Рус Бел Eng 中文

Магілёўская гарадская бібліятэка імя Карла Маркса аб’явіла віктарыну, прысвечаную 120-годдзю з Дня нараджэння Максіма Багдановіч

9 снежня спаўняецца 120 гадоў з Дня нараджэння Максіма Багдановіча. З гэтай нагоды Магілёўская гарадская бібліятэка імя Карла Маркса аб’явіла віктарыну, прысвечаную выдатнаму класіку беларускай літаратуры, рамантычнаму паэту, празаіку, крытыку, публіцысту. Як зазначылі спецыялісты ўстановы культуры, пераможцаў чакаюць прызы.

Пытанні:

1. У якіх беларускіх гарадах жыла сям’я Багдановічаў?

2. Як называўся першы твор пісьменніка і дзе быў надрукаваны?

3. Назавіце вершы паэта аб велічы і харастве прыроды.

4. Як пачынаецца адзін з найвядомейшых яго вершаў, які мае назву «Раманс»?

5. Пры жыцці паэта выйшаў толькі адзін зборнік вершаў. Як ён называецца?

6. Як вы лічаце, якія кветкі больш любіў Багдановіч і якія сімвалізуюць яго творчасць?

7. Як называецца паэма-казка Максіма Багдановіча?

8. Які верш М. Багдановіча мае такую ж назву, як і вядомы беларускі танец?

9. Як называецца вершаванае апавяданне, на словы якога была напісана музыка і выконвалася «Песнярамі»?

10. З якім выдатным рускім пісьменнікам Багдановіч меў сваяцкія сувязі?

11. Назавіце вершы паэта, пакладзеныя на музыку.

12. У апошнія дні свайго жыцця Максім Багдановіч займаўся дзейнасцю, якая мела дачыненне да дзяцей. Над чым працаваў паэт у гэты час?

13. Якое месца на Магілёўшчыне звязана з іменем Максіма Багдановіча?

14. Дзе памёр Багдановіч і дзе ён пахаваны?

15. Які паэт прысвяціў М. Багдановічу наступныя словы:

Узняло касачы

Над табою жыццё,

Над тваім незгараючым сэрцам,

Узняло, як мячы,

Каб працяць небыццё

І ахоўваць паэта бясмерце.

Адказы на пытанні дасылайце па электроннай пошце: metodisty2011@mail.ru. А таксама по па адрасу: 212030, г. Магілёў, вул. Першамайская, 30 (аддзел бібліятэчнага маркетынгу).

При использовании материалов активная гиперссылка на mogilev-region.gov.by обязательна