Вверх

Вы здесь

Прадстаўнікі Магілёўшчыны прымалі ўдзел у семінары па беларускай народнай творчасці ў Навасібірску

З 29 жніўня па 2 верасня ў Навасібірску (Расійская Федэрацыя) праходзіў абласны семінар па беларускай народнай творчасці, арганізаваны Навасібірскім цэнтрам беларускай культуры сумесна з Магілёўскім абласным метадычным цэнтрам народнай творчасці і культурна-асветнай работы.

Жадаючых прыняць удзел у мерапрыемстве было дастаткова: жыхары Навасібірска, суседніх гарадоў і рэгіёнаў, і нават Алтая. Навасібірскі цэнтр запрасіў да ўдзелу кіраўнікоў харэаграфічных калектываў, студэнтаў харэаграфічных аддзяленняў устаноў адукацыі. У сваю чаргу, для правядзення семінара Магілёўскім абласным метадычным цэнтрам былі запрошаны лепшыя спецыялісты Магілёўшчыны ў пазначаных галінах: старшы выкладчык па класу цымбал Магілёўскага філіяла ўстановы адукацыі “Беларуская дзяржаўная акадэмія музыкі” Аксана Кузняцова і выкладчык харэаграфічных дысцыплін установы адукацыі “Дзяржаўная сярэдняя школа-каледж мастацтваў”, балетмайстар народнага ансамбля танца фольк-шоу балета “Альянс” Аляксей Лукашэвіч.

У рамках семінара апошні зрабіў пастаноўку беларускага народнага танца “Лявоніха”, пазнаёміў прысутных з гісторыяй і асаблівасцямі гэтага традыцыйнага беларускага танца. Аксана Кузняцова пазнаёміла ўдзельнікаў семінара з гісторый цымбал, прынцыпамі ігры на гэтым інструменце. Дарэчы, на першыя семінары прыходзіла па 10-15 жадаючых навучыцца іграць на цымбалах, на заняткі па харэаграфіі – да 35. У наступныя дні колькасць удзельнікаў павялічвалася. Зразумела, што за некалькі дзён навучыць людзей дасканала выконваць танец і валодаць музычным інструментам складана. Але ж і нашы “вучні” ўжо мелі харэаграфічную і музычную падрыхтоўку, і таму да канца мерапрыемства яны ўжо маглі смела танцаваць “Лявоніху” і нават граць на цымбалах.

Падчас мерапрыемсятва таксама ладзіўся круглы стол, у якім прынялі ўдзел прадстаўнікі Цэнтра ўкраінскай культуры Навасібірска. Сярод іншых пытанняў абмяркоўваліся агульныя музычныя інструменты Украіны, Расіі і Беларусі. Так, напрыклад, цымбалы з’яўляюцца традыцыйным інструментам для беларусаў і ўкраінцаў. Гэта ўсё паказвае на блізкасць, роднаснасць нашых культур.

“Мы пабачылі, што беларуская культура запатрабавана нават у такім аддаленым рэгіёне, як Сібір, дзе жыве шмат этнічных беларусаў, - паведаміў дырэктар Магілёўскага абласнога метадычнага цэнтра НТ і КАР Алег Хмялькоў. - Ды і расіяне цікавяцца нашай народнай творчасцю ў розных яе праявах: танцы, музыка і інш. Яны жадаюць бліжэй пазнаёміцца з нашай культурай і традыцыямі – для жыхароў Сібірскага рэгіёна гэта азначае культурнае ўзбагачэнне. Я спадзяюся, што правядзенне падобных мерапрыемстваў у далейшым паспрыяе збліжэнню нашых культур, паслужыць умацаванню культурных сувязей не толькі паміж нашымі ўстановамі культуры і рэгіёнамі, але і паміж народамі Расіі і Беларусі. Вядома, што наша супрацоўніцтва будзе працягвацца, бо яно мае важнае значэнне для абодвух бакоў. Прынамсі, у снежні гэтага года Навасібірскім цэнтрам беларускай культуры будзе праводзіцца семінар па кераміцы. Плануецца, што ў ім прыме ўдзел спецыяліст нашага цэнтра, які правядзе майстар-клас для расійскіх умельцаў, жадаючых навучыцца працаваць з глінай і пераняць традыцыйныя тэхналогіі беларускага народа”.

Вольга Семчанка, вядучы рэдактар Магілёўскага абласнога метадычнага цэнтра народнай творчасці і культурна-асветнай работы

 

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «культура»:

08.12.2017 - 12:44 | В Могилеве 11 декабря пройдут отборочные туры конкурсов фестиваля искусств «Славянский базар в Витебске»

В Могилеве 11 декабря пройдут отборочные туры конкурсов Международного фестиваля искусств «Славянский базар в Витебске».  Об этом корреспонденту сайта сообщили в  главном управлении идеологической работы, культуры и по делам молодежи облисполкома.

08.12.2017 - 11:33 | Латвийская делегация посетит Могилев 12-14 декабря

Латвийская делегация посетит Могилев 12-14 декабря.

06.12.2017 - 16:00 | Выставка «Георгий Конисский: Судьба. Философия. Святость. К 300-летию со дня рождения» работает в Могилеве

Выставка «Георгий Конисский: Судьба. Философия. Святость. К 300-летию со дня рождения» работает в Могилевском музее этнографии (ул. Первомайская, д.8).

05.12.2017 - 11:13 | Региональные рождественские образовательные чтения состоятся в Бобруйске 12 декабря

Региональные рождественские образовательные чтения «Нравственные ценности и будущее человечества» состоятся в Бобруйске 12 декабря. Об этом сообщили в Бобруйской епархии.

05.12.2017 - 10:52 | Народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы

Выдающийся музыкант, народный артист Беларуси Игорь Оловников 8 декабря выступит в Могилеве с концертом в сопровождении симфонического оркестра городской капеллы.

Рубрики

Работа с обращениями граждан и юридических лиц
Электронные обращения