Вверх

Вы здесь

На базе СВК “Калгас “Радзіма” прайшоў семінар, удзельнікі якога абмяркавалі пытанні арганізацыі закупу лішкаў малака ў насельніц

Як сведчыць практыка, закуп лішкаў малака ў насельніцтва з’яўляецца ў агульнадзяржаўным маштабе справай адначасова і карыснай, і складанай, бо ўдзельнічаюць у ёй шмат людзей са сваімі індывідуальнасцямі. Цяпер у прыватным сектары эканомікі раёна ўтрымліваецца 791 карова, або на 176 жывёлін менш, чым было на гэты перыяд у мінулым годзе.

Фактычна за студзень-люты закуплена ў насельніцтва 85,4 тоны лішкаў малака. Гэтая лічба перавысіла адпаведны мінулагодні паказчык на 17 тон, што сведчыць аб актывізацыі працэсу. Але ж адначасова з’явіліся і суправаджаючыя адмоўныя фактары.

Сярод апошніх – скаргі малаказдатчыкаў на хібы ў правядзенні аналізу (заніжэнне тлустасці, фальсіфікацыя), кіраўнікі сельгасарга-нізацый прыводзяць эканамічныя разлікі таму, што закуп малака ў насельніцтва стратны для гаспадарак. Каб зняць з парадку дня гэтыя пытанні, райвыканкам і раённы Савет дэпутатаў ініцыявалі правядзенне раённага семінара на базе СВК “Калгас “Радзіма”, адкуль у апошнія два гады не паступіла ніводнага наракання на арганізацыю закупу лішкаў малака ў насельніцтва. Для ўдзелу ў ім былі запрошаны старшыні сельвыканкамаў, кіраўнікі зацікаўленых прадпрыемстваў і сельгасарганізацый, спецыялісты райсельгасхарчу.

Уступным словам адкрыў і вёў семінар старшыня райвыканкама Аляксандр Варонін. Невыпадкова пачаўся практыкум з вывучэння вопыту работы малочнай лабараторыі, якая абсталявана на Вішоўскай ферме. Старшы лабарант Іна Калач падрабязна патлумачыла ўдзельнікам семінара наколькі важна своечасова і, галоўнае, дакладна вызначаць аналіз зборнага малака, знаёміць з ім не толькі зборшчыкаў, але і кожнага здатчыка прадукцыі.

Справа, напрыклад, даходзіць да таго, што пры неабходнасці спецыяльна створаная камісія прыязджае на сялянскі падворак, каб разам з гаспадарамі падаіць карову і адабраць пробы малака на аналіз. Гэтак жа карпатліва правяраецца і работа малаказборшчыкаў. Празрыстасць і аб’ектыўнасць камісійнага кантролю поўнасцю выключыла розныя інсінуацыі вакол праблемы аналізаў прадукцыі. Аналагічна адсочваюцца і стасункі з цэхам па вытворчасці сыроў ААТ “Бабуліна крынка”, куды пастаўляецца зборнае малако.

— І нічога звышнатуральнага ў дзеючай сістэме закупу лішкаў малака ў насельніцтва няма, — тлумачыць галоўны заатэхнік СВК “Калгас “Радзіма” Валянціна Лапацентава. – Проста падтрымліваецца элементарны парадак.

Тое ж тычыцца і матэрыяльнага заахвочвання здатчыкаў і зборшчыкаў малака. У СВК “Калгас “Радзіма” адносіны да іх з боку праўлення і спецыялістаў самыя цёплыя і шчырыя, як і належыць адносіцца да сапраўдных працавітых сялян. Расказваючы аб матывацыі, старшыня Вішоўскага сельвыканкама Аляксандр Антонаў зазначыў, што ў якасці стымулаў выкарыстоўваецца і прадастаўленне прыватнікам дагледжаных угоддзяў для выпасу кароў, і забеспячэнне жывёлы сенам, і рэалізацыя пародных цялушак па льготнай цане, і аказанне зоаветэрынарных паслуг, і шмат чаго іншага. Усё гэта робіцца для таго, каб лю-дзям, якія развіваюць дапаможную гаспадарку, жылося камфортна. Каб малаказбор-шчыкі мелі дастойную зарплату, напрыклад, ім пры неабходнасці прада-стаўляецца магчымасць па сумяшчальніцтву выконваць іншыя гаспадарчыя работы. Асабліва гэта актуальна для тых населеных пунктаў, дзе засталіся лічаныя каровы, і прадукцыі, натуральна, на рэалізацыю застаецца вельмі мала.

Акрэсленыя на семінары праблемы не толькі выклікалі сярод яго ўдзельнікаў вострыя дыскусіі, але і многіх прымусілі задумацца над тым, як у кожным населеным пункце, у кожнай гаспадарцы стварыць аптымальныя ўмовы для эфектыўнага развіцця вытворчасці на ўласных падворках і рэалізацыі лішкаў прадукцыі дзяржаве. Дырэктар ААТ “Падзевічы” Анатоль Драздоў, напрыклад, запрасіў парады па арганізацыі збору малака ў шматлікіх вёсках на тэрыторыі таварыства, дзе засталося па адной-дзве каровы. Старшыня СВК “Лебядзянка” Пётр Бялоў узняў праблему выкарыстання банкаўскіх рахункаў, на якія паступаюць грашовыя сродкі за закупленае ў насельніцтва малако. Слушныя заўвагі па арганізацыі адзіных пунктаў збору малака ў сельгасарганізацыях выказала майстар цэха па вытворчасці сыроў ААТ “Бабуліна крынка” Тамара Галёта.

— СВК “Кудзін” выдзяляе для арганізацыі закупу лішкаў малака ў насельніцтва і бітоны, і коней, і малаказборшчыкаў, ёсць два лабаранты для правядзення аналізаў, — узяў слова старшыня кааператыва Адам Сачыловіч. – Пры гэтым часта здараюцца прыкрыя збоі: то аналіз не той, то аб’ём закупленага малака не адпавядае прынятаму цэхам ААТ “Бабуліна крынка”.

Нібы адказваючы кіраўніку гаспадаркі, востра і самакрытычна прагучала выступленне старшыні Галоўчынскага сельвыканкама Пятра Міхалькова. Па сутнасці, Пётр Васільевіч прызнаў адсутнасць каардынацыі ў рабоце кіраўніцтва сельсавета і сельгаскааператыва на ўсім тэхналагічным маршруце пастаўкі прадукцыі перапрацоўчаму прадпрыемству.

Старшыня раённага Савета дэпутатаў Мікалай Гузнякоў у кароткім выступленні паставіў акцэнты менавіта на цесным узаемадзеянні кіраўнікоў сельвыканкамаў і сельгасарганізацый па ўхіленні існуючых недахопаў у важнейшай дзяржаўнай справе – арганізацыі закупак лішкаў сельгаспрадукцыі ў насельніцтва. Пры гэтым Мікалай Аляксандравіч выказаў упэўненасць, што праведзены семінар надасць пэўны імпульс актывізацыі развіцця асабістых дапаможных гаспадарак.

«Зара над Друццю»

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

07.12.2017 - 12:31 | Горки 15-17 декабря примут открытые чемпионаты Могилевской области по пауэрлифтингу в троеборье и жиме штанги лежа

Горки 15-17 декабря примут VI открытый чемпионат Могилевской области по пауэрлифтингу в троеборье и IV открытый чемпионат Могилевской области по пауэрлифтингу в жиме штанги лежа. Турниры состоятся в спортивном комплексе БГСХА.

07.12.2017 - 12:08 | Международный турнир по гандболу среди мужских команд на приз маршала Советского Союза Ивана Якубовского состоится 9-10 декабря в Горках

Традиционный международный турнир по гандболу среди мужских команд на приз маршала СССР, дважды Героя Советского Союза Ивана Якубовского состоится 9-10 декабря в Горках. Состязания примет местная Ледовая арена.

07.12.2017 - 11:55 | На площадке полигона «Осиповичский» войсковой части 12147 проводятся плановые подрывные работы

На площадке полигона «Осиповичский» войсковой части 12147 до 29 декабря в рабочие дни с 10.00 до 18.00 проводятся плановые подрывные работы.

06.12.2017 - 16:12 | В Глуске после капремонта открылся бассейн

В Глуске после капремонта открылся плавательный бассейн. В торжественной церемонии приняли участие руководство облисполкома, райисполкома, представители трудовых коллективов, общественности и молодежь, сообщил начальник управления образования облисполкома Владимир Рыжков.

05.12.2017 - 09:40 | Животноводы Могилевской области наращивают объемы производства молока

Животноводы Могилевской области, как и планировали, наращивают объемы производства молока. Темпы роста нельзя назвать стремительными, но можно оправданно определить как стабильные. Валовый надой  выше  прошлогоднего показателя на 3,4%, суточный тоже больше на полкилограмма.

Рубрики

Работа с обращениями граждан и юридических лиц
Электронные обращения