Вверх

Вы здесь

Прайшоў месяц, як Бялынічы сталі горадам

Бялынічы вось ужо месяц прывыкаюць да новага статусу. Былы гарадскі пасёлак стаў горадам. Гэта, што ні кажы, прэстыжна. Але калі ўспомніць гісторыю, то населены пункт ужо быў калісьці горадам і нават меў Магдэбургскае права.

Бізнес на вёсцы - гэта перспектыўна

Сёння Бялынічы - сучасны і ўтульны для жыцця горад з насельніцтвам больш за 10 тысяч чалавек. Ён расце і развіваецца, у яго эканоміцы занятыя больш як 7,5 тысячы чалавек.

- Летась у раёне было створана 29 новых працоўных месцаў, - расказвае намеснік старшыні Бялыніцкага райвыканкама Алена Котасава. - Напрыклад, калгас «Радзіма» заняўся перапрацоўкай рапсу і запрасіў на працу 6 чалавек. Яшчэ 6 чалавек задзейнічаны на вытворчасці новага прыватнага прадпрыемства «Пелетайзер», якое спецыялізуецца на пелетах. Яго стваральнікі плануюць працаваць з краінамі Еўропы.

Сёлета мяркуецца стварыць 45 рабочых месцаў. Ёсць надзея, што новыя вытворчасці хутка з'явяцца на трох незадзейнічаных пакуль аб'ектах. Усе яны ў сельскай мясцовасці, але попыт на іх ёсць. І гэта радуе. Бо там дзе работа, там і людзі. А значыць, вёскі будуць працягваць жыць. Многія пачынаюць разумець, што сёння проста гандлем займацца не зусім выгадна, лепш арганізаваць вытворчасць і ствараць прадукт з высокай дабаўленай вартасцю.

У раёне зацікаўлены ў прадпрымальных людзях, якія зоймуцца больш глыбокай перапрацоўкай драўніны або перапрацоўкай грыбоў і ягад, якіх у бялыніцкіх лясах вельмі шмат.

Не горш, чым у сталіцы

Адчуць сябе гараджанінам у Бялынічах зусім проста. Ёсць вялікі сучасны Дом культуры з глядзельнай залай на 350 месцаў, залай для правядзення ўрачыстых мерапрыемстваў і дыска-залай. За кошт сродкаў ад суботніка адрамантаваны музей. Раней такім жа чынам быў зроблены рамонт кінатэатра, дзе зараз устаноўлена сучаснае 3D-абсталяванне. Так што сусветныя кінапрэм'еры жыхары Бялыніч глядзяць разам з мінчанамі. На базе фізкультурна-аздараўленчага комплексу «Друць» функцыянуюць пляцоўкі па міні-футболе і гандболе з глядзельнымі трыбунамі на 750 месцаў. «Гэта дазваляе нам праводзіць спаборніцтвы не толькі раённага ўзроўню, але нават рэспубліканскага і міжнароднага маштабу, - адзначае намеснік старшыні Бялыніцкага райвыканкама па сацыяльных пытаннях Андрэй Ганчук. - У рамках чэмпіянату Беларусі ў нас сустракаліся гандбольныя каманды. А на міжнародныя турніры прыязджаюць госці з Расіі, Прыбалтыкі. Ёсць шыкоўны басейн на 5 дарожак. Па прапанове жыхароў зрабілі пляцоўку для гульні ў гарадкі таксама з улікам міжнародных патрабаванняў. Тут праводзіўся абласны турнір сярод аматараў гарадошнага спорту.

Пра медыцынскія паслугі асобная размова. Да тутэйшых медыкаў прыязджаюць з Магілёва і нават Мінска.

- А што тут дзіўнага? - паціскае плячыма Андрэй Ганчук. - Мы забяспечаны ўрачамі і сярэднім медперсаналам на ўсе 100%, чым сёння можа пахваліцца далёка не кожны раён. У нас моцнае лабараторна-дыягнастычнае абсталяванне. Ёсць абсталяванне, якое дапамагае высветліць стан органа зроку ўсяго за паўхвіліны. За некалькі секундаў можна зрабіць экспрэс-аналіз крыві. Асвоены і працягваюць укараняцца новыя віды лапараскапічных аперацый. Развіта аказанне дадатковых платных паслуг. Летась на гэтым наша медыцына зарабіла больш за 345 тысяч новых рублёў. Гэтыя грошы ідуць на ўмацаванне матэрыяльна-тэхнічнай базы і закупку расходных матэрыялаў. Зараз усталёўваем новы рэнтген-апарат з тамографам на 3 працоўныя месцы. Абсталяванне дазволіць рабіць дыягностыку тых органаў, якія немагчыма было праверыць раней. Так што наша медыцына стане яшчэ бліжэйшай да чалавека.

"Звязда"

Если вы заметили ошибку в тексте, пожалуйста, выделите ее и нажмите Ctrl+Enter.

Читайте также в категории «регионы»:

18.02.2018 - 14:30 | В Хотимском районе на Березковском участке явка избирателей превышает 88%

В Хотимском районе на Березковском участке явка избирателей превышает 88%. Как рассказала председатель избирательной комиссии по этому участку Светлана Лаущенко, в досрочном голосовании из 511 избирателей приняли участие 363 (71%).

18.02.2018 - 13:40 | Выборы депутатов местных Советов депутатов 28-го созыва в Быховском районе

По информации секретаря Быховской районной избирательной комиссии Татьяны Ермолицкой, на 12.00 часов дня на участках проголосовало 64% избирателей, а вот в период досрочного голосования - 42% граждан.

18.02.2018 - 13:09 | В Шкловском районе для голосования открыты 32 избирательных участка

В Шкловском районе для голосования открыты 32 избирательных участка. Здесь сформировано 9 территориальных избирательных комиссий по выборам депутатов в местные Советы, в том числе 1 районная, 8 сельских, а также 2 окружные по выборам в областной Совет депутатов.

16.02.2018 - 10:15 | Личный прием граждан проведет 6 марта в Чаусском райисполкоме помощник Президента Беларуси - инспектор по Могилевской области Геннадий Лавренков

Личный прием граждан и прямую телефонную линию проведет 6 марта в Чаусском райисполкоме помощник Президента Беларуси - инспектор по Могилевской области Геннадий Лавренков.  

15.02.2018 - 16:41 | В Кричеве открыли мемориальную доску в память о погибшем в Афганистане рядовом Владимире Карпове

В Кричеве открыли мемориальную доску в память о рядовом Владимире Карпове, погибшем при исполнении интернационального долга в Афганистане. Она разместилась на здании средней школы №3, выпускником которой когда-то был солдат.

Рубрики

Работа с обращениями граждан и юридических лиц
Электронные обращения
Март-Контакт