Рус Бел Eng 中文

Моладзі ўсюды дарога: у СВК "Мір" Дрыбінскага раёна выпускніца Горацкай сельскагаспадарчай акадэміі трапіла па размеркаванні

Зінаіда Лабаноўская ў свае 24 гады — галоўны эканаміст СВК "Мір" Дрыбінскага раёна. У гэтую гаспадарку выпускніца Горацкай сельскагаспадарчай акадэміі трапіла па размеркаванні.

Яна сама родам з Дрыбіна, а з мужам Уладзімірам пазнаёмілася праз сваякоў, калі была яшчэ студэнткай. Так што на першае працоўнае месца яна прыехала не адна. Маладой сям'і гаспадарка выдзеліла камфортнае жыллё, а Уладзімір Лабаноўскі цяпер ездзіць на працу ў раённы цэнтр, дзе ўладкаваўся настаўнікам у школе.

Калегі ставяцца да галоўнага эканаміста з павагай, называюць Зінаідай Міхайлаўнай. Яна сама прызнаецца, што спачатку было даволі цяжка: вопытны галоўны эканаміст гаспадаркі пайшоў на пенсію, і Зінаідзе адразу даверылі адказную працу.

— Давялося спасцігаць усё самой, — узгадвае жанчына. — Але здолела, і цяпер ужо не страшна. Спраўляюся.

У сельскага эканаміста зусім не архаічны вобраз: светлыя доўгія валасы, моднае бэжавае паліто і замшавыя боцікі.

— У мяне ёсць і гумавыя боты, — смяецца Зінаіда. — У праўленні можна і ў кароткай спадніцы сядзець, а ўвесну на ферме і вакол яе самы зручны абутак — той, які выраблены з гумы.

Аднак у развагах пра выгляд яна не забывае пра важнасць сваёй працы і ў любы момант гатова разважаць пра эфектыўнасць працы СВК "Мір".

— Малако — гэта асноўны даход нашай гаспадаркі, — тлумачыць Лабаноўская. — Летась мы атрымалі ад рэалізацыі малака больш за 5 мільярдаў рублёў, прыбытак перавысіў 2 мільярды.

СВК "Мір" — невялікая гаспадарка, яе калісьці склалі перасяленцы з забруджанага чарнобыльскай радыяцыяй Краснапольскага раёна. Зараз яна стала адной з лепшых у Дрыбінскім раёне.

Адна з дзвюх асноўных фермаў — "Ярыгі", якая будзе пашырацца.

— У нас амаль усе даяркі перавысілі рубеж у 5 тысяч літраў на карову, — хваліцца загадчыца фермы Галіна Старавыбарная. — Гэта няпроста зрабіць.

Будаўніцтва новай фермы пачалося летась з ініцыятывы кіраўніцтва Магілёўскай вобласці, якое паставіла задачу павелічэння вытворчасці малака, у тым ліку за кошт пабудовы сучасных фермаў. У Ярыгах працавалі і студэнцкія будаўнічыя атрады. У выніку тут атрымаецца цэлы комплекс, дзе будзе больш за 600 галоў дойнага статка. Першая чарга хутка падыдзе да завяршэння — у маі плануецца яе ўвод.

— Мы выкарыстоўваем уласныя сродкі, бяром крэдыты, — тлумачыць кіраўнік гаспадаркі Мікалай Рыжкоў. — Выдаткавана ўжо 8 мільярдаў рублёў, але каб завяршыць будаўніцтва, адкрываем яшчэ адну крэдытную лінію на 2,8 мільярда рублёў. Калі не ўпа-дзе попыт на малако (а ён, напэўна, падаць не будзе), усе грошы вернем, праект акупіцца. Малако дае прыбытак.

На пачатку года даяркі СВК "Мір" атрымлівалі сярэдні заробак больш за 3 мільёны рублёў, але гэта не мяжа. Ён будзе расці, калі адбудуецца новая ферма.

— У нас павялічыцца пагалоўе жывёлы і надоі малака, — дае эканамічны каментар Зінаіда Лабаноўская. — Малако — гэта заўсёды запатрабаваны прадукт. Мяркую, што выручка ад яго нават сёлета павялічыцца на некалькі мільярдаў рублёў. Галоўнае, каб хапіла кармоў для жывёлы. Але спецыялісты і работнікі гаспадаркі з гэтым справяцца.

Міхаіл Рыжкоў сёння ходзіць па будынку новай фермы і распавядае, дзе размесцяцца стойлы для кароў, а дзе будуць кармавыя сталы. Цяпер работы вядуцца на даху.

— Мы павінны ўкласціся ў тэрміны, — плануе старшыня. — Вельмі разлічваем на аддачу ўкладзеных сродкаў. Таму спачатку новую ферму даверым вопытным даяркам, а потым ім на змену пойдзе і моладзь.

Замацаванне маладых кадраў — гэта тэма, якая хвалюе кіраўніцтва краіны і людзей на месцах. У СВК "Мір" уладкаваліся чатыры маладыя спецыялісты. Тая ж Зінаіда Лабаноўская лічыць, што праца ў сельскай гаспадарцы нічым не горшая за іншую.

— У нас у доме ёсць усе выгоды: газ, цэнтральнае ацяпленне, вада, — расказвае Зінаіда. — Так што я зусім не лічу, што зрабіла нейкі мужны ўчынак, калі паехала на вёску. Мы жывём, як у горадзе. У нас ёсць нават трэнажорная зала — у школе, можна і ў тэніс там гуляць.

Газета “Звязда”, Ілона Іванова. Фота аўтара.

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

23.05.2018 - 16:24 | Школа безопасности жизнедеятельности для пожилых граждан и инвалидов открылась в Славгородском районе

Школа безопасности жизнедеятельности для пожилых граждан и инвалидов открылась на базе отделения дневного пребывания Славгородского районного центра социального обслуживания населения.

23.05.2018 - 10:28 | Улицы Черикова «прирастают» необычными украшениями

Яблоки и груши размером больше арбуза, остановка под зонтиком – огромным, ярким и уютным, множество красочных деревянных скульптур… Небольшой Чериков всегда выгодно отличался необычным убранством, разнообразием малых архитектурных форм.

21.05.2018 - 15:22 | Лучшую артиллерийскую батарею определят на Осиповичском полигоне

Лучшую артиллерийскую батарею определят на Осиповичском полигоне, сообщили в Министерстве обороны.

21.05.2018 - 12:47 | Неосторожность при курении стоила жизни двум жителям Круглого и Осиповичского района

За прошедшие выходные дни в Могилевской области произошло 7 пожаров, на которых два человека погибли.

18.05.2018 - 10:52 | Районный фестиваль семейного творчества «Звездный экспресс» проведут в Костюковичах 19 мая

Районный фестиваль семейного творчества «Звездный экспресс» проведут в Костюковичах 19 мая. Об этом сообщили в райисполкоме.

Мероприятие будет состоять из двух частей.