Рус Бел Eng 中文

Сусветны дзень снегу адзначаць 14 студзеня ў Бялынічах

Спартыўна-масавае мерапрыемства, прымеркаванае да Сусветнага дня снегу пройдзе 14 студзеня ў Бялынічах на базе ФАКу “Друць”.

Удзельнікаў і гасцей свята чакае цікавая і насычаная спартыўная праграма: спаборніцтвы па лыжных гонках, перацягванні каната, дартсе, гіравым спорце, а таксама незвычайная спартландыя на каньках. Будзе арганізавана і работа гандлёвых кропак. Для маленькіх наведвальнікаў прадугледжаны гульнёвыя забавы.

У спаборніцтвах паўдзельнічаюць каманды працоўных калектываў прадпрыемстваў і арганізацый раёна, вучні ўстаноў адукацыі. Запрашаюцца таксама прыхільнікі здаровага ладу жыцця з ліку жыхароў Бялыніччыны. Пачатак мерапрыемства а 10-й гадзіне раніцы.

Сусветны день снегу (англ. World Snow Day) – міжнароднае свята зімовых відаў спорту, якое, пачынаючы з 2012 года, штогод адзначаецца ў студзені. Ініцыятарам і заснавальнікам яго з’яўляецца Міжнародная арганізацыя лыжнага спорту. Беларусь не стала выключэннем і таксама далучылася да добрай традыцыі. Амаль ва ўсіх рэгіёнах краіны, у гарналыжных цэнтрах, на снежных стадыёнах і пляцоўках, у гэты дзень збіраецца мноства людзей, каб актыўна і на карысць здароўю правесці свой вольны час.

“Зара над Друццю”

При использовании материалов активная гиперссылка на mogilev-region.gov.by обязательна