Рус Бел Eng 中文

Напярэдадні Вялікадня Мсціслаўскі хлебазавод парадаваў жыхароў раёна новым гатункам хлеба

Напярэдадні светлага свята Вялікадня хлебапёкі філіяла РУВП «Магілёўхлебпрам» - Мсціслаўскі хлебазавод парадавалі жыхароў раёна навінкай. У вытворчасць запушчаны новы гатунак хлеба — «Пустынкаўскі».

Гэты хлеб прадаўжае лепшыя хлебапякарскія традыцыі Мсціслаўшчыны, але ў той жа час увабраў назапашанае ўменне настаяльнікаў Успенскага Пустынскага манастыра. Ён выпякаецца з пшанічнай мукі першага гатунку з дабаўленнем мукі ржаной сеянай і абдзірнай. У продаж паступае ў выглядзе «цаглінак», таксама ва ўпакоўцы рэзаным. У турыстаў і паломнікаў, якія наведваюць манастыр, цяпер з’явілася магчымасць набыць смачны сувенір.

Дарэчы, прадукцыя прадпрыемства карыстаецца попытам не толькі ў жыхароў Мсціслаўскага раёна, але і ў пакупнікоў Манастыршчынскага і Хіславіцкага раёнаў Смаленшчыны.

На здымку: тэхнолаг прадпрыемства, выпускніца Магілёўскага ўніверсітэта харчавання Святлана Добрадзеравец з хлебам новага гатунку.

Мсціслаўская раёная газета "Святло Кастрычніка"

При использовании материалов активная гиперссылка на mogilev-region.gov.by обязательна