.

Наступным крокам стаў візіт дырэктара Магілёўскага абласнога метадычнага цэнтра НТ і КАР Алега Хмялькова ў азербайджанскую сталіцу ў якасці ўдзельніка ІІ Міжнароднай навуковай канферэнцыі “Культура ўстойлівага развіцця: глабальныя і рэгіянальныя аспекты”, што праходзіла ў снежні мінулага года. Было падпісана пагадненне аб культурным супрацоўніцтве паміж Магілёўскім абласным метадычным цэнтрам народнай творчасці і культурна-асветнай работы і Навукова-метадычным цэнтрам па культуразнаўству Міністэрства культуры і турызму Азербайджанскай Рэспублікі.

І ўжо сёлета, на праваслаўнае Раство азербайджанскі навуковец Абульфаз Бабазадэ зноў наведаў наш гасцінны край. Ён пазнаёміўся з працай Магілёўскага абласнога метадычнага цэнтра НТ і КАР і вопытам дзейнасці гэтай установы ў галіне захавання традыцыйнай спадчыны. У суправаджэнні начальніка ўпраўлення культуры Магілёўскага аблвыканкама Анатоля Сінкаўца госць наведаў установы культуры і памятныя мясціны Магілёва і Бабруйска, пабываў на Калядным народным гулянні ў Пячэрскім лесапарку.

“Хачу адзначыць гасціннасць беларусаў і выказаць падзяку гэтаму цудоўнаму народу, – падзяліўся ўражаннямі Абульфаз Бабазадэ. – Я быў у многіх славянскіх краінах, але беларуская хлебасольнасць ні з чым не параўнаецца. Як даследчык, лічу, што на тэрыторыі Усходняй Еўропы беларуская культура – адна з найбагацейшых. Мой першы візіт у вашу краіну пачаўся менавіта з Магілёва, і я ўпэўнены, што ён з’яўляецца скарбніцай усёй беларускай культуры. Гонар магілёўцаў у тым, што насуперак таму, што цывілізацыя хутка распаўсюджваецца, яны змаглі захаваць сваю традыцыйную культуру, у чым я пераканаўся ў красавіку мінулага году падчас Міжнароднага форуму. Я думаю, што вельмі важна захоўваць усё тое, чым жылі нашы продкі, таму што нацыянальная самасвядомасць фарміруецца толькі дзякуючы гэтай памяці”.

Культура – гэта асаблівая мова, ключ да разумення паміж народамі, таму я разлічваю на працяг культурнага супрацоўніцтва паміж Беларуссю і Азербайджанам, адзначыў госць. “Мы прадстаўнікі вельмі розных культур – славяна-хрысціянскай і мусульмана-цюркскай, але нас яднаюць агульныя каштоўнасці, якія даўно ўкараніліся ў грамадстве, - лічыць ён. - У нашых народаў шмат супольнага: як азербайджанская, так і беларуская культура вельмі багатыя і маюць патрэбу ў даследванні і знаходжанні агульных рыс. Прайшло больш за 20 год, як мы набылі незалежнасць, але застаецца патрэба ў культурным супрацоўніцтве. Прынамсі, мы будзем імкнуцца, каб беларуская культура была добра паказана ў Азербайджане, а азербайджанская - у сваіх традыцыях, звычаях, касцюмах, нацыянальнай кухні на беларускай зямлі”.

Па словах навукоўца, падчас візіту ў Магілёў разам з кіраўніцтвам абласнога метадычнага цэнтра і ўпраўлення культуры Магілёўскага аблвыканкама мы змаглі канкрэтызаваць тыя ідэі і планы, якія будзем ажыццяўляць у рамках заключанага пагаднення аб культурным супрацоўніцтве. Зазначу, што яно будзе шматбаковым: мы таксама падпісалі адпаведны мемарандум з Украінай, Расіяй, Кыргыстанам і на плануем стварыць міжнародны цэнтр па культуразнаўству”.

Вялікія перспектывы ў культурным супрацоўніцтве паміж Баку і Магілёвам бачыць і дырэктар абласнога метадычнага цэнтра НТ і КАР Алег Хмялькоў. “Думаю, што ў нас шмат наперадзе, - лічыць ён. - Напрыклад, на Магілёўшчыне на сёлета запланавана шмат цікавых праектаў. Так, у новым амфітэатры ў Горках будзе ладзіцца свята фальклорнага напрамку з удзелам дзяржаў СНД, і мы абмеракавалі магчымасць удзелу ў ім творчых калектываў з Азербайджана. У маі ў Магілёве адбудзецца ІІ Міжнародны форум па традыцыйнай культуры – азербайджанскі бок таксама прыме ў ім удзел, нават далучыцца да арганізацыі форуму. Таксама мы запрасілі нашых сяброў да ўдзелу ў фестывалі сямейнай творчасці ў Глуску. Супрацоўніцтва будзе адбывацца ў накірунку не толькі традыцыйнага, але і па прафесійнага мастацтва, напрыклад, у рамках фестывалю “Залаты шлягер” у Магілёве і інш. Запланаваны шэраг абменных семінараў, у рамках якіх нашы спецыялісты прадэманструюць сваё майстэрства ў Азербайджане, а азербайджанскія – падзеляцца ведамі са сваімі беларускімі калегамі ў Магілёве”.

Вольга Семчанка, вядучы рэдактар Магілёўскага абласнога метадычнага цэнтра народнай творчасці і культурна-асветнай работы

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «культура»:

08.12.2017 - 12:44 | В Могилеве 11 декабря пройдут отборочные туры конкурсов фестиваля искусств «Славянский базар в Витебске»

В Могилеве 11 декабря пройдут отборочные туры конкурсов Международного фестиваля искусств «Славянский базар в Витебске».  Об этом корреспонденту сайта сообщили в  главном управлении идеологической работы, культуры и по делам молодежи облисполкома.

08.12.2017 - 11:33 | Латвийская делегация посетит Могилев 12-14 декабря

Латвийская делегация посетит Могилев 12-14 декабря.

06.12.2017 - 16:00 | Выставка «Георгий Конисский: Судьба. Философия. Святость. К 300-летию со дня рождения» работает в Могилеве

Выставка «Георгий Конисский: Судьба. Философия. Святость. К 300-летию со дня рождения» работает в Могилевском музее этнографии (ул. Первомайская, д.8).

05.12.2017 - 11:13 | Региональные рождественские образовательные чтения состоятся в Бобруйске 12 декабря

Региональные рождественские образовательные чтения «Нравственные ценности и будущее человечества» состоятся в Бобруйске 12 декабря. Об этом сообщили в Бобруйской епархии.

05.12.2017 - 10:52 | Народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы

Выдающийся музыкант, народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы.

Рубрики

Работа с обращениями граждан и юридических лиц
Электронные обращения