Рус Бел Eng 中文

Навагодняе свята для дзяцей-сірот і дзяцей з асаблівасцямі развіцця з чатырох раёнаў вобласці прайшло ў Бялынічах

Па ініцыятыве Ганаровага грамадзяніна Бялыніцкага раёна, старшыні беларускай федэрацыі гандболу Уладзіміра Канаплёва днямі ў райцэнтры прайшло навагодняе свята для дзяцей-сірот і дзяцей з асаблівасцямі развіцця. Яго ўдзельнікамі сталі маленькія выхаванцы сацыяльных устаноў, апякунскіх і прыёмных сем’яў з чатырох раёнаў вобласці: Бялыніцкага, Шклоўскага, Магілёўскага і Круглянскага.

Хлопчыкі і дзяўчынкі ў прыгожых навагодніх уборах, са шчырымі ўсмешкамі завіталі ў вялікую залу РЦК, дзе іх чакала цікавая канцэртная праграма ў выкананні юных талентаў Беларусі.

Свае музычныя нумары рабятам падарылі ўдзельніца фестывалю “Славянскі базар – 2011” Ганна Атрошчанка, пераможца міжнародных спаборніцтваў па мастацкай гімнастыцы “БэбіКап” Карына Агеева, салістка Нацыянальнага музычнага цэнтра імя Уладзіміра Мулявіна Насця Кандраурава, а таксама знакаміты беларускі іллюзіяніст Пётр Стасевіч і “паслядоўнік Далай-Ламы” Мікалай Шахлевіч. Дзеці з цікавасцю назіралі за шматлікімі фокусамі.

Даспадобы як маленькім, так і дарослым гледачам прыйшліся і музычныя нумары, якія падрыхтавалі ўдзельнікі знакамітага ансамбля “Верасы” пад кіраўніцтвам народнага артыста Рэспублікі Беларусь Васіля Раінчыка.

Ну і, канечне ж, не абыйшлося на свяце без Дзеда Мароза і Снягуркі, якія забаўлялі хлопчыкаў і дзяўчынак вясёлымі гісторыямі і танцамі.

Напрыканцы мерапрыемства на сцэну РЦК падняўся Уладзімір Канаплёў. Ён шчыра павіншаваў удзельнікаў свята з Новым годам і Калядамі і пажадаў усім ім здароўя і спаўнення самых запаветных мараў.

Уладзімір Мікалаевіч выказаў упэўненасць, што такія пераднавагоднія сустрэчы абавязкова стануць традыцыйнымі для жыхароў Бялыніцкага, Круглянскага, Шклоўскага і Магілёўскага раёнаў.

«Падарыць дзецям радасць! Ці не гэта самае галоўнае?”, – заўважыў Ганаровы грамадзянін Бялыніцкага раёна і ўручыў рабятам салодкія падарункі.

Не засталіся ў баку і самі віноўнікі ўрачыстасцяў. Ад імя ўсіх выхаванцаў сацыяльных устаноў словы падзякі Уладзіміру Канаплёву выказалі дзяўчаты, якія вучацца ў Бялыніцкай дапаможнай школе-інтэрнаце для дзяцей-сірот. Яны ўручылі Уладзіміру Мікалаевічу карціну, зробленую сваімі рукамі.

“Мае дзеткі, Сяргей і Жэня, засталіся ў захапленні ад свята, - падзялілася ўражаннямі жыхарка вёскі Малы Кудзін Таццяна Быкава, якая ўжо два гады выхоўвае дзяцей з Магілёўскага сацыяльнага прытулку. – Вельмі ўдзячная Уладзіміру Канаплёву за падораную радасць”.

zara.by

 

 

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

23.07.2018 - 10:39 | Борис Бурда приготовит стейки для гостей «Большой бард-рыбалки»

Популярный телеведущий, бард, знаток игры «Что? Где?

23.07.2018 - 09:43 | В Год малой родины «Телекомпания Шклов» начала новый проект «Малая радзіма малымі вачыма»

В Год малой родины «Телекомпания Шклов» начала новый проект «Малая радзіма малымі вачыма». Мальчики и девочки Шкловщины рассказывают о месте, где родились, богатой истории и красоте родного края, о трудолюбивых и знаменитых земляках.

20.07.2018 - 09:24 | Уровень воды в Чигиринском водохранилище понизят на полметра из-за ремонта дамбы ГЭС

Уровень воды в Чигиринском водохранилище в августе понизят на полметра из-за ремонта дамбы возле местной гидроэлектростанции в д.Чигиринка Кировского района.

19.07.2018 - 11:33 | Подсобное хозяйство Климовичского ЛВЗ получило в подарок трактор «Беларус МТЗ-3522»

Трактор «Беларус МТЗ-3522» получило в подарок подсобное хозяйство Климовичского ЛВЗ от ОАО «Минск кристалл» - управляющая компания холдинга «МИНСК КРИСТАЛЛ ГРУПП».

19.07.2018 - 11:25 | Кабинет по основам безопасности открылся на базе Центра дополнительного образования детей и молодежи в Климовичах

Кабинет по основам безопасности открылся на базе Центра дополнительного образования детей и молодежи в Климовичах. Об этом сообщили в  Могилевском областном управлении МЧС.